7A “Soul”—Man or Animal wea Laef; Laef Bilong Man; Olketa Nara Mining

**Greek Languis, ψυχή (psy·kheʹ); Latin Languis, aʹni·ma; Hebrew Languis, נפש (neʹphesh)**

Datfala Greek word psy·kheʹ hem stap 102 taem long olketa Christian Greek Scripture. First ples wea hem stap hem long Matthew 2:20. Long olketa scripture wea datfala word psy·kheʹ hem stap, wei for tingim samting wea man hem raet abaotem bae helpem iumi for minim olketa difren wei wea olketa man wea raetem Bible iusim datfala word psy·kheʹ. Hem savve minim man or animal, or laef bilong man or animal. Dastawe, long Solomon Islands Pidgin Niu World Bible, mifala transleitim psy·kheʹ olsem “soul,” “laef,” “man,” and samfala wei moa for fitim samting wea man raet abaotem.

Hebrew word for datfala Greek word psy·kheʹ hem neʹphesh. Datfala word neʹphesh hem stap 754 taem long olketa Hebrew Scripture. First ples wea hem stap hem long Genesis 1:20. Long samfala Bible olketa transleitim psy·kheʹ and neʹphesh olsem “spirit.” Bat long Greek languis, word for spirit hem pneuʹma, and long Hebrew languis, word for spirit hem ruʹach. (For minim hao psy·kheʹ hem difren from spirit, lukim olketa scripture anda long heding “Psy·kheʹ and spirit (pneuʹma) no semsem.”) Long samfala Bible olketa transleitim psy·kheʹ and neʹphesh olsem “spirit” bikos long datfala laea teaching wea sei man garem spirit wea no savve dae. Datfala laea teaching hem kam from religion and tingting bilong olketa pipol bifor long Egypt, Babylon, Greece, and Rome.

For helpem man savve hao olketa wea raetem Bible iusim datfala word psy·kheʹ mifala listim long daon olketa scripture wea datfala word psy·kheʹ hem stap long olketa firstfala Greek Scripture.

Psy·kheʹ hem savve minim olketa animal

Revelation 8:9

Psy·kheʹ hem savve minim man wea laef

Acts 2:41, 43; 7:14; 27:37

Rome 13:1

1 Corinth 15:45

1 Peter 3:20

2 Peter 2:14

Psy·kheʹ hem savve dae, or finis

Matthew 2:20; 10:28, 28; 26:38

Mark 3:4; 14:34

Luke 6:9; 17:33