SONG 54
“Diswan Nao Hem Wei”
1. For iumi garem peace
Wanfala wei hem stap,
Wea iumi lanem and
Wea hemi from antap.
Diswan nao Jesus teachim,
Wea iumi herem.
And hem nao wei b’long peace
Wea Bible hem talem.
(CHORUS)
Diswan nao wei for laef, yes hemi wei.
Iumi mas no go difren, mas obey!
God nao hem talem: ‘Diswan hem wei,
No ting go bak, from diswan nao hem wei.’
2. Love nao hem wei wea God
Hem teachim long iumi.
For savve gud long hem,
Mekem iumi hapi.
Love b’long hem gud and tru,
Love b’long hem nambawan.
Diswan nao wei b’long love
Wea helpem iumi man.
(CHORUS)
Diswan nao wei for laef, yes hemi wei.
Iumi mas no go difren, mas obey!
God nao hem talem: ‘Diswan hem wei,
No ting go bak, from diswan nao hem wei.’
3. Wanfala wei hem stap
For iumi followim.
And diswan nao hem wei
God b’long iumi givim.
Best wei for showim love,
Mekem tru peace hem stap.
Hem wei for kasem laef,
Thankiu long God antap.
(CHORUS)
Diswan nao wei for laef, yes hemi wei.
Iumi mas no go difren, mas obey!
God nao hem talem: ‘Diswan hem wei,
No ting go bak, from diswan nao hem wei.’
(Lukim tu Ps. 32:8; 139:24; Prov. 6:23.)