Faendem Long Ples Olketa Peim Old Pepa

HEM nao ples wanfala young wan wea iusim Tamil languis long Chennai, India, hem lukim Awake! magasin bilong August 8, 1999. Bihaen hem lukluk long magasin hia, and olketa narafala copy wea hem faendem, hem talemaot tingting bilong hem abaotem olketa magasin hia long leta bilong hem go long branch office bilong Olketa Jehovah’s Witness long India.

Hem raet: “Wekap! hem wanfala nambawan magasin wea garem staka information and barava gud for iusim. Information insaed barava helpem man. Gud tumas!”

Then hem ask: “Mi laekem tumas tu for disfala magasin wea garem staka information, wea kasem full world, for kamap part long library bilong mi. Bihaen mi readim olketa magasin wea stap finis, mi bae laek for kasem olketa niu wan.”

Olsem olketa explainim long page 4 bilong each Wekap!, magasin hia givim savve abaotem staka subject. Nomata olsem, hem sei olsem abaotem purpose bilong hem: “Barava important samting, disfala magasin mekem grow trust long promis bilong Creator for wanfala sef niu world wea garem peace wea bae changem disfala wicked system wea brekem law.”

Disfala 32-page brochure Wanem Nao God Mas Kasem From Iumi? hem mekhae long datfala purpose bilong God and givim information from Bible wea showim wanem iumi need for duim for hem hapi long iumi. Sapos iu laekem copy bilong disfala brochure, raet long spes long daon and sendem long wanfala address wea fitim long page 5 bilong disfala magasin.

□ Sendem mi copy bilong brochure Wanem Nao God Mas Kasem From Iumi?

□ Plis kam lukim mi for wanfala free hom Bible study.