SONG 3
Jehovah Givim Strong, Hope, and Wei for No Fraet
1. Jah mifala tinghae nao long hope
wea iu nao givim kam.
Dastawe mifala laekem
world mas herem datwan.
Bat samfala taem kasem hevi
wea hem mekem man hem fraet.
From datwan hope b’long mifala
hem hope wea no shaen braet.
(CHORUS)
Man hem strong, garem hope
and wei for no fraet,
taem hemi depend nao long iu.
And mifala no fraet
taem mifala preach,
diswan hem from man trustim iu.
2. So plis mekem heart b’long mifala
for tingim evritaem,
Hao iu comfortim and strongim
man wea kasem hard taem.
Wei for ting olsem bae mekem man
tinghae moa and no fraet tu.
Hem bae strong for go talemaot
holy nem bilong iu.
(CHORUS)
Man hem strong, garem hope
and wei for no fraet,
taem hemi depend nao long iu.
And mifala no fraet
taem mifala preach,
diswan hem from man trustim iu.
(Lukim tu Ps. 72:13, 14; Prov. 3:5, 6, 26; Jer. 17:7.)