STUDY 8

Iusim Tokpiksa for Teach

Matthew 13:34, 35

WANEM FOR DUIM: Iusim olketa tokpiksa wea isi for minim. Olketa tokpiksa shud mekem man interest and helpem iu for teachim olketa important point.

HAO FOR DUIM:

Iusim tokpiksa wea isi for minim. Followim example bilong Jesus long wei for iusim olketa tokpiksa wea isi for pipol minim for explainim olketa important truth. No addim information wea no important, wea savve mekem point bilong tokpiksa no klia. Mek sure evri samting iu storyim long tokpiksa hem join gud witim wanem iu teachim, mekem audience no konfius from samfala samting no mek sense.

Trae for tingim samfala tokpiksa wea iu savve iusim for teach. For duim olsem, iu savve lukluk long olketa samting raonem iu, studyim olketa Bible pablikeson, and lisin long olketa wea savve teach gud. Raetem daon olketa tokpiksa hia, and keepim gud.
Tingim olketa wea lisin long iu. Iusim tokpiksa abaotem olketa samting wea audience bilong iu savve duim and wea olketa bae interest long hem. No iusim tokpiksa wea bae mekem olketa shame or feel nogud.
Teachim main point. Hem gud for iusim tokpiksa for olketa main point nomoa, and no for olketa smol point. Mek sure audience lanem samting from tokpiksa, and no just tingim nomoa datfala tokpiksa.