Olketa Study Kwestin for Bible Story Buk Bilong Mi

Story 1

God Start for Wakem Samting

1. Evri gudfala samting kam from wea, and wanem nao wanfala example?

2. Wanem nao firstfala samting wea God wakem?

3. Why nao firstfala angel hem spesol?

4. Earth hem luk hao long firstaem? (Lukim piksa.)

5. Wanem nao God duim for redyim earth for olketa animal and pipol for stap insaed?

Samfala extra kwestin:

1. Readim Jeremiah 10:12.

   Olketa wanem fasin bilong God nao showaot long creation bilong hem? (Isa. 40:26; Rom. 11:33)

2. Readim Colossians 1:15-17.

   Hao nao Jesus share long creation, and hao nao diswan shud affectim tingting bilong iumi abaotem hem? (Col. 1:15-17)

3. Readim Genesis 1:1-10.

   1. Hao nao earth hem start? (Gen. 1:1)

   2. Wanem nao happen long firstfala day bilong creation? (Gen. 1:3-5)

   3. Wanem nao happen long mek-tu day bilong creation? (Gen. 1:7, 8)

Story 2

Wanfala Naes Garden

1. Hao nao God redyim earth for kamap ples for iumi stap insaed?

2. Storyim olketa didifren kaen animal wea God wakem. (Lukim piksa.)

3. Why nao garden bilong Eden hem spesol?

4. God hem laekem for full earth kamap wanem?

Samfala extra kwestin:

1. Readim Genesis 1:11-25.

   1. Wanem nao God creatim long mek-thri day bilong creation? (Gen. 1:12)

   2. Wanem nao happen long mek-foa day bilong creation? (Gen. 1:16)

   3. Olketa wanem kaen animal nao God wakem long mek-faev and mek-six day? (Gen. 1:20, 21, 25)

2. Readim Genesis 2:8, 9.

   Wanem nao tufala spesol tree wea God putim insaed long datfala garden, and tufala piksarem wanem?

Story 3

Firstfala Man and Woman

1. Hao nao piksa long Story 3 hem difren from piksa long Story 2?

2. Hu nao wakem firstfala man, and hu nao nem bilong firstfala man hia?

3. Wanem waka nao God givim long Adam for duim?

4. Why nao God mekem Adam for deep sleep?

5. Adam and Eve fit for laef for hao long, and wanem waka nao Jehovah laekem tufala for duim?

Samfala extra kwestin:

1. Readim Psalm 83:18.

   Hu nao nem bilong God, and wanem nao position bilong hem? (Jer. 16:21; Dan. 4:17)

2. Readim Genesis 1:26-31.

   1. Wanem nao barava spesol samting wea God wakem long mek-six day, and hao nao diswan hem difren from olketa animal? (Gen. 1:26)

   2. Jehovah givim wanem samting for olketa man and animal? (Gen. 1:30)

3. Readim Genesis 2:7-25.

   1. Wanem nao Jehovah duim taem hem givim assignment long Adam for nemem olketa animal? (Gen. 2:19)

   2. Hao nao Genesis 2:24 helpem iumi for minim tingting bilong Jehovah abaotem marit, wei for separate, and divorce? (Matt. 19:4-6, 9)

Story 4

Why Tufala Lusim Hom

1. Taem iu lukim piksa, wanem nao happen long Adam and Eve?

2. Why nao Jehovah panisim tufala?

3. Wanem nao wanfala snek talem long Eve?

4. Hu nao mekem datfala snek story long Eve?

5. Why nao Adam and Eve lusim Paradaes wea tufala stap insaed?

Samfala extra kwestin:

1. Readim Genesis 2:16, 17 and 3:1-13, 24.

   1. Hao nao kwestin wea datfala snek askem long Eve mekem hem garem rong tingting abaotem Jehovah? (Gen. 3:1-5; 1 John 5:3)

   2. Long wanem wei nao samting wea kasem Eve hem olsem wanfala warning for iumi? (Phil. 4:8; Jas. 1:14, 15; 1 John 2:16)

   3. Long wanem wei nao Adam and Eve fail for acceptim responsibility for samting wea tufala duim? (Gen. 3:12, 13)

   4. Hao nao tufala angel wea Jehovah putim long spialaen bilong garden long east saed sapotim sovereign rul bilong hem? (Gen. 3:24)

2. Readim Revelation 12:9

   Long wanem wei nao Satan hem win for mekem olketa man againstim rul bilong God? (1 John 5:19)

Story 5

Hardfala Taem Hem Start

1. Laef hem hao for Adam and Eve aotsaed long garden bilong Eden?

2. Wanem nao start for happen long Adam and Eve, and why nao olsem?

3. Why nao olketa pikinini bilong Adam and Eve kamap olo and dae?

4. Tingim sapos Adam and Eve obeyim Jehovah, laef bilong tufala and olketa pikinini bilong tufala bae hao?

5. Hao nao wei wea Eve no obey hem mekem hem kasem pain?

6. Wanem nao nem bilong tufala first son bilong Adam and Eve?

7. Hu nao olketa nara pikinini insaed long disfala piksa?

Samfala extra kwestin:

1. Readim Genesis 3:16-23 and 4:1, 2.

   1. Hao nao wei wea God cursim graon hem affectim laef bilong Adam? (Gen. 3:17-19; Rom. 8:20, 22)

   2. Why nao nem bilong Eve, wea minim “Datwan wea Laef,” hem fitim? (Gen. 3:20)

   3. Hao nao Jehovah showimaot hem tingim Adam and Eve nomata bihaen tufala sin? (Gen. 3:7, 21)

2. Readim Revelation 21:3, 4.

   Wanem nao olketa “samting bifor” wea iu laekem tumas for finis?

Story 6

Gudfala Son, and Nogud Son

1. Wanem nao waka bilong Cain and waka bilong Abel?

2. Wanem nao olketa present wea Cain and Abel givim long Jehovah?

3. Why nao Jehovah hapi long present bilong Abel, and why nao hem no hapi long present bilong Cain?

4. Cain hem wanem kaen man, and hao nao Jehovah trae for stretem hem?

5. Wanem nao Cain duim taem hem and brata bilong hem stap seleva long field?

6. Storyim samting wea happen long Cain bihaen hem killim dae brata bilong hem.

Samfala extra kwestin:

1. Readim Genesis 4:2-26

   1. Wanem nao Jehovah talem abaotem danger wea Cain stap insaed? (Gen. 4:7)

   2. Hao nao Cain showaot hem no tingim brata bilong hem? (Gen. 4:9)

   3. Hao nao Jehovah ting long wei for killim dae man wea no guilty? (Gen. 4:10; Isa. 26:21)

2. Readim 1 John 3:11, 12.

   1. Why nao Cain hem kros fogud, and hao nao diswan hem wanfala warning for iumi distaem? (Gen. 4:4, 5; Prov. 14:30; 28:22)

   2. Long wanem wei nao Bible showimaot hao nomata evri famili member againstim Jehovah, iumi still savve gohed faithful? (Ps. 27:10; Matt. 10:21, 22)

3. Readim John 11:25.

   Wanem promis nao Jehovah talem for evriwan wea dae for saed bilong raeteous fasin? (John 5:24)

Story 7

Wanfala Man wea No Fraet

1. Long wanem wei nao Enoch hem difren?

2. Why nao pipol long taem bilong Enoch duim staka nogud samting?

3. Wanem nao olketa nogud samting wea pipol duim? (Lukim piksa.)

4. Why nao Enoch mas no fraet?

5. Long datfala taem olketa man laef kasem haomas year, bat waswe long Enoch?

6. Wanem nao happen bihaen Enoch hem dae?

Samfala extra kwestin:

1. Readim Genesis 5:21-24, 27.

   1. Wanem kaen wei for fren nao Enoch garem witim Jehovah? (Gen. 5:24)

   2. Bible sei hu nao laef longtaem winim eni narawan, and hem haomas year taem hem dae? (Gen. 5:27)

2. Readim Genesis 6:5.

   Bihaen Enoch dae, hao nao living long earth, and hao nao diswan olsem taem bilong iumi? (2 Tim. 3:13)

3. Readim Hebrews 11:5.

   Wanem nao fasin bilong Enoch wea ‘God hapi long hem,’ and wanem nao kamaot from datwan? (Gen. 5:22)

4. Readim Jude 14, 15.

   Hao nao olketa Christian distaem savve followim fasin bilong Enoch for no fraet taem olketa warnim pipol abaotem war bilong Armageddon? (2 Tim. 4:2; Heb. 13:6)

Story 8

Olketa Giant Stap Long Earth

1. Wanem nao happen taem samfala angel bilong God lisin long Satan?

2. Why nao samfala angel lusim waka bilong olketa long heven and kam daon long earth?

3. Why nao hem rong for olketa angel kam daon long earth and kamap olsem man?

4. Hao nao olketa pikinini bilong olketa angel olketa difren?

5. Olsem piksa showim, wanem nao olketa pikinini bilong olketa angel duim taem olketa kamap giant?

6. Hu nao nara gudfala man wea stap long earth bihaen long Enoch, and why nao God laekem hem?

Samfala extra kwestin:

1. Readim Genesis 6:1-8.

   Wanem nao Genesis 6:6 showimaot abaotem wei wea fasin bilong iumi savve affectim feeling bilong Jehovah? (Ps. 78:40, 41; Prov. 27:11)

2. Readim Jude 6.

   Long wanem wei nao olketa angel “wea no keepim firstfala position bilong olketa” long taem bilong Noah kamap olsem example for iumi distaem? (1 Cor. 3:5-9; 2 Pet. 2:4, 9, 10)

Story 9

Noah Buildim Wanfala Ark

1. Haomas pipol nao insaed famili bilong Noah, and wanem nao nem bilong thrifala son bilong hem?

2. Wanem samting nao God askem Noah for duim, and why nao olsem?

3. Wanem nao pipol duim taem Noah story abaotem ark long olketa?

4. Wanem nao God talem Noah for duim witim olketa animal?

5. Bihaen God satem door bilong ark, wanem nao Noah and famili bilong hem mas duim?

Samfala extra kwestin:

1. Readim Genesis 6:9-22.

   1. Wanem nao mekem Noah wanfala nambawan worshiper bilong tru God? (Gen. 6:9, 22)

   2. Jehovah feel hao abaotem raf fasin, and hao nao diswan shud affectim wei wea iumi chusim hapitaem? (Gen. 6:11, 12; Ps. 11:5)

   3. Long wanem wei nao iumi savve followim example bilong Noah taem iumi kasem direction from organization bilong Jehovah? (Gen. 6:22; 1 John 5:3)

2. Readim Genesis 7:1-9.

   Hao nao wei wea Jehovah ting long Noah wea no perfect olsem hem raeteous hem encouragem iumi distaem? (Gen. 7:1; Prov. 10:16; Isa. 26:7)

Story 10

Bigfala Flood

1. Why nao no eniwan savve go insaed long ark bihaen rain hem start?

2. Jehovah mekem rain foldaon for haomas day and naet, and gogo, hao deep nao wata hia?

3. Wanem nao happen long ark taem wata start for kavarem earth?

4. Waswe, olketa giant laef thru long Flood, and wanem nao happen long olketa dadi bilong olketa giant?

5. Wanem nao happen long ark bihaen faevfala month?

6. Why nao Noah letem wanfala raven go aot from ark?

7. Hao nao Noah savve wata hem gogo daon?

8. Wanem nao God talem long Noah bihaen hem and famili bilong hem stap insaed ark for winim wan year?

Samfala extra kwestin:

1. Readim Genesis 7:10-24.

   1. Wanem nao distroe long earth? (Gen. 7:23)

   2. Hem tek hao long nao for wata bilong Flood for gogo daon? (Gen. 7:24)

2. Readim Genesis 8:1-17.

   Hao nao Genesis 8:17 showimaot firstfala plan bilong Jehovah for earth hem no change? (Gen. 1:22)

3. Readim 1 Peter 3:19, 20.

   1. Taem olketa bighed angel go bak long heven, wanem panis nao olketa kasem? (Jude 6)

   2. Long wanem wei nao story abaotem Noah and famili bilong hem mekem iumi barava feel sure Jehovah fit for sevem pipol bilong hem? (2 Pet. 2:9)

Story 11

Firstfala Rainbow

1. Olsem piksa hem showim, wanem nao Noah duim long firstaem wea hem kamaot from ark?

2. Wanem komand nao God givim long Noah and famili bilong hem bihaen long Flood?

3. Wanem promis nao God talem?

4. Taem iumi lukim wanfala rainbow, datwan shud mekem iumi rememberim wanem?

Samfala extra kwestin:

1. Readim Genesis 8:18-22.

   1. Hao nao iumi distaem savve givim samting wea garem “naes smel” long Jehovah? (Gen. 8:21; Heb. 13:15, 16)

   2. Wanem nao Jehovah talem abaotem heart bilong man, and diswan shud mekem iumi careful long wanem samting? (Gen. 8:21; Matt. 15:18, 19)

2. Readim Genesis 9:9-17.

   1. Wanem covenant nao Jehovah mekem witim evri samting wea laef long earth? (Gen. 9:10, 11)

   2. Datfala rainbow covenant bae gohed for hao long? (Gen. 9:16)

Story 12

Olketa Buildim Wanfala Big Taoa

1. Hu nao Nimrod, and hao nao God ting long hem?

2. Olsem piksa hem showim, why nao pipol wakem olketa brik?

3. Why nao Jehovah no hapi long disfala building waka?

4. Hao nao Jehovah stopem wei for buildim datfala taoa?

5. Wanem nao nem bilong datfala taon, and wanem nao datfala nem hem minim?

6. Wanem nao happen long pipol hia bihaen God mekem olketa for toktok long olketa difren languis?

Samfala extra kwestin:

1. Readim Genesis 10:1, 8-10.

   Wanem fasin nao Nimrod hem showimaot, and hao nao datwan olsem wanfala warning for iumi? (Prov. 3:31)

2. Readim Genesis 11:1-9.

   Why nao pipol buildim datfala taoa, and why nao datwan hem mas fail? (Gen. 11:4; Prov. 16:18; John 5:44)

Story 13

Abraham—Fren Bilong God

1. Wanem kaen pipol nao stap long taon bilong Ur?

2. Hu nao man insaed long piksa, wanem taem nao hem born, and hem stap long wea?

3. Wanem nao God talem Abraham for duim?

4. Why nao Bible sei Abraham hem fren bilong God?

5. Hu nao go witim Abraham taem hem lusim Ur?

6. Wanem nao God talem long Abraham taem hem kasem land bilong Canaan?

7. Wanem promis nao God talem long Abraham taem hem 99 year?

Samfala extra kwestin:

1. Readim Genesis 11:27-32.

   1. Lot hem wanem bilong Abraham? (Gen. 11:27)

   2. Nomata Bible sei Terah nao wan wea tekem famili bilong hem and isisi muv go long Canaan, hao nao iumi savve Abraham nao talem olketa for muv, and why nao hem duim datwan? (Gen. 11:31; Acts 7:2-4)

2. Readim Genesis 12:1-7.

   Bihaen Abraham kasem land bilong Canaan, wanem nara promis nao Jehovah talem wea join witim covenant wea hem mekem witim Abraham finis? (Gen. 12:7)

3. Readim Genesis 17:1-8, 15-17.

   1. Taem Abram kasem 99 year, Jehovah changem nem bilong hem go long wanem, and why nao olsem? (Gen. 17:5)

   2. Wanem nao olketa blessing wea Jehovah promisim long Sarah? (Gen. 17:15, 16)

4. Readim Genesis 18:9-19.

   1. Long Genesis 18:19 hem storyim olketa wanem responsibility bilong olketa dadi? (Deut. 6:6, 7; Eph. 6:4)

   2. Wanem nao samting wea Sarah duim wea showimaot iumi no savve haedem eni samting from Jehovah? (Gen. 18:12, 15; Ps. 44:21)

Story 14

God Testim Faith Bilong Abraham

1. Wanem promis nao God talem long Abraham, and hao nao God duim samting wea hem promisim?

2. Olsem piksa hem showim, hao nao God testim faith bilong Abraham?

3. Wanem nao Abraham duim, nomata hem no minim reason why God talem datfala komand?

4. Wanem nao happen taem Abraham holem naef for killim dae son bilong hem?

5. Hao strong nao faith bilong Abraham long God?

6. Wanem nao God provaedem for Abraham sakrifaesim, and hao nao hem duim datwan?

Samfala extra kwestin:

1. Readim Genesis 21:1-7.

   Why nao Abraham circumcisem son bilong hem long mek-eit day bihaen hem born? (Gen. 17:10-12; 21:4)

2. Readim Genesis 22:1-18.

   Hao nao Isaac showimaot wei for stap anda long Dadi bilong hem, Abraham, and diswan piksarem wanem samting wea moa important?(Gen. 22:7-9; 1 Cor. 5:7; Phil. 2:8, 9)

Story 15

Waef Bilong Lot Luk Bak

1. Why nao Abraham and Lot separate from each other?

2. Why nao Lot hem chus for go stap long Sodom?

3. Wanem kaen fasin nao pipol bilong Sodom garem?

4. Tufala angel givim wanem warning long Lot?

5. Why nao waef bilong Lot kamap wanfala ston bilong salt?

6. Wanem leson nao iumi savve lanem from waef bilong Lot?

Samfala extra kwestin:

1. Readim Genesis 13:5-13.

   Saed long wei for stretem problem iumi garem witim narawan, wanem leson nao iumi savve lanem from Abraham? (Gen. 13:8, 9; Rom. 12:10; Phil. 2:3, 4)

2. Readim Genesis 18:20-33.

   Hao nao wei wea Jehovah deal witim Abraham mekem iumi feel sure hao Jehovah and Jesus bae judge long raeteous wei? (Gen. 18:25, 26; Matt. 25:31-33)

3. Readim Genesis 19:1-29.

   1. Wanem nao disfala story long Bible showimaot abaotem wei wea Jehovah ting long homosexual fasin? (Gen. 19:5, 13; Lev. 20:13)

   2. Hao nao samting wea Lot duim taem Jehovah givim direction hem difren from samting wea Abraham duim taem Jehovah givim direction, and wanem nao iumi savve lanem from diswan? (Gen. 19:15, 16, 19, 20; 22:3)

4. Readim Luke 17:28-32.

   Wanem nao feeling insaed heart bilong waef bilong Lot abaotem olketa material samting, and hao nao diswan olsem wanfala warning for iumi? (Luke 12:15; 17:31, 32; Matt. 6:19-21, 25)

5. Readim 2 Peter 2:6-8.

   From iumi laek for followim example bilong Lot, hao nao iumi shud ting long pipol long world wea no lovem God? (Ezek. 9:4; 1 John 2:15-17)

Story 16

Isaac Kasem Wanfala Gud Waef

1. Hu nao man and woman insaed long piksa?

2. Wanem nao Abraham duim for kasem wanfala waef for son bilong hem, and why nao olsem?

3. Hao nao prea bilong servant bilong Abraham kasem ansa?

4. Wanem nao ansa bilong Rebekah taem olketa askem hem sapos hem laek for maritim Isaac?

5. Wanem nao mekem Isaac hapi moa?

Samfala extra kwestin:

1. Readim Genesis 24:1-67.

   1. Wanem nao olketa nambawan fasin wea Rebekah showimaot taem hem meetim servant bilong Abraham long well? (Gen. 24:17-20; Prov. 31:17, 31)

   2. Arrangement bilong Abraham for Isaac hem showimaot wanem nambawan example for olketa Christian distaem? (Gen. 24:37, 38; 1 Cor. 7:39; 2 Cor. 6:14)

   3. Why nao iumi shud markem taem for ting raonem samting olsem Isaac hem duim? (Gen. 24:63; Ps. 77:12; Phil. 4:8)

Story 17

Tufala Twin wea Difren

1. Hu nao Esau and Jacob, and hao nao tufala difren?

2. Esau and Jacob haomas year taem grandadi bilong tufala, Abraham, hem dae?

3. Wanem nao Esau duim wea mekem mami and dadi bilong hem feel sorre fogud?

4. Why nao Esau hem barava kros long brata bilong hem Jacob?

5. Wanem instruction nao Isaac givim long son bilong hem Jacob?

Samfala extra kwestin:

1. Readim Genesis 25:5-11, 20-34.

   1. Wanem profesi nao Jehovah talem saed long tufala son bilong Rebekah? (Gen. 25:23)

   2. Hao nao tingting bilong Jacob hem difren from tingting bilong Esau abaotem present wea firstborn fit for kasem? (Gen. 25:31-34)

2. Readim Genesis 26:34, 35; 27:1-46; and 28:1-5.

   1. Hao nao wei wea Esau no tinghae long olketa spiritual samting hem showaot klia? (Gen. 26:34, 35; 27:46)

   2. Wanem nao Isaac talem Jacob for duim for hem kasem blessing bilong God? (Gen. 28:1-4)

3. Readim Hebrews 12:16, 17.

   Example bilong Esau showimaot wanem nao bae kasem olketa wea lukdaonem olketa holy samting?

Story 18

Jacob Hem Go Long Haran

1. Hu nao gele insaed long disfala piksa, and wanem nao Jacob duim for hem?

2. Wanem nao Jacob willing for duim mekem hem maritim Rachel?

3. Wanem nao Laban duim long taem wea Jacob redi for maritim Rachel?

4. Wanem nao Jacob agree for duim for mekem hem fit for maritim Rachel?

Samfala extra kwestin:

1. Readim Genesis 29:1-30.

   1. Nomata taem Laban trikim hem, hao nao Jacob showimaot hem wanfala gud man, and wanem nao iumi savve lanem from diswan? (Gen. 25:27; 29:26-28; Matt. 5:37)

   2. Hao nao example bilong Jacob showimaot tru love hem difren from wei for barava laekem nomoa lukluk bilong samwan? (Gen. 29:18, 20, 30; Song of Sol. 8:6)

   3. Hu nao fofala woman wea Jacob garem olketa pikinini witim? (Gen. 29:23, 24, 28, 29)

Story 19

Jacob Garem Big Famili

1. Hu nao nem bilong sixfala son bilong Jacob wea Leah, firstfala waef bilong hem bornem?

2. Hu nao tufala son bilong Jacob wea servant bilong Leah, Zilpah hem bornem?

3. Hu nao nem bilong tufala son bilong Jacob wea servant bilong Rachel, Bilhah hem bornem?

4. Hu nao tufala son wea Rachel bornem, bat wanem nao happen taem mek-tu son hem born?

5. Olsem piksa hem showim, haomas son nao Jacob garem, and olketa kamap laen dadi bilong hu?

Samfala extra kwestin:

1. Readim Genesis 29:32-35; 30:1-26; and 35:16-19.

   Hao nao olketa givim nem long olketa Jew pikinini bifor, olsem olketa duim long 12-fala son bilong Jacob?

2. Readim Genesis 37:35.

   Nomata Bible talem nem bilong Dinah nomoa, hao nao iumi savve Jacob garem samfala nara dota tu? (Gen. 37:34, 35)

Story 20

Dinah Hem Insaed Trabol

1. Why nao Abraham and Isaac no laekem pikinini bilong olketa for maritim pipol from land bilong Canaan?

2. Waswe, Jacob hem hapi taem dota bilong hem fren witim olketa gele from Canaan?

3. Hu nao man wea lukluk long Dinah long piksa, and wanem nogud samting nao hem duim?

4. Wanem nao tufala brata bilong Dinah, Simeon and Levi, duim taem tufala herem samting wea happen?

5. Waswe, Jacob hem hapi long samting wea Simeon and Levi duim?

6. Hao nao evri trabol long famili hem start?

Samfala extra kwestin:

1. Readim Genesis 34:1-31.

   1. Waswe, Dinah hem go wantaem nomoa long olketa gele from land bilong Canaan? Explainim diswan. (Gen. 34:1)

   2. Why nao Dinah garem lelebet blame tu for wei wea Shechem spoelem hem? (Gal. 6:7)

   3. Hao nao olketa young wan distaem savve showimaot olketa followim warning wea olketa lanem from example bilong Dinah? (Prov. 13:20; 1 Cor. 15:33; 1 John 5:19)

Story 21

Olketa Brata Heitim Joseph

1. Why nao olketa brata bilong Joseph jealous long hem, and wanem nao olketa duim?

2. Olketa brata bilong Joseph laek for duim wanem long hem, bat wanem nao Reuben hem talem?

3. Wanem nao happen taem olketa Ishmaelite man go pas?

4. Wanem nao olketa brata bilong Joseph duim for mekem dadi bilong olketa tingse Joseph hem dae finis?

Samfala extra kwestin:

1. Readim Genesis 37:1-35.

   1. Hao nao olketa Christian savve followim example bilong Joseph long wei for reportim eniwan wea duim rong fasin insaed kongregeson? (Gen. 37:2; Lev. 5:1; 1 Cor. 1:11)

   2. Wanem nao mekem olketa brata bilong Joseph duim nogud samting long hem? (Gen. 37:11, 18; Prov. 27:4; Jas. 3:14-16)

   3. Wanem samting wea Jacob duim nao hem normal samting wea man duim taem hem feel sorre from samwan hem lovem hem dae? (Gen. 37:35)

Story 22

Olketa Putim Joseph Long Prison

1. Joseph hem haomas year taem olketa tekem hem go long Egypt, and wanem nao happen taem hem kasem long there?

2. Hao nao gogo Joseph hem stap long prison?

3. Wanem responsibility nao Joseph kasem taem hem long prison?

4. Long prison, wanem nao Joseph duim for man wea lukaftarem wine and man wea kukim bred bilong Pharoah?

5. Wanem nao happen bihaen man wea lukaftarem wine hem go aot from prison?

Samfala extra kwestin:

1. Readim Genesis 39:1-23.

   From no eni law from God wea olketa raetem for stopem adultery hem stap long taem bilong Joseph, wanem nao mekem hem ranawe from waef bilong Potiphar? (Gen. 2:24; 20:3; 39:9)

2. Readim Genesis 40:1-23.

   1. Storyim dream bilong man for lukaftarem wine bilong Pharaoh and mining bilong datwan wea Jehovah talem long Joseph. (Gen. 40:9-13)

   2. Wanem dream nao man wea kukim bred hem garem, and wanem nao mining bilong dream bilong hem? (Gen. 40:16-19)

   3. Long wanem wei nao faithful and wise slave sekson distaem garem sem tingting wea Joseph garem? (Gen. 40:8; Ps. 36:9; John 17:17; Acts 17:2, 3)

   4. Hao nao Genesis 40:20 helpem iumi minim why olketa Christian no celebratem birthday? (Eccl. 7:1; Mark 6:21-28)

Story 23

Olketa Dream Bilong Pharaoh

1. Wanem nao happen long Pharaoh long wanfala naet?

2. Wanem nao mekem datfala man wea lukaftarem wine bilong Pharaoh gogo rememberim Joseph?

3. Olsem piksa showimaot, wanem nao tufala dream bilong Pharaoh?

4. Joseph hem sei olketa dream hia minim wanem?

5. Hao nao Joseph hem kamap mek-tu important man long Egypt?

6. Why nao olketa brata bilong Joseph kam long Egypt, and why nao olketa no luksavve long hem?

7. Wanem dream nao Joseph rememberim, and datwan helpem hem for minim wanem samting?

Samfala extra kwestin:

1. Readim Genesis 41:1-57.

   1. Hao nao Joseph hem mekhae long Jehovah, and hao nao olketa Christian distaem savve followim example bilong hem? (Gen. 41:16, 25, 28; Matt. 5:16; 1 Pet. 2:12)

   2. Hao nao olketa year wea staka kaikai grow and olketa year bilong hangre long Egypt, barava showimaot pipol bilong Jehovah distaem difren from olketa false Christian religion? (Gen. 41:29, 30; Amos 8:11, 12)

2. Readim Genesis 42:1-8 and 50:20.

   Waswe, hem rong for olketa wea worshipim Jehovah for baodaon front long wanfala man for showimaot honor and respect for position bilong hem sapos datwan hem kastom bilong kantri? (Gen. 42:6)

Story 24

Joseph Testim Olketa Brata

1. Why nao Joseph sei olketa brata bilong hem olketa spae?

2. Why nao Jacob letem lastborn son bilong hem, Benjamin, for go long Egypt?

3. Hao nao silver kap bilong Joseph hem stap insaed basket bilong Benjamin?

4. Judah hem willing for duim wanem for mekem Benjamin kamap free?

5. Long wanem wei nao olketa brata bilong Joseph change?

Samfala extra kwestin:

1. Readim Genesis 42:9-38.

   Hao nao toktok bilong Joseph long Genesis 42:18 hem nambawan reminder for olketa wea garem responsibility insaed long organization bilong Jehovah distaem? (Neh. 5:15; 2 Cor. 7:1, 2)

2. Readim Genesis 43:1-34.

   1. Nomata Reuben hem firstborn, wanem nao showimaot klia hao Judah hem man for toktok for olketa brata bilong hem? (Gen. 43:3, 8, 9; 44:14, 18; 1 Chron. 5:2)

   2. Hao nao Joseph hem testim olketa brata bilong hem, and why nao olsem? (Gen. 43:33, 34)

3. Readim Genesis 44:1-34.

   1. From Joseph no laekem olketa brata bilong hem for luksavve long hem, Joseph sei hem wanem kaen man? (Gen. 44:5, 15; Lev. 19:26)

   2. Hao nao olketa brata bilong Joseph showimaot olketa no garem nao fasin for jealous wea olketa garem bifor? (Gen. 44:13, 33, 34)

Story 25

Famili Muv Go Long Egypt

1. Wanem nao happen taem Joseph talem olketa brata bilong hem hao hem nao Joseph?

2. Long kaenfala wei, wanem nao Joseph explainim long olketa brata bilong hem?

3. Wanem nao Pharaoh talem taem hem herem story abaotem olketa brata bilong Joseph?

4. Haomas nao insaed famili bilong Jacob taem olketa muv go long Egypt?

5. Gogo, wanem nao nem bilong famili bilong Jacob, and why nao olketa garem datfala nem?

Samfala extra kwestin:

1. Readim Genesis 45:1-28.

   Hao nao story long Bible abaotem Joseph showimaot Jehovah savve changem samting wea narawan duim for spoelem olketa servant bilong hem, for kamap samting wea helpem olketa servant bilong hem? (Gen. 45:5-8; Isa. 8:10; Phil. 1:12-14)

2. Readim Genesis 46:1-27.

   Wanem promis nao Jehovah talem long Jacob taem hem gogo for Egypt? (Gen. 46:1-4, ftn.)

Story 26

Job Hem Faithful Long God

1. Hu nao Job?

2. Wanem nao Satan trae for duim, bat waswe, hem win?

3. Jehovah letem Satan for duim wanem samting, and why nao hem duim datwan?

4. Why nao waef bilong Job talem hem for “cursim God and dae”? (Lukim piksa.)

5. Olsem mek-tu piksa hem showim, hao nao Jehovah blessim Job, and why nao olsem?

6. Sapos iumi faithful long Jehovah olsem Job, wanem nao olketa blessing wea iumi bae kasem?

Samfala extra kwestin:

1. Readim Job 1:1-22.

   Hao nao olketa Christian distaem savve followim example bilong Job? (Job 1:1; Phil. 2:15; 2 Pet. 3:14)

2. Readim Job 2:1-13.

   Taem Job kasem persecution from Satan, long wanem wei nao tingting bilong hem difren from waef bilong hem? (Job 2:9, 10; Prov. 19:3; Mic. 7:7; Mal. 3:14)

3. Readim Job 42:10-17.

   1. Wanem nao semsem long reward wea Job and Jesus kasem from faithful fasin bilong tufala? (Job 42:12; Phil. 2:9-11)

   2. Olketa blessing wea Job kasem from hem gohed faithful long God hem encouragem iumi long wanem wei? (Job 42:10, 12; Heb. 6:10; Jas. 1:2-4, 12; 5:11)

Story 27

Nogud King Rulim Egypt

1. Hu nao man wea holem whip long piksa, and hu nao hem whipim?

2. Bihaen Joseph hem dae, wanem nao happen long olketa Israelite?

3. Why nao olketa bilong Egypt fraetem olketa Israelite?

4. Wanem komand nao Pharaoh talem long olketa woman wea helpem olketa Israelite woman for bornem pikinini?

Samfala extra kwestin:

1. Readim Exodus 1:6-22.

   1. Hao nao Jehovah start for fulfillim promis bilong hem long Abraham? (Ex. 1:7; Gen. 12:2; Acts 7:17)

   2. Hao nao olketa Hebrew woman wea helpem olketa woman for bornem pikinini olketa respectim wei wea laef hem holy? (Ex. 1:17; Gen. 9:6)

   3. Hao nao olketa woman hia kasem reward from olketa faithful long Jehovah? (Ex. 1:20, 21; Prov. 19:17)

   4. Hao nao Satan trae for stopem plan bilong Jehovah saed long promis Seed bilong Abraham? (Ex. 1:22; Matt. 2:16)

Story 28

Hao Olketa Sevem Baby Moses

1. Hu nao baby insaed long piksa, and hem holem finger bilong hu?

2. Wanem nao mami bilong Moses duim for mekem olketa no killim hem dae?

3. Hu nao smol gele insaed long piksa, and wanem nao hem duim?

4. Taem dota bilong Pharaoh faendem datfala baby, wanem nao Miriam talem?

5. Wanem nao dota bilong Pharaoh hem talem long mami bilong Moses?

Extra kwestin:

1. Readim Exodus 2:1-10.

   Wanem chance nao mami bilong Moses garem for trainim and teachim Moses taem hem baby, and hao nao diswan hem gudfala example for parents distaem? (Ex. 2:9, 10; Deut. 6:6-9; Prov. 22:6; Eph. 6:4; 2 Tim. 3:15)

Story 29

Why Moses Hem Ranawe

1. Moses grow ap long wea, bat hem savve long wanem samting abaotem parents bilong hem?

2. Wanem nao Moses duim taem hem 40 year?

3. Wanem nao Moses talem long wanfala Israelite man wea faet, and wanem nao datfala man sei long hem?

4. Why nao Moses ranawe from Egypt?

5. Moses ranawe go long wea, and hu nao hem meetim long there?

6. Wanem nao Moses duim insaed 40 year bihaen hem ranawe from Egypt?

Samfala extra kwestin:

1. Readim Exodus 2:11-25.

   Nomata hem kasem education saed long savve bilong olketa long Egypt for staka year, hao nao Moses showimaot hem loyal long Jehovah and pipol bilong hem? (Ex. 2:11, 12; Heb. 11:24)

2. Readim Acts 7:22-29.

   Wanem leson nao iumi savve lanem from wei wea Moses seleva trae for sevem olketa Israelite from wei for slave long Egypt? (Acts 7:23-25; 1 Pet. 5:6, 10)

Story 30

Tree wea Bone

1. Wanem nao nem bilong maunten insaed piksa?

2. Storyim barava spesol samting wea Moses lukim taem hem go long datfala maunten witim sheep bilong hem.

3. Wanem nao wanfala voice talem from datfala tree wea bone, and datwan hem voice bilong hu?

4. Wanem nao ansa bilong Moses taem God talem hem bae hem leadim pipol bilong God go aot from Egypt?

5. Wanem nao God sei Moses mas talem sapos pipol askem hu nao sendem hem?

6. Hao nao Moses bae fit for pruvim hao God nao sendem hem?

Samfala extra kwestin:

1. Readim Exodus 3:1-22.

   Hao nao samting wea kasem Moses hem mekem iumi feel sure Jehovah bae sapotim iumi sapos iumi tingse iumi no fit for duim wanfala theocratic assignment? (Ex. 3:11, 13; 2 Cor. 3:5, 6)

2. Readim Exodus 4:1-20.

   1. Hao nao tingting bilong Moses change taem hem stap for 40 year long Midian, and wanem leson nao olketa wea waka hard for kasem olketa privilege insaed kongregeson savve lanem from diswan? (Ex. 2:11, 12; 4:10, 13; Mic. 6:8; 1 Tim. 3:1, 6, 10)

   2. Nomata sapos Jehovah disciplinem iumi thru long organization bilong hem, example bilong Moses savve mekem iumi feel sure long wanem samting? (Ex. 4:12-14; Ps. 103:14; Heb. 12:4-11)

Story 31

Moses and Aaron Lukim Pharaoh

1. Hao nao olketa mirakol wea Moses and Aaron duim hem affectim olketa Israelite?

2. Wanem nao Moses and Aaron sei long Pharaoh, and wanem nao ansa bilong Pharaoh?

3. Wanem nao happen taem Aaron torowem stik bilong hem, olsem piksa hem showimaot?

4. Wanem nao Jehovah duim for teachim Pharaoh wanfala important samting, and wanem nao Pharaoh hem duim?

5. Wanem nao happen bihaen long mek-ten trabol?

Samfala extra kwestin:

1. Readim Exodus 4:27-31 and 5:1-23.

   Wanem nao mining bilong toktok bilong Pharaoh taem hem sei: “Mi nating savve long Jehovah”? (Ex. 5:2; 1 Sam. 2:12; Rom. 1:21)

2. Readim Exodus 6:1-13, 26-30.

   1. Long wanem wei nao Abraham, Isaac, and Jacob no savve long Jehovah? (Ex. 3:13, 14; 6:3; Gen. 12:8)

   2. Hao nao iumi feel taem iumi savve Jehovah iusim Moses nomata Moses feel olsem hem no fit? (Ex. 6:12, 30; Luke 21:13-15)

3. Readim Exodus 7:1-13.

   1. Taem Moses and Aaron no fraet for talemaot olketa judgment bilong Jehovah long Pharaoh, diswan showimaot wanem kaen example for olketa servant bilong God distaem? (Ex. 7:2, 3, 6; Acts 4:29-31)

   2. Hao nao Jehovah showimaot hem barava hae winim olketa god bilong Egypt? (Ex. 7:12; 1 Chron. 29:12)

Story 32

Tenfala Trabol

1. Iusim olketa piksa for storyim first thrifala trabol wea Jehovah mekem for kasem Egypt.

2. Hao nao first thrifala trabol difren from olketa nara trabol wea kam bihaen?

3. Wanem nao mek-foa, mek-faev, and mek-six trabol?

4. Storyim mek-seven, mek-eit, and mek-naen trabol.

5. Wanem nao Jehovah talem olketa Israelite for duim bifor mek-ten trabol?

6. Wanem nao mek-ten trabol, and wanem nao happen bihaen long datwan?

Samfala extra kwestin:

1. Readim Exodus 7:19– 8:23.

   1. Nomata olketa priest long Egypt wea duim magic fit for duim sem samting olsem first tufala trabol from Jehovah, wanem nao olketa talem bihaen mek-thri trabol? (Ex. 8:18, 19; Matt. 12:24-28)

   2. Hao nao mek-foa trabol showimaot Jehovah fit for protectim pipol bilong hem, and diswan mekem pipol bilong God distaem feel hao taem olketa feisim datfala “big trabol” wea bae kam? (Ex. 8:22, 23; Rev. 7:13, 14; 2 Chron. 16:9)

2. Readim Exodus 8:24; 9:3, 6, 10, 11, 14, 16, 23-25; and 10:13-15, 21-23.

   1. Tenfala trabol hia showimaot wanem tufala sekson wea stap, and hao nao datwan affectim tingting bilong iumi distaem abaotem tufala sekson hia? (Ex. 8:10, 18, 19; 9:14)

   2. Hao nao Exodus 9:16 helpem iumi for minim why nao Jehovah letem Satan stap kam kasem distaem? (Rom. 9:21, 22)

3. Readim Exodus 12:21-32.

   Hao nao datfala Passover openem wei for staka pipol sev, and datfala Passover hem point go long wanem? (Ex. 12:21-23; John 1:29; Rom. 5:18, 19, 21; 1 Cor. 5:7)

Story 33

Katkros Long Red Sea

1. Haomas Israelite man witim olketa woman and pikinini nao lusim Egypt, and hu moa go witim olketa?

2. Hao nao feeling bilong Pharaoh bihaen hem letem olketa Israelite for go, and wanem nao hem duim?

3. Wanem nao Jehovah duim for stopem olketa bilong Egypt for attakim pipol bilong hem?

4. Wanem nao happen taem Moses putim aot stik bilong hem ovarem Red Sea, and wanem nao olketa Israelite duim?

5. Wanem nao happen taem olketa bilong Egypt ran go insaed long sea bihaen olketa Israelite?

6. Hao nao olketa Israelite showimaot olketa hapi and thankiu long Jehovah for wei wea olketa sev?

Samfala extra kwestin:

1. Readim Exodus 12:33-36.

   Wanem nao Jehovah duim for mek sure pipol bilong hem kasem reward for wei wea olketa waka olsem slave bilong pipol long Egypt for staka year? (Ex. 3:21, 22; 12:35, 36)

2. Readim Exodus 14:1-31.

   Hao nao toktok bilong Moses long Exodus 14:13, 14 affectim olketa servant bilong Jehovah distaem taem olketa feisim datfala war bilong Armageddon? (2 Chron. 20:17; Ps. 91:8)

3. Readim Exodus 15:1-8, 20, 21.

   1. Why nao olketa servant bilong Jehovah shud singim praise long hem? (Ex. 15:1, 2; Ps. 105:2, 3; Rev. 15:3, 4)

   2. Long Red Sea, Miriam and olketa woman showimaot wanem example for olketa Christian woman distaem saed long wei for praisem Jehovah? (Ex. 15:20, 21; Ps. 68:11)

Story 34

Wanfala Niu Kaen Kaikai

1. Long piksa, wanem nao pipol pikimap from graon, and wanem nao olketa kolem datwan?

2. Wanem nao instruction wea Moses givim olketa saed long wei for pikimap datfala manna?

3. Wanem nao Jehovah talem olketa for duim long mek-six day, and why nao olsem?

4. Wanem mirakol nao Jehovah duim taem olketa keepim samfala manna for mek-seven day?

5. For hao long nao Jehovah givim manna for olketa?

Samfala extra kwestin:

1. Readim Exodus 16:1-36 and Numbers 11:7-9.

   1. Hao nao Exodus 16:8 showimaot iumi need for respectim olketa wea kasem assignment for lead long Christian kongregeson? (Heb. 13:17)

   2. Taem olketa stap long wilderness, wanem nao remindim olketa Israelite evriday hao olketa mas depend long Jehovah? (Ex. 16:14-16, 35; Deut. 8:2, 3)

   3. Jesus sei datfala manna hem piksarem wanem, and wanem gud samting nao iumi kasem from datfala “bred from heven”? (John 6:31-35, 40)

2. Readim Joshua 5:10-12.

   Olketa Israelite kaikaim datfala manna for haomas year, hao nao diswan hem wanfala test for olketa, and wanem nao iumi savve lanem from datfala story abaotem manna? (Ex. 16:35; Num. 11:4-6; 1 Cor. 10:10, 11)

Story 35

Jehovah Givim Olketa Law Bilong Hem

1. Samting olsem tufala month bihaen olketa Israelite lusim Egypt, olketa camp long wea?

2. Jehovah sei hem laekem olketa for duim wanem, and wanem nao ansa bilong olketa?

3. Why nao Jehovah givim tufala flat ston long Moses?

4. Witim Ten Komandment, wanem nao olketa nara law wea Jehovah givim olketa Israelite?

5. Wanem tufala law nao Jesus Christ sei hem nambawan?

Samfala extra kwestin:

1. Readim Exodus 19:1-25; 20:1-21; 24:12-18; and 31:18.

   Hao nao toktok long Exodus 19:8 helpem iumi minim wanem nao join witim Christian dedication? (Matt. 16:24; 1 Pet. 4:1-3)

2. Readim Deuteronomy 6:4-6; Leviticus 19:18; and Matthew 22:36-40.

   Hao nao olketa Christian showimaot olketa lovem God and neiba?(Mark 6:34; Acts 4:20; Rom. 15:2)

Story 36

Gold Buluka

1. Wanem nao pipol duim insaed piksa, and why nao olsem?

2. Why nao Jehovah hem kros, and wanem nao Moses duim taem hem lukim samting wea olketa pipol duim?

3. Wanem nao Moses talem samfala man for duim?

4. Wanem nao iumi shud lanem from disfala story?

Samfala extra kwestin:

1. Readim Exodus 32:1-35.

   1. Hao nao disfala story showimaot tingting bilong Jehovah abaotem wei for mixim giaman religion witim trufala worship? (Ex. 32:4-6, 10; 1 Cor. 10:7, 11)

   2. Olketa Christian mas careful long wanem samting saed long hapitaem wea olketa chusim, olsem wei for singsing and dance? (Ex. 32:18, 19; Eph. 5:15, 16; 1 John 2:15-17)

   3. Hao nao tribe bilong Levi showimaot gudfala example long wei for saedem raeteous fasin? (Ex. 32:25-28; Ps. 18:25)

Story 37

Wanfala Tent for Worship

1. Wanem nao nem bilong datfala building insaed long piksa, and olketa iusim datwan for wanem samting?

2. Why nao Jehovah talem Moses for wakem datfala tent long wei wea hem isi for olketa tekaotem?

3. Wanem nao datfala box long smol rum long end bilong datfala tent, and wanem nao insaed long datfala box?

4. Hu nao Jehovah chusim for hae priest, and wanem nao waka bilong hae priest?

5. Talem nem bilong thrifala samting wea stap long bigfala rum bilong datfala tent.

6. Wanem nao tufala samting wea stap long area aotsaed long tabernacle, and olketa iusim olketa hia for wanem?

Samfala extra kwestin:

1. Readim Exodus 25:8-40; 26:1-37; 27:1-8; and 28:1.

   Olketa cherub long datfala ark piksarem wanem? (Ex. 25:20, 22; Num. 7:89; 2 Ki. 19:15)

2. Readim Exodus 30:1-10, 17-21; 34:1, 2; and Hebrews 9:1-5.

   1. Why nao Jehovah strongim long olketa priest wea serve long tabernacle hao hem important for klin long body, and hao nao diswan shud affectim iumi distaem? (Ex. 30:18-21; 40:30, 31; Heb. 10:22)

   2. Hao nao aposol Paul showimaot datfala tabernacle and Law covenant hem finis taem hem raetem leta bilong hem for olketa Hebrew Christian? (Heb. 9:1, 9; 10:1)

Story 38

Twelvfala Spae

1. Hao nao lukluk bilong olketa grape long piksa, and wea nao olketa kam from?

2. Why nao Moses sendem 12-fala spae go long land bilong Canaan?

3. Wanem nao tenfala spae talem long Moses taem olketa kam bak?

4. Hao nao tufala spae showimaot olketa trust long Jehovah, and hu nao nem bilong tufala?

5. Why nao Jehovah hem kros, and wanem nao hem talem long Moses?

Samfala extra kwestin:

1. Readim Numbers 13:1-33.

   1. Hu nao Moses chusim for spaem datfala land, and diswan givim olketa nambawan chance for duim wanem? (Num. 13:2, 3, 18-20)

   2. Why nao tingting bilong Joshua and Caleb hem difren from olketa nara spae, and wanem nao iumi lanem from diswan? (Num. 13:28-30; Matt. 17:20; 2 Cor. 5:7)

2. Readim Numbers 14:1-38.

   1. Iumi mas ting strong long wanem warning saed long wei for komplen abaotem olketa wea stand for Jehovah long earth? (Num. 14:2, 3, 27; Matt. 25:40, 45; 1 Cor. 10:10)

   2. Hao nao Numbers 14:24 showimaot Jehovah hem interest long olketa servant bilong hem wanwan? (1 Ki. 19:18; Prov. 15:3)

Story 39

Stik Bilong Aaron Garem Flaoa

1. Hu nao olketa wea bighed for againstim Moses and Aaron, and wanem nao olketa sei long Moses?

2. Wanem nao Moses talem Korah and 250 follower bilong hem for duim?

3. Wanem nao Moses sei long olketa pipol, and wanem nao happen stretawe bihaen hem finis for talem datwan?

4. Wanem nao kasem Korah and 250 follower bilong hem?

5. Wanem nao son bilong Aaron, Eleazar, hem duim witim olketa fire holder bilong olketa man wea dae, and why nao olsem?

6. Why nao Jehovah mekem stik bilong Aaron garem flaoa? (Lukim piksa.)

Samfala extra kwestin:

1. Readim Numbers 16:1-49.

   1. Wanem nao Korah and olketa follower bilong hem duim, and why nao datwan hem bighed wei for againstim Jehovah? (Num. 16:9, 10, 18; Lev. 10:1, 2; Prov. 11:2)

   2. Korah and 250 chief garem wanem tingting wea no stret? (Num. 16:1-3; Prov. 15:33; Isa. 49:7)

2. Readim Numbers 17:1-11 and 26:10.

   1. Wei wea stik bilong Aaron garem flaoa showimaot wanem samting, and why nao Jehovah sei olketa mas keepim datwan insaed long ark? (Num. 17:5, 8, 10)

   2. Wanem important leson nao iumi savve lanem from samting wea stik bilong Aaron hem showimaot? (Num. 17:10; Acts 20:28; Phil. 2:14; Heb. 13:17)

Story 40

Moses Hitim Ston

1. Hao nao Jehovah lukaftarem olketa Israelite taem olketa stap long wilderness?

2. Taem olketa camp long Kadesh, olketa Israelite komplen abaotem wanem?

3. Hao nao Jehovah provaedem wata for olketa and animal bilong olketa?

4. Hu nao man insaed long piksa wea point long hemseleva, and why nao hem duim datwan?

5. Why nao Jehovah hem kros long Moses and Aaron, and hao nao hem panisim olketa?

6. Wanem nao happen long Maunt Hor, and hu nao kamap hae priest bilong Israel?

Samfala extra kwestin:

1. Readim Numbers 20:1-13, 22-29 and Deuteronomy 29:5.

   1. Wanem nao iumi lanem from wei wea Jehovah lukaftarem olketa Israelite long wilderness? (Deut. 29:5; Matt. 6:31; Heb. 13:5; Jas. 1:17)

   2. Hao nao Jehovah ting long wei wea Moses and Aaron fail for honorim hem front long Israel? (Num. 20:12; 1 Cor. 10:12; Rev. 4:11)

   3. Wanem nao iumi savve lanem from wei wea Moses acceptim discipline wea hem kasem from Jehovah? (Num. 12:3; 20:12, 27, 28; Deut. 32:4; Heb. 12:7-11)

Story 41

Copper Snek

1. Wanem nao stap raonem datfala stik insaed long piksa, and why nao Jehovah talem Moses for putim datwan long there?

2. Wanem nao showimaot olketa pipol nating tinghae long evri samting wea God duim for olketa?

3. Bihaen Jehovah sendem olketa poison snek for panisim olketa, wanem nao olketa askem Moses for duim?

4. Why nao Jehovah talem Moses for wakem wanfala copper snek?

5. Wanem nao iumi savve lanem from disfala story?

Samfala extra kwestin:

1. Readim Numbers 21:4-9.

   1. Wanem warning nao iumi kasem from wei wea olketa Israelite komplen abaotem samting wea Jehovah provaedem? (Num. 21:5, 6; Rom. 2:4)

   2. For plande handred year bihaen, olketa Israelite gohed for duim wanem long datfala copper snek, and wanem nao King Hezekiah duim saed long diswan? (Num. 21:9; 2 Ki. 18:1-4)

2. Readim John 3:14, 15.

   Hao nao wei for putim datfala copper snek long wanfala stik hem barava piksarem wei wea Jesus Christ hem dae? (Gal. 3:13; 1 Pet. 2:24)

Story 42

Donkey wea Toktok

1. Hu nao Balak, and why nao hem askem Balaam for kam long hem?

2. Why nao donkey bilong Balaam leidaon long road?

3. Balaam herem datfala donkey talem wanem samting?

4. Wanem nao wanfala angel hem talem long Balaam?

5. Wanem nao happen taem Balaam trae for cursim Israel?

Samfala extra kwestin:

1. Readim Numbers 21:21-35.

   Why nao Israel win long faet againstim King Sihon bilong olketa Amorite and King Og bilong Bashan? (Num. 21:21, 23, 33, 34)

2. Readim Numbers 22:1-40.

   Wanem nao muvim Balaam for trae cursim Israel, and wanem nao iumi savve lanem from diswan? (Num. 22:16, 17; Prov. 6:16, 18; 2 Pet. 2:15; Jude 11)

3. Readim Numbers 23:1-30.

   Nomata Balaam story olsem hem man wea worshipim Jehovah, hao nao samting wea hem duim showimaot hem no worshipim Jehovah?(Num. 23:3, 11-14; 1 Sam. 15:22)

4. Readim Numbers 24:1-25.

   Hao nao disfala story long Bible strongim faith bilong iumi hao no eni samting savve stopem plan bilong Jehovah? (Num. 24:10; Isa. 54:17)

Story 43

Joshua Hem Kamap Leader

1. Hu nao tufala man long piksa wea standap witim Moses?

2. Wanem nao Jehovah talem long Joshua?

3. Why nao Moses klae go antap long Maunt Nebo, and wanem nao Jehovah sei long hem?

4. Moses hem haomas year taem hem dae?

5. Why nao olketa pipol sorre, bat olketa garem wanem reason for hapi?

Samfala extra kwestin:

1. Readim Numbers 27:12-23.

   Wanem nao bigfala assignment wea Joshua kasem from Jehovah, and hao nao wei wea Jehovah hem kea for pipol bilong Hem showaot distaem? (Num. 27:15-19; Acts 20:28; Heb. 13:7)

2. Readim Deuteronomy 3:23-29.

   Why nao Jehovah no letem Moses and Aaron go insaed long Promis Land, and wanem nao iumi savve lanem from diswan? (Deut. 3:25-27; Num. 20:12, 13)

3. Readim Deuteronomy 31:1-8, 14-23.

   Hao nao last samting wea Moses talem for Israel showimaot Moses hem hambol for acceptim datfala discipline from Jehovah? (Deut. 31:6-8, 23)

4. Readim Deuteronomy 32:45-52.

   Hao nao Word bilong God shud affectim laef bilong iumi? (Deut. 32:47; Lev. 18:5; Heb. 4:12)

5. Readim Deuteronomy 34:1-12.

   Nomata no enitaem Moses barava lukim Jehovah, wanem nao Deuteronomy 34:10 showimaot abaotem wei wea hem fren witim Jehovah? (Ex. 33:11, 20; Num. 12:8)

Story 44

Rahab Haedem Olketa Spae

1. Wea nao Rahab hem stap?

2. Hu nao tufala man insaed long piksa, and why nao olketa kam long Jericho?

3. King bilong Jericho komandim Rahab for duim wanem samting, and wanem nao ansa bilong hem?

4. Hao nao Rahab helpem tufala man hia, and wanem nao hem askem from tufala?

5. Tufala spae promisim wanem samting long Rahab?

Samfala extra kwestin:

1. Readim Joshua 2:1-24.

   Hao nao promis bilong Jehovah long Exodus 23:28 hem fulfill taem olketa Israelite againstim Jericho? (Josh. 2:9-11)

2. Readim Hebrews 11:31.

   Hao nao example bilong Rahab showimaot hao faith hem barava important? (Rom. 1:17; Heb. 10:39; Jas. 2:25)

Story 45

Katkros Long Jordan River

1. Wanem nao mirakol wea Jehovah duim for mekem olketa Israelite savve katkros long Jordan River?

2. For mekem olketa savve katkros long Jordan River, olketa Israelite mas duim wanem samting wea showimaot faith bilong olketa?

3. Why nao Jehovah talem Joshua for tekem 12-fala big ston from insaed long river?

4. Wanem nao happen taem olketa priest go aot from Jordan River?

Samfala extra kwestin:

1. Readim Joshua 3:1-17.

   1. Olsem disfala story showimaot, wanem nao iumi mas duim for kasem blessing and help from Jehovah? (Josh. 3:13, 15; Prov. 3:5; Jas. 2:22, 26)

   2. Taem olketa Israelite katkros long Jordan River for go insaed long Promis Land, river hia hem hao, and hao nao diswan mekhae long nem bilong Jehovah? (Josh. 3:15; 4:18; Ps. 66:5-7)

2. Readim Joshua 4:1-18.

   Twelvfala ston wea olketa tekem from Jordan River and hipimap long Gilgal, hem for wanem? (Josh. 4:4-7)

Story 46

Olketa Wall Bilong Jericho

1. Jehovah talem olketa man for faet and olketa priest for duim wanem samting for sixfala day?

2. Wanem nao olketa man mas duim long mek-seven day?

3. Olsem iu lukim long piksa, wanem nao happen long olketa wall bilong Jericho?

4. Why nao redfala rope hem hange long window?

5. Wanem nao Joshua talem olketa man for faet for duim long pipol and long datfala taon, bat waswe long silver, gold, copper, and iron?

6. Joshua talem tufala spae for duim wanem samting?

Samfala extra kwestin:

1. Readim Joshua 6:1-25.

   1. Hao nao wei wea olketa Israelite march raonem Jericho long mek-seven day hem semsem witim preaching waka wea Olketa Jehovah’s Witness duim long olketa last day distaem? (Josh. 6:15, 16; Isa. 60:22; Matt. 24:14; 1 Cor. 9:16)

   2. Hao nao datfala profesi long Joshua 6:26 hem fulfill 500 year bihaen, and wanem nao datwan teachim iumi abaotem toktok bilong Jehovah? (1 Ki. 16:34; Isa. 55:11)

Story 47

Man for Steal Long Israel

1. Hu nao man insaed long piksa wea berem olketa riches wea hem tekem from Jericho, and hu nao olketa wea helpem hem?

2. Why nao samting wea Achan and famili bilong hem duim hem serious samting?

3. Wanem nao ansa bilong Jehovah taem Joshua askem why nao olketa Israelite lus taem olketa faet long Ai?

4. Bihaen olketa tekem kam Achan and famili bilong hem long Joshua, wanem nao happen long olketa?

5. Wanem important samting nao iumi lanem from judgment wea Achan kasem?

Samfala extra kwestin:

1. Readim Joshua 7:1-26.

   1. Olketa prea bilong Joshua showimaot wanem samting abaotem wei wea hem fren witim Creator bilong hem? (Josh. 7:7-9; Ps. 119:145; 1 John 5:14)

   2. Example bilong Achan showimaot wanem samting, and hao nao diswan hem wanfala warning for iumi? (Josh. 7:11, 14, 15; Prov. 15:3; 1 Tim. 5:24; Heb. 4:13)

2. Readim Joshua 8:1-29.

   Iumi wanwan garem wanem responsibility saed long Christian kongregeson distaem? (Josh. 7:13; Lev. 5:1; Prov. 28:13)

Story 48

Wisefala Pipol Bilong Gibeon

1. Hao nao pipol bilong Gibeon difren from olketa Canaanite wea stap long olketa taon klosap?

2. Olsem piksa hem showimaot, wanem nao pipol bilong Gibeon duim, and why nao olsem?

3. Wanem nao promis wea Joshua and olketa leader bilong olketa Israelite talem for olketa bilong Gibeon, bat wanem nao olketa faendemaot thrifala day bihaen?

4. Wanem nao happen taem olketa king bilong olketa nara taon herem hao olketa bilong Gibeon mek peace witim Israel?

Samfala extra kwestin:

1. Readim Joshua 9:1-27.

   1. From Jehovah givim instruction long nation bilong Israel for “finisim evri pipol bilong datfala land,” wei wea hem sevem olketa bilong Gibeon hem mekhae long olketa wanem fasin bilong hem? (Josh. 9:22, 24; Matt. 9:13; Acts 10:34, 35; 2 Pet. 3:9)

   2. Hao nao wei wea Joshua keepim datfala covenant wea hem mekem witim olketa bilong Gibeon hem nambawan example for olketa Christian distaem? (Josh. 9:18, 19; Matt. 5:37; Eph. 4:25)

2. Readim Joshua 10:1-5.

   Hao nao datfala big crowd distaem followim example bilong olketa bilong Gibeon, and from diswan, wanem nogud samting nao kasem olketa? (Josh. 10:4; Zech. 8:23; Matt. 25:35-40; Rev. 12:17)

Story 49

Sun Hem No Muv

1. Insaed long piksa, wanem nao Joshua hem talem, and why nao olsem?

2. Hao nao Jehovah helpem Joshua and olketa soldia bilong hem?

3. Joshua win long faet againstim haomas king wea heitim Israel, and hem duim diswan insaed haomas year?

4. Why nao Joshua divaedem land bilong Canaan?

5. Joshua hem haomas year taem hem dae, and bihaen datwan, wanem nao happen long olketa pipol?

Samfala extra kwestin:

1. Readim Joshua 10:6-15.

   For savve Jehovah mekem sun and moon no muv for Israel mekem iumi feel sure long wanem samting distaem? (Josh. 10:8, 10, 12, 13; Ps. 18:3; Prov. 18:10)

2. Readim Joshua 12:7-24.

   Hu nao really winim 31 king long Canaan, and why nao diswan hem important for iumi distaem? (Josh. 12:7; 24:11-13; Deut. 31:8; Luke 21:9, 25-28)

3. Readim Joshua 14:1-5.

   Hao nao olketa divaedem land midolwan olketa tribe bilong Israel, and diswan showimaot wanem saed long samting wea iumi bae kasem long Paradaes? (Josh. 14:2; Isa. 65:21; Ezek. 47:21-23; 1 Cor. 14:33)

4. Readim Judges 2:8-13.

   Olsem Joshua long Israel, hu nao stopem apostate fasin distaem? (Judg. 2:8, 10, 11; Matt. 24:45-47; 2 Thess. 2:3-6; Titus 1:7-9; Rev. 1:1; 2:1, 2)

Story 50

Tufala Woman wea No Fraet

1. Hu nao olketa judge, and hu nao nem bilong samfala?

2. Deborah kasem wanem spesol privilege, and wanem nao insaed long diswan?

3. Taem King Jabin and chief long army bilong hem, Sisera, againstim Israel, wanem nao message from Jehovah wea Deborah givim long Judge Barak, and hu nao hem sei bae kasem praise for diswan?

4. Hao nao Jael showimaot hem wanfala woman wea no fraet?

5. Wanem nao happen bihaen King Jabin hem dae?

Samfala extra kwestin:

1. Readim Judges 2:14-22.

   Wanem nao olketa Israelite duim wea mekem Jehovah kros long olketa, and wanem nao iumi savve lanem from diswan? (Judg. 2:20; Prov. 3:1, 2; Ezek. 18:21-23)

2. Readim Judges 4:1-24.

   Olketa Christian woman distaem savve lanem wanem samting from example bilong Deborah and Jael saed long faith and fasin for no fraet? (Judg. 4:4, 8, 9, 14, 21, 22; Prov. 31:30; 1 Cor. 16:13)

3. Readim Judges 5:1-31.

   Hao nao iumi savve talem song bilong Barak and Deborah taem olketa win, olsem wanfala prea abaotem datfala war long Har–Magedon wea klosap for kam? (Judg. 5:3, 31; 1 Chron. 16:8-10; Rev. 7:9, 10; 16:16; 19:19-21)

Story 51

Ruth and Naomi

1. Why nao Naomi go stap long land bilong Moab?

2. Hu nao Ruth and Orpah?

3. Wanem nao Ruth and Orpah duim taem Naomi talem tufala for go bak long hom bilong olketa?

4. Hu nao Boaz, and hao nao hem helpem Ruth and Naomi?

5. Hu nao nem bilong pikinini bilong Boaz and Ruth, and why nao iumi shud no forgetim hem?

Samfala extra kwestin:

1. Readim Ruth 1:1-17.

   1. Ruth talem wanem naesfala toktok wea showimaot loyal love? (Ruth 1:16, 17)

   2. Hao nao tingting bilong Ruth hem barava semsem witim tingting bilong olketa “nara sheep” abaotem olketa anointed wan long earth distaem? (John 10:16; Zech. 8:23)

2. Readim Ruth 2:1-23.

   Hao nao Ruth showimaot gudfala example for olketa young woman distaem? (Ruth 2:17, 18; Prov. 23:22; 31:15)

3. Readim Ruth 3:5-13.

   1. Hao nao Boaz ting long wei wea Ruth hem willing for maritim hem winim for maritim narawan wea moa young?

   2. Tingting bilong Ruth teachim iumi wanem samting abaotem loyal love? (Ruth 3:10; 1 Cor. 13:4, 5)

4. Readim Ruth 4:7-17.

   Hao nao olketa Christian man distaem savve olsem Boaz? (Ruth 4:9, 10; 1 Tim. 3:1, 12, 13; 5:8)

Story 52

Gideon and 300 Man Bilong Hem

1. Wanem bigfala trabol nao olketa Israelite kasem, and why nao olsem?

2. Why nao Jehovah talem Gideon hem garem staka man tumas long army bilong hem?

3. Haomas man nomoa stap bihaen Gideon talem olketa man wea fraet for go bak long hom?

4. Iusim piksa for explainim samting wea Jehovah duim for daonem namba bilong olketa man long army bilong Gideon for kamap 300 man nomoa.

5. Hao nao Gideon organizem 300 man bilong hem, and hao nao Israel winim datfala faet?

Samfala extra kwestin:

1. Readim Judges 6:36-40.

   1. Hao nao Gideon mek sure hem savve long wanem nao will bilong Jehovah?

   2. Hao nao iumi savve faendemaot will bilong Jehovah distaem? (Prov. 2:3-6; Matt. 7:7-11; 2 Tim. 3:16, 17)

2. Readim Judges 7:1-25.

   1. Wanem nao iumi savve lanem taem iumi markem 300 man wea gohed for lukluk raon taem olketa drink witim olketa wea drink bat no lukluk raon? (Judg. 7:3, 6; Rom. 13:11, 12; Eph. 5:15-17)

   2. Olsem wei wea 300 man hia lane taem olketa lukluk long Gideon, long wanem wei nao iumi lane taem iumi lukluk long bigfala Gideon, Jesus Christ? (Judg. 7:17; Matt. 11:29, 30; 28:19, 20; 1 Pet. 2:21)

   3. Hao nao Judges 7:21 helpem iumi for hapi nomata long wea nao iumi serve insaed organization bilong Jehovah? (1 Cor. 4:2; 12:14-18; Jas. 4:10)

3. Readim Judges 8:1-3.

   Saed long wei for deal witim olketa problem wea savve kamap midolwan iumi and nara brata or sista, wanem nao iumi savve lanem from wei wea Gideon stretem datfala raoa witim olketa Ephraimite? (Prov. 15:1; Matt. 5:23, 24; Luke 9:48)

Story 53

Promis Bilong Jephthah

1. Hu nao Jephthah, and hem laef long wanem taem?

2. Wanem promis nao Jephthah talem long Jehovah?

3. Why nao Jephthah feel sorre taem hem kasem bak haos bihaen hem win long faet againstim olketa Ammonite?

4. Wanem nao dota bilong Jephthah talem taem hem savve abaotem promis wea Dadi bilong hem talem long Jehovah?

5. Why nao olketa pipol lovem dota bilong Jephthah?

Samfala extra kwestin:

1. Readim Judges 10:6-18.

   Wei wea olketa Israelite no faithful long Jehovah staka taem, givim wanem warning wea iumi shud ting strong long hem? (Judg. 10:6, 15, 16; Rom. 15:4; Rev. 2:10)

2. Readim Judges 11:1-11, 29-40.

   1. Hao nao iumi savve sure Jephthah no really bonem dota bilong hem long fire taem hem givim hem olsem wanfala “bone sakrifaes”? (Judg. 11:31; Lev. 16:24; Deut. 18:10, 12)

   2. Long wanem wei nao Jephthah givim dota bilong hem olsem sakrifaes?

   3. Wanem nao iumi savve lanem from tingting bilong Jephthah abaotem promis wea hem talem long Jehovah? (Judg. 11:35, 39; Eccl. 5:4, 5; Matt. 16:24)

   4. Hao nao dota bilong Jephthah hem gudfala example for olketa young Christian saed long wei for aftarem full-taem service? (Judg. 11:36; Matt. 6:33; Phil. 3:8)

Story 54

Barava Strongfala Man

1. Hu nao nem bilong datfala man wea strong winim eni nara man, and hu nao givim datfala strong long hem?

2. Olsem iu lukim long piksa, wanem nao Samson duim long wanfala big lion?

3. Wanem secret nao Samson talem long Delilah long disfala piksa, and hao nao diswan lead go long wei for olketa Philistine kasholem hem?

4. Hao nao Samson fit for killim dae 3,000 Philistine long day wea hem dae?

Samfala extra kwestin:

1. Readim Judges 13:1-14.

   Hao nao Manoah and waef bilong hem showimaot gudfala example for parents saed long wei for trainim olketa pikinini? (Judg. 13:8; Ps. 127:3; Eph. 6:4)

2. Readim Judges 14:5-9 and 15:9-16.

   1. Wei wea Samson killim dae datfala lion, brekem olketa niu rope wea olketa iusim for taemap hand bilong hem, and iusim jawbone bilong wanfala man donkey for killim dae 1,000 man, showim wanem samting abaotem wei wea Jehovah iusim holy spirit bilong hem?

   2. Hao nao holy spirit savve helpem iumi distaem? (Judg. 14:6; 15:14; Zech. 4:6; Acts 4:31)

3. Readim Judges 16:18-31.

   Hao nao olketa nogud kaban affectim Samson, and wanem nao iumi savve lanem from diswan? (Judg. 16:18, 19; 1 Cor. 15:33)

Story 55

Wanfala Smol Boy Servem God

1. Hu nao nem bilong smol boy long piksa, and hu nao olketa narawan?

2. Wanem prea nao Hannah talem taem hem visitim tabernacle bilong Jehovah, and hao nao Jehovah ansarem prea bilong hem?

3. Samuel hem haomas year taem olketa tekem hem for serve long tent bilong Jehovah, and wanem nao mami duim for hem evri year?

4. Hu nao nem bilong olketa son bilong Eli, and waswe long fasin bilong olketa?

5. Long wanem wei nao Jehovah kolem kam Samuel, and wanem message nao Hem givim long hem?

6. Samuel hem duim wanem taem hem growap, and wanem nao happen taem hem kamap olo?

Samfala extra kwestin:

1. Readim 1 Samuel 1:1-28.

   1. Wanem gudfala example nao Elkanah hem showimaot for olketa hed bilong famili saed long wei for lead long tru worship? (1 Sam. 1:3, 21; Matt. 6:33; Phil. 1:10)

   2. Example bilong Hannah teachim iumi wanem samting abaotem hao for deal witim olketa problem wea hard tumas? (1 Sam. 1:10, 11; Ps. 55:22; Rom. 12:12)

2. Readim 1 Samuel 2:11-36.

   Hao nao Eli givim moa honor long olketa son bilong hem winim Jehovah, and hao nao diswan savve kamap wanfala warning for iumi? (1 Sam. 2:22-24, 27, 29; Deut. 21:18-21; Matt. 10:36, 37)

3. Readim 1 Samuel 4:16-18.

   Wanem fofala nogud nius nao hem kam from ples wea faet hem gohed, and hao nao diswan hem affectim Eli?

4. Readim 1 Samuel 8:4-9.

   Long wanem wei nao Israel barava mekem Jehovah feel nogud, and hao nao iumi savve loyal for sapotim Kingdom bilong hem distaem? (1 Sam. 8:5, 7; John 17:16; Jas. 4:4)

Story 56

Saul—First King Bilong Israel

1. Wanem nao Samuel hem duim insaed piksa, and why nao olsem?

2. Why nao Jehovah laekem Saul, and wanem kaen man nao hem?

3. Hu nao nem bilong son bilong Saul, and wanem nao son bilong hem duim?

4. Why nao Saul hem mekem wanfala sakrifaes winim wei for weitim Samuel for kam and duim datwan?

5. Olketa wanem samting nao iumi savve lanem from story abaotem Saul?

Samfala extra kwestin:

1. Readim 1 Samuel 9:15-21 and 10:17-27.

   Hao nao hambol tingting bilong Saul helpem hem for no kwiktaem duim krangge samting taem samfala man story abaotem hem long wei wea no showimaot respect? (1 Sam. 9:21; 10:21, 22, 27; Prov. 17:27)

2. Readim 1 Samuel 13:5-14.

   Wanem nao datfala sin wea Saul hem duim long Gilgal? (1 Sam. 10:8; 13:8, 9, 13)

3. Readim 1 Samuel 15:1-35.

   1. Wanem bigfala sin nao Saul hem duim saed long datfala king bilong Amalek, Agag? (1 Sam. 15:2, 3, 8, 9, 22)

   2. Wanem excuse nao Saul talem for mekem hem no garem eni blame? (1 Sam. 15:24)

   3. Wanem nao iumi shud careful for no duim taem iumi kasem kaonsel? (1 Sam. 15:19-21; Ps. 141:5; Prov. 9:8, 9; 11:2)

Story 57

God Chusim David

1. Hu nao nem bilong boy insaed piksa, and hao nao iumi savve hem garem fasin for no fraet?

2. David stap long wea, and hu nao nem bilong dadi and grandadi bilong hem?

3. Why nao Jehovah talem Samuel for go long haos bilong Jesse long Bethlehem?

4. Wanem nao happen taem Jesse tekem kam sevenfala son bilong hem long Samuel?

5. Taem olketa tekem kam David, wanem nao Jehovah talem long Samuel?

Samfala extra kwestin:

1. Readim 1 Samuel 17:34, 35.

   Hao nao olketa samting hia wea happen barava showimaot hao David hem man wea no fraet and hem depend long Jehovah? (1 Sam. 17:37)

2. Readim 1 Samuel 16:1-14.

   1. Hao nao toktok bilong Jehovah long 1 Samuel 16:7 helpem iumi for no favorim man and for stap klia long wei for letem lukluk bilong man affectim hao iumi ting long hem? (Acts 10:34, 35; 1 Tim. 2:4)

   2. Hao nao example bilong Saul showimaot hao taem Jehovah aotem holy spirit bilong hem from wanfala man, hem savve isi for wanfala nogud spirit or feeling for barava laek duim rong samting for changem datwan? (1 Sam. 16:14; Matt. 12:43-45; Gal. 5:16)

Story 58

David and Goliath

1. Wanem nao Goliath hem talem long army bilong Israel?

2. Hao big nao Goliath, and King Saul promisim wanem reward for man wea killim dae Goliath?

3. Wanem nao David sei taem Saul talem hem hao hem no savve faetem Goliath bikos hem wanfala boy nomoa?

4. Hao nao samting wea David talem long Goliath showimaot hem trust long Jehovah?

5. Olsem iu lukim long piksa, wanem nao David iusim for killim dae Goliath, and wanem nao happen long olketa Philistine bihaen long datwan?

Samfala extra kwestin:

1. Readim 1 Samuel 17:1-54.

   1. Wanem nao mekem David garem fasin for no fraet, and hao nao iumi savve garem fasin olsem? (1 Sam. 17:37, 45; Eph. 6:10, 11)

   2. Why nao olketa Christian shud stap klia long fasin olsem Goliath for laek winim narawan saed long olketa game and hapitaem? (1 Sam. 17:8; Gal. 5:26; 1 Tim. 4:8)

   3. Hao nao toktok bilong David showimaot hem garem faith hao God bae sapotim hem? (1 Sam. 17:45-47; 2 Chron. 20:15)

   4. Winim wei for storyim nomoa tufala army wea laek winim each other, hao nao disfala story showimaot hao datfala faet hem really midolwan olketa giaman god and datfala tru God, Jehovah? (1 Sam. 17:43, 46, 47)

   5. Hao nao olketa anointed wan wea stap yet followim example bilong David for trust long Jehovah? (1 Sam. 17:37; Jer. 1:17-19; Rev. 12:17)

Story 59

Why David Mas Ranawe

1. Why nao Saul hem jealous long David, bat long wanem wei nao son bilong Saul, Jonathan, hem difren?

2. Wanem nao hem happen wanfala day taem David ringim harp bilong hem for Saul?

3. Saul talem David for hem mas duim wanem samting bifor hem savve maritim dota bilong hem, Michal, and why nao Saul talem datwan?

4. Olsem iumi lukim insaed piksa, taem David ringim harp for Saul, wanem nao happen, wea datwan hem mek-thri taem wea datwan hem happen?

5. Hao nao Michal help for sevem laef bilong David, and wanem nao David mas duim for sevenfala year?

Samfala extra kwestin:

1. Readim 1 Samuel 18:1-30.

   1. Hao nao strongfala love wea David and Jonathan feelim for each other, hem piksarem love wea olketa “nara sheep” and datfala “smol sekson” garem for each other? (1 Sam. 18:1; John 10:16; Luke 12:32; Zech. 8:23)

   2. Taem iumi tingim hao hem bae followim kastom for Jonathan nao changem Saul olsem king, hao nao 1 Samuel 18:4 showimaot nambawan wei wea Jonathan willing for stap anda long man wea God chusim for kamap king?

   3. Hao nao example bilong Saul showimaot hao jealous fasin savve leadim man for duim bigfala sin, and diswan givim wanem warning long iumi? (1 Sam. 18:7-9, 25; Jas. 3:14-16)

2. Readim 1 Samuel 19:1-17.

   Long wanem wei nao Jonathan putim laef bilong hem long danger taem hem go front long Saul? (1 Sam. 19:1, 4-6; Prov. 16:14)

Story 60

Abigail and David

1. Hu nao nem bilong woman wea kam for meetim David long piksa, and wanem nao fasin bilong hem?

2. Hu nao Nabal?

3. Why nao David sendem samfala man for askem Nabal sapos hem savve givim lelebet kaikai for olketa?

4. Wanem nao Nabal talem long olketa man hia, and wanem nao David duim taem hem herem datwan?

5. Hao nao Abigail showimaot hem wanfala woman wea wise?

Samfala extra kwestin:

1. Readim 1 Samuel 22:1-4.

   Hao nao famili bilong David showimaot gudfala example long hao iumi olketa Christian brata and sista shud sapotim each other? (Prov. 17:17; 1 Thess. 5:14)

2. Readim 1 Samuel 25:1-43.

   1. Why nao olketa no talem eni gud samting abaotem Nabal? (1 Sam. 25:2-5, 10, 14, 21, 25)

   2. Olketa Christian waef distaem savve lanem wanem samting from example bilong Abigail? (1 Sam. 25:32, 33; Prov. 31:26; Eph. 5:24)

   3. Wanem tufala nogud samting nao Abigail stopem David for duim? (1 Sam. 25:31, 33; Rom. 12:19; Eph. 4:26)

   4. Hao nao tingting bilong David abaotem samting wea Abigail talem savve helpem olketa man distaem for garem tingting bilong Jehovah abaotem olketa woman? (Acts 21:8, 9; Rom. 2:11; 1 Pet. 3:7)

Story 61

David Kamap King

1. Wanem nao David and Abishai duim taem Saul hem sleep long camp bilong hem?

2. Olketa wanem kwestin nao David askem long Saul?

3. Wea nao David hem go bihaen hem lusim Saul?

4. David hem barava feel sorre long wanem samting wea datwan nao mekem hem raetem wanfala song wea here naes tumas?

5. David hem haomas year taem hem kamap king long Hebron, and hu nao nem bilong samfala son bilong hem?

6. Bihaen, David hem rul long wea nao?

Samfala extra kwestin:

1. Readim 1 Samuel 26:1-25.

   1. Samting wea David talem long 1 Samuel 26:11 showimaot hem ting hao long theocratic order? (Ps. 37:7; Rom. 13:2)

   2. Taem iumi duim best for showimaot loving-kaeness long samwan bat hem no tinghae long datwan, hao nao samting wea David talem long 1 Samuel 26:23 savve helpem iumi for keepim stretfala tingting abaotem datwan? (1 Ki. 8:32; Ps. 18:20)

2. Readim 2 Samuel 1:26.

   Hao nao olketa Christian distaem savve mekem grow “barava strongfala love for each other” olsem David and Jonathan garem for each other? (1 Pet. 4:8; Col. 3:14; 1 John 4:12)

3. Readim 2 Samuel 5:1-10.

   1. Haomas year nao David hem rul olsem king long Hebron and long Jerusalem? (2 Sam. 5:4, 5)

   2. Wanem nao mekem David hem barava win olsem King, and hao nao datwan hem wanfala reminder for iumi distaem? (2 Sam. 5:10; 1 Sam. 16:13; 1 Cor. 1:31; Phil. 4:13)

Story 62

Trabol Long Famili Bilong David

1. Witim help bilong Jehovah, gogo wanem nao happen long land bilong Canaan?

2. Wanem nao happen long wanfala evening taem David stap antap long ruf long haos bilong hem?

3. Why nao Jehovah hem barava kros long David?

4. Long piksa, hu nao Jehovah sendem long David for talem hem abaotem olketa sin bilong hem, and wanem nao datfala man sei bae happen long David?

5. Wanem trabol nao kasem David?

6. Bihaen David, hu nao kamap king bilong Israel?

Samfala extra kwestin:

1. Readim 2 Samuel 11:1-27.

   1. Hao nao wei for evritaem busy for servem Jehovah hem protectim iumi?

   2. Wanem samting nao switim David for duim sin, and diswan givim wanem warning for olketa servant bilong Jehovah distaem? (2 Sam. 11:2; Matt. 5:27-29; 1 Cor. 10:12; Jas. 1:14, 15)

2. Readim 2 Samuel 12:1-18.

   1. Wanem samting nao parents and olketa elder savve lanem from wei wea Nathan givim kaonsel long David? (2 Sam. 12:1-4; Prov. 12:18; Matt. 13:34)

   2. Why nao Jehovah showimaot mercy long David? (2 Sam. 12:13; Ps. 32:5; 2 Cor. 7:9, 10)

Story 63

Wisefala King Solomon

1. Wanem nao Jehovah askem long Solomon, and hao nao hem ansa?

2. From hem hapi long samting wea Solomon askem, wanem nao Jehovah promis for givim long hem?

3. Wanem hardfala problem nao tufala woman askem Solomon for stretem?

4. Olsem iumi savve lukim long piksa, hao nao Solomon hem stretem datfala problem?

5. Hao nao olketa pipol stap long taem wea Solomon hem rul, and why nao olsem?

Samfala extra kwestin:

1. Readim 1 Kings 3:3-28.

   1. Wanem nao olketa man wea garem olketa responsibility long organization bilong God distaem savve lanem from toktok bilong Solomon wea kam from heart bilong hem long 1 Kings 3:7? (Ps. 119:105; Prov. 3:5, 6)

   2. Hao nao samting wea Solomon askem hem gudfala example saed long olketa stretfala samting for prea abaotem? (1 Ki. 3:9, 11; Prov. 30:8, 9; 1 John 5:14)

   3. Hao nao wei wea Solomon deal witim raoa midolwan tufala woman hia mekem iumi trust long rul bilong Bigfala Solomon, Jesus Christ, long future? (1 Ki. 3:28; Isa. 9:6, 7; 11:2-4)

2. Readim 1 Kings 4:29-34.

   1. Hao nao Jehovah ansarem Solomon taem hem ask for garem wanfala heart wea obey? (1 Ki. 4:29)

   2. Taem iumi tingim hao pipol barava laek for go herem wisdom bilong Solomon nomata olketa stap farawe from hem, hao nao iumi shud ting long wei for studyim Word Bilong God? (1 Ki. 4:29, 34; John 17:3; 2 Tim. 3:16)

Story 64

Solomon Buildim Temple

1. Hem tek haomas year for Solomon buildim temple bilong Jehovah, and why nao datwan hem kostim staka selen?

2. Haomas main rum nao stap insaed temple, and wanem nao olketa putim insaed datfala rum wea smol lelebet?

3. Wanem nao Solomon talem insaed prea bilong hem taem olketa finis for wakem temple?

4. Hao nao Jehovah showimaot hem hapi witim prea bilong Solomon?

5. Wanem nao olketa waef bilong Solomon mekem hem for duim, and wanem nao happen long Solomon?

6. Why nao Jehovah hem kros long Solomon, and wanem nao Jehovah hem sei long hem?

Samfala extra kwestin:

1. Readim 1 Chronicles 28:9, 10.

   Taem iumi tingim toktok bilong David long 1 Chronicles 28:9, 10, wanem nao iumi shud trae hard for duim long evriday living bilong iumi? (Ps. 19:14; Phil. 4:8, 9)

2. Readim 2 Chronicles 6:12-21, 32-42.

   1. Hao nao Solomon showim hao no eni building wea man savve wakem hem fitim for Most Hae God hem stap insaed? (2 Chron. 6:18; Acts 17:24, 25)

   2. Samting wea Solomon talem long 2 Chronicles 6:32, 33 showim iumi wanem samting abaotem Jehovah? (Acts 10:34, 35; Gal. 2:6)

3. Readim 2 Chronicles 7:1-5.

   Olsem wei wea glory bilong Jehovah muvim olketa Israelite for praisem hem taem olketa lukim datwan, hao nao wei for ting raonem blessing wea Jehovah givim long pipol bilong hem shud affectim iumi distaem? (2 Chron. 7:3; Ps. 22:22; 34:1; 96:2)

4. Readim 1 Kings 11:9-13.

   Hao nao laef bilong Solomon showimaot hao hem important for faithful go kasem end? (1 Ki. 11:4, 9; Matt. 10:22; Rev. 2:10)

Story 65

Kingdom Hem Divaed

1. Hu nao nem bilong tufala man long piksa, and hu nao olketa?

2. Wanem nao Ahijah duim witim niufala kaleko wea hem werem, and wanem nao mining bilong datwan?

3. Wanem nao Solomon trae for duim long Jeroboam?

4. Why nao olketa pipol mekem Jeroboam king ovarem tenfala tribe?

5. Why nao Jeroboam mekem tufala gold buluka, and wanem nao happen long datfala land no longtaem bihaen long datwan?

6. Wanem nao happen long datfala tu-tribe kingdom and long temple bilong Jehovah long Jerusalem?

Samfala extra kwestin:

1. Readim 1 Kings 11:26-43.

   Jeroboam hem wanem kaen man, and wanem nao Jehovah promis for duim sapos hem gohed for obeyim olketa law bilong God? (1 Ki. 11:28, 38)

2. Readim 1 Kings 12:1-33.

   1. Nogud example bilong Rehoboam savve teachim parents and olketa elder wanem samting abaotem wei for iusim paoa wea olketa garem long rongfala wei? (1 Ki. 12:13; Eccl. 7:7; 1 Pet. 5:2, 3)

   2. Taem olketa young wan distaem mas disaedem olketa important samting long laef, olketa shud depend long hu nao for advaes? (1 Ki. 12:6, 7; Prov. 1:8, 9; 2 Tim. 3:16, 17; Heb. 13:7)

   3. Wanem nao muvim Jeroboam for markem tufala ples for worshipim buluka, and hao nao diswan showimaot hem barava no garem faith long Jehovah? (1 Ki. 11:37; 12:26-28)

   4. Hu nao wan wea leadim pipol long ten-tribe kingdom for againstim tru worship? (1 Ki. 12:32, 33)

Story 66

Jezebel—Wanfala Nogud Queen

1. Hu nao Jezebel?

2. Why nao King Ahab hem feel sorre?

3. Wanem nao Jezebel duim for tekem grape garden bilong Naboth for hasband bilong hem, Ahab?

4. Hu nao Jehovah sendem for panisim Jezebel?

5. Olsem iu savve lukim long piksa, wanem nao happen taem Jehu arrive long haos bilong Jezebel?

Samfala extra kwestin:

1. Readim 1 Kings 16:29-33 and 18:3, 4.

   Hao nao living bilong olketa Israelite long taem bilong King Ahab?(1 Ki. 14:9)

2. Readim 1 Kings 21:1-16.

   1. Hao nao Naboth showimaot fasin for no fraet and loyal fasin long Jehovah? (1 Ki. 21:1-3; Lev. 25:23-28)

   2. Wanem nao iumi savve lanem from example bilong Ahab abaotem wei for deal witim feel nogud? (1 Ki. 21:4; Rom. 5:3-5)

3. Readim 2 Kings 9:30-37.

   Wanem nao iumi savve lanem from wei wea Jehu strong for duim will bilong Jehovah? (2 Ki. 9:4-10; 2 Cor. 9:1, 2; 2 Tim. 4:2)

Story 67

Jehoshaphat Trustim Jehovah

1. Hu nao Jehoshaphat, and hem stap long wanem taem?

2. Why nao olketa Israelite fraet, and wanem nao staka long olketa duim?

3. Hao nao Jehovah ansarem prea bilong Jehoshaphat?

4. Jehovah mekem wanem samting for happen bifor datfala faet?

5. Wanem nao iumi savve lanem from Jehoshaphat?

Samfala extra kwestin:

1. Readim 2 Chronicles 20:1-30.

   1. Hao nao samting wea Jehoshaphat duim hem example for olketa faithful servant bilong God taem olketa feisim olketa danger samting? (2 Chron. 20:12; Ps. 25:15; 62:1)

   2. From Jehovah evritaem deal witim pipol bilong hem thru long wanfala sekson wea story for hem, hu nao datfala sekson distaem? (2 Chron. 20:14, 15; Matt. 24:45-47; John 15:15)

   3. Taem God startim “war bilong bigfala day bilong God Olmaeti,” hao nao bae iumi olsem Jehoshaphat? (2 Chron. 20:15, 17; 32:8; Rev. 16:14, 16)

   4. Olsem olketa Levite, hao big nao share bilong olketa pioneer and missionary insaed disfala waka for preach evriwea long world distaem? (2 Chron. 20:19, 21; Rom. 10:13-15; 2 Tim. 4:2)

Story 68

Tufala Boy wea Laef Bak Moa

1. Hu nao thrifala insaed long piksa, and wanem nao happen long datfala smol boy?

2. Elijah hem prea for wanem saed long datfala boy, and wanem nao happen bihaen?

3. Hu nao nem bilong man wea helpem Elijah?

4. Why nao Elisha go long haos bilong wanfala woman long Shunem?

5. Wanem nao Elisha duim, and wanem nao happen long datfala pikinini wea dae?

6. Jehovah garem paoa for duim wanem samting, olsem Elijah and Elisha showimaot?

Samfala extra kwestin:

1. Readim 1 Kings 17:8-24.

   1. Hao nao fasin for obey and faith bilong Elijah kasem test? (1 Ki. 17:9; 19:1-4, 10)

   2. Wanem nao showimaot datfala widow woman bilong Zarephath garem strongfala faith? (1 Ki. 17:12-16; Luke 4:25, 26)

   3. Hao nao samting wea kasem datfala widow woman bilong Zarephath pruvim hao toktok bilong Jesus long Matthew 10:41, 42 hem barava tru? (1 Ki. 17:10-12, 17, 23, 24)

2. Readim 2 Kings 4:8-37.

   1. Wanem nao iumi savve lanem abaotem fasin for showimaot welkam from datfala woman bilong Shunem? (2 Ki. 4:8; Luke 6:38; Rom. 12:13; 1 John 3:17)

   2. Long olketa wanem wei nao iumi savve showimaot kaenfala fasin long olketa servant bilong God distaem? (Acts 20:35; 28:1, 2; Gal. 6:9, 10; Heb. 6:10)

Story 69

Gele Helpem Wanfala Bigman

1. Insaed long piksa, wanem nao datfala smol gele talem long datfala woman?

2. Hu nao datfala woman insaed long piksa, and why nao datfala smol gele stap long haos bilong hem?

3. Wanem nao Elisha talem servant bilong hem for go talem Naaman, and why nao Naaman hem kamap kros?

4. Wanem nao happen taem Naaman duim samting wea olketa servant bilong hem talem?

5. Why nao Elisha nating willing for acceptim present bilong Naaman, bat wanem nao Gehazi hem duim?

6. Wanem nao happen long Gehazi, and wanem nao iumi savve lanem from diswan?

Samfala extra kwestin:

1. Readim 2 Kings 5:1-27.

   1. Hao nao example bilong datfala smol Israelite gele savve encouragem olketa young wan distaem? (2 Ki. 5:3; Ps. 8:2; 148:12, 13)

   2. Why nao hem gud for tingim example bilong Naaman taem iumi kasem kaonsel from Bible? (2 Ki. 5:15; Heb. 12:5, 6; Jas. 4:6)

   3. Wanem nao iumi savve lanem taem iumi markem example bilong Elisha witim example bilong Gehazi? (2 Ki. 5:9, 10, 14-16, 20; Matt. 10:8; Acts 5:1-5; 2 Cor. 2:17)

Story 70

Jonah and Datfala Big Fish

1. Hu nao Jonah, and wanem nao Jehovah talem hem for duim?

2. From hem no want for go long ples wea Jehovah talem hem for go long hem, wanem nao Jonah hem duim?

3. Wanem nao Jonah talem olketa sailor for duim for stopem datfala big wind?

4. Olsem iu savve lukim long piksa, wanem nao happen taem Jonah sink go daon insaed long wata?

5. Haomas day and naet nao Jonah stap insaed bele bilong bigfala fish, and wanem nao hem duim taem hem stap long there?

6. Bihaen hem kamaot from bigfala fish, wea nao Jonah hem go, and wanem nao iumi lanem from diswan?

Samfala extra kwestin:

1. Readim Jonah 1:1-17.

   Luk olsem Jonah hem feel hao abaotem assignment bilong hem for preach long pipol bilong Nineveh? (Jonah 1:2, 3; Prov. 3:7; Eccl. 8:12)

2. Readim Jonah 2:1, 2, 10.

   Hao nao samting wea kasem Jonah mekem iumi feel sure Jehovah bae ansarem olketa prea bilong iumi? (Ps. 22:24; 34:6; 1 John 5:14)

3. Readim Jonah 3:1-10.

   1. Hao nao hem encouragem iumi for savve Jehovah gohed iusim Jonah nomata hem fail firstaem for fulfillim assignment bilong hem? (Ps. 103:14; 1 Pet. 5:10)

   2. Wanem nao experience bilong Jonah witim pipol bilong Nineveh hem teachim iumi abaotem wei for no judgem pipol long territory bilong iumi? (Jonah 3:6-9; Eccl. 11:6; Acts 13:48)

Story 71

God Promisim Paradaes

1. Hu nao Isaiah, wanem taem nao hem stap, and wanem nao Jehovah showim long hem?

2. Wanem nao mining bilong datfala word “paradaes,” and hem mekem iu tingim wanem samting?

3. Wanem nao Jehovah talem Isaiah for raetem abaotem datfala niu Paradaes?

4. Why nao Adam and Eve lusim naesfala hom bilong olketa?

5. Wanem nao Jehovah promisim for olketa wea lovem hem?

Samfala extra kwestin:

1. Readim Isaiah 11:6-9.

   1. Hao nao Word Bilong God storyim peace wea bae kamap midolwan olketa animal and man long niu world? (Ps. 148:10, 13; Isa. 65:25; Ezek. 34:25)

   2. Hao nao toktok bilong Isaiah hem fulfill long spiritual wei midolwan pipol bilong Jehovah distaem? (Rom. 12:2; Eph. 4:23, 24)

   3. Hu nao fit for kasem praise for wei wea fasin bilong pipol hem change distaem and bae change long niu world? (Isa. 48:17, 18; Gal. 5:22, 23; Phil. 4:7)

2. Readim Revelation 21:3, 4.

   1. Hao nao Bible showimaot God hem stap witim olketa man long earth long tokpiksa wei nomoa, and no long physical wei? (Lev. 26:11, 12; 2 Chron. 6:18; Isa. 66:1; Rev. 21:2, 3, 22-24)

   2. Wanem nao hem minim taem Bible sei krae and pain bae finis? (Luke 8:49-52; Rom. 8:21, 22; Rev. 21:4)

Story 72

God Helpem King Hezekiah

1. Hu nao man insaed long piksa, and why nao hem insaed bigfala trabol?

2. Wanem nao olketa leta wea Hezekiah putim front long God, and wanem nao Hezekiah talem long prea bilong hem?

3. Hezekiah hem wanem kaen king, and wanem nao message wea Jehovah sendem long hem thru long profet Isaiah?

4. Wanem nao angel bilong Jehovah duim long olketa bilong Assyria, olsem piksa hem showimaot?

5. Nomata datfala tu-tribe kingdom kasem peace for lelebet taem, wanem nao happen bihaen Hezekiah hem dae?

Samfala extra kwestin:

1. Readim 2 Kings 18:1-36.

   1. Hao nao Rabshakeh, wea hem man wea tok for olketa bilong Assyria, trae for mekem faith bilong olketa Israelite kamap wik? (2 Ki. 18:19, 21; Ex. 5:2; Ps. 64:3)

   2. Taem Olketa Jehovah’s Witness deal witim pipol wea againstim olketa, hao nao olketa followim example bilong Hezekiah? (2 Ki. 18:36; Ps. 39:1; Prov. 26:4; 2 Tim. 2:24)

2. Readim 2 Kings 19:1-37.

   1. Hao nao pipol bilong Jehovah distaem followim example bilong Hezekiah long taem bilong trabol? (2 Ki. 19:1, 2; Prov. 3:5, 6; Heb. 10:24, 25; Jas. 5:14, 15)

   2. Wanem nao thrifala wei wea King Sennacherib hem lus, and hu nao hem piksarem? (2 Ki. 19:32, 35, 37; Rev. 20:2, 3)

3. Readim 2 Kings 21:1-6, 16.

   Why nao iumi savve sei Manasseh hem wanfala king wea moa wicked winim eni narawan wea rul long Jerusalem? (2 Chron. 33:4-6, 9)

Story 73

Last Gud King Bilong Israel

1. Josiah hem haomas year taem hem kamap king, and bihaen hem king for sevenfala year, wanem nao hem start for duim?

2. Wanem nao iu lukim Josiah hem duim insaed long firstfala piksa?

3. Wanem nao hae priest hem faendem taem olketa man fixim temple?

4. Why nao Josiah brekem kaleko bilong hem?

5. Wanem nao message from Jehovah wea datfala woman profet Huldah talem long Josiah?

Samfala extra kwestin:

1. Readim 2 Chronicles 34:1-28.

   1. Hao nao Josiah hem example for olketa wea mas deal witim wei for growap witim parents wea no showimaot gudfala example? (2 Chron. 33:21-25; 34:1, 2; Ps. 27:10)

   2. Wanem nao olketa important samting wea Josiah duim for apim tru worship long mek-8, mek-12, and mek-18 year long rul bilong hem? (2 Chron. 34:3, 8)

   3. Wanem nao iumi savve lanem from example bilong King Josiah and Hae Priest Hilkiah saed long wei for lukaftarem ples wea iumi hipap for worshipim Jehovah? (2 Chron. 34:9-13; Prov. 11:14; 1 Cor. 10:31)

Story 74

Man wea Nating Fraet

1. Hu nao young man insaed long piksa?

2. Wanem nao tingting bilong Jeremiah abaotem wei wea hem kamap wanfala profet, bat wanem nao Jehovah sei long hem?

3. Wanem nao message wea Jeremiah gohed talem olketa pipol?

4. Hao nao olketa priest trae for stopem Jeremiah, bat hao nao hem showimaot hem no fraet?

5. Wanem nao happen taem olketa Israelite no changem nogud wei bilong olketa?

Samfala extra kwestin:

1. Readim Jeremiah 1:1-8.

   1. Olsem example bilong Jeremiah showimaot, wanem nao mekem wanfala man fit for servem Jehovah? (2 Cor. 3:5, 6)

   2. Hao nao example bilong Jeremiah hem encouragem olketa young Christian distaem? (Eccl. 12:1; 1 Tim. 4:12)

2. Readim Jeremiah 10:1-5.

   Wanem example nao Jeremiah storyim wea barava showimaot hem iusles for trustim olketa idol? (Jer. 10:5; Isa. 46:7; Hab. 2:19)

3. Readim Jeremiah 26:1-16.

   1. Taem anointed remnant talemaot warning message distaem, hao nao olketa barava followim komand wea Jehovah givim long Jeremiah for ‘no aotem eni word’? (Jer. 26:2; Deut. 4:2; Acts 20:27)

   2. Jeremiah showimaot wanem gudfala example for Olketa Jehovah’s Witness distaem saed long wei for talemaot warning bilong Jehovah for olketa nation? (Jer. 26:8, 12, 14, 15; 2 Tim. 4:1-5)

4. Readim 2 Kings 24:1-17.

   Wanem sorre samting nao kamaot from wei wea Judah no faithful long Jehovah? (2 Ki. 24:2-4, 14)

Story 75

Fofala Boy Long Babylon

1. Hu nao fofala boy insaed long piksa, and why nao olketa stap long Babylon?

2. Wanem nao plan bilong Nebuchadnezzar for fofala boy hia, and wanem nao hem talem olketa servant bilong hem for duim?

3. Wanem nao Daniel askem saed long kaikai and drink for hem and thrifala fren bilong hem?

4. Bihaen olketa kaikaim olketa vegetable for tenfala day, hao nao lukluk bilong Daniel and thrifala fren bilong hem taem olketa markem olketa witim olketa nara young man?

5. Why nao olketa markem Daniel and thrifala fren bilong hem for stap long bigfala haos bilong king, and long wanem wei nao olketa winim olketa priest and wisefala man?

Samfala extra kwestin:

1. Readim Daniel 1:1-21.

   1. Wanem nao iumi mas duim sapos iumi laek for againstim olketa temptation and winim olketa wik point? (Dan. 1:8; Gen. 39:7, 10; Gal. 6:9)

   2. Long olketa wanem wei nao maet olketa young wan distaem kasem temptation or hevi for duim samting wea samfala pipol tingse hem “spesol”? (Dan. 1:8; Prov. 20:1; 2 Cor. 6:17–7:1)

   3. Story long Bible abaotem fofala young Hebrew helpem iumi for luksavve long wanem samting saed long wei for kasem savve bilong disfala world? (Dan. 1:20; Isa. 54:13; 1 Cor. 3:18-20)

Story 76

Jerusalem Hem Finis Evribit

1. Olsem piksa hem showim, wanem nao happen long Jerusalem and olketa Israelite?

2. Hu nao Ezekiel, and wanem nao olketa nogud samting wea Jehovah showim long hem?

3. From olketa Israelite nating respectim Jehovah, hem talem wanem promis?

4. Wanem nao King Nebuchadnezzar duim bihaen olketa Israelite againstim hem?

5. Why nao Jehovah letem disfala nogud wei for finisim evri samting kasem olketa Israelite?

6. Wanem nao mekem no eni man stap long land bilong Israel, and for haomas year nao hem olsem?

Samfala extra kwestin:

1. Readim 2 Kings 25:1-26.

   1. Hu nao Zedekiah, wanem nao happen long hem, and hao nao diswan fulfillim Bible profesi? (2 Ki. 25:5-7; Ezek. 12:13-15)

   2. Jehovah blamem hu nao for evri samting wea Israel duim wea showimaot olketa no garem faith? (2 Ki. 25:9, 11, 12, 18, 19; 2 Chron. 36:14, 17)

2. Readim Ezekiel 8:1-18.

   Hao nao olketa false Christian religion duim sem samting olsem olketa apostate Israelite wea worshipim sun? (Ezek. 8:16; Isa. 5:20, 21; John 3:19-21; 2 Tim. 4:3)

Story 77

Olketa No Willing for Baodaon

1. Nebuchadnezzar, king bilong Babylon, givim komand for olketa pipol duim wanem samting?

2. Why nao thrifala fren bilong Daniel no baodaon long datfala gold idol?

3. Taem Nebuchadnezzar givim nara chance for thrifala Hebrew hia for baodaon, hao nao olketa showimaot olketa trust long Jehovah?

4. Wanem nao Nebuchadnezzar talem olketa man bilong hem for duim long Shadrach, Meshach, and Abednego?

5. Wanem nao Nebuchadnezzar lukim taem hem luk go insaed long datfala fire?

6. Why nao king praisem God bilong Shadrach, Meshach, and Abednego, and hao nao thrifala showimaot example for iumi?

Samfala extra kwestin:

1. Readim Daniel 3:1-30.

   1. Wanem fasin nao thrifala young Hebrew hia showimaot wea evri servant bilong God shud followim taem olketa feisim samting wea testim faithful fasin bilong olketa? (Dan. 3:17, 18; Matt. 10:28; Rom. 14:7, 8)

   2. Wanem important samting nao Jehovah God teachim Nebuchadnezzar? (Dan. 3:28, 29; 4:34, 35)

Story 78

Raeting Long Wall

1. Wanem nao happen taem king bilong Babylon mekem bigfala feast and hem iusim olketa kap and dish wea olketa tekem from temple bilong Jehovah long Jerusalem?

2. Wanem nao Belshazzar sei long olketa wise man bilong hem, bat olketa no savve duim wanem?

3. Mami bilong king talem hem for duim wanem samting?

4. Olsem Daniel talem long king, why nao God mekem datfala hand for raet long wall?

5. Hao nao Daniel explainim mining bilong datfala raeting long wall?

6. Taem Daniel gohed for story, wanem nao hem happen?

Samfala extra kwestin:

1. Readim Daniel 5:1-31.

   1. Markem fasin for fraet long God witim fraet bilong Belshazzar taem hem lukim datfala raeting long wall. (Dan. 5:6, 7; Ps. 19:9; Rom. 8:35-39)

   2. Hao nao Daniel barava showimaot fasin for no fraet taem hem story long Belshazzar and olketa bigman bilong hem? (Dan. 5:17, 18, 22, 26-28; Acts 4:29)

   3. Hao nao Daniel chapter 5 strongim wei wea Jehovah hem sovereign bilong universe? (Dan. 4:17, 25; 5:21)

Story 79

Daniel Insaed Hol Bilong Lion

1. Hu nao Darius, and wanem nao tingting bilong hem abaotem Daniel?

2. Samfala man wea jealous mekem Darius duim wanem samting?

3. Wanem nao Daniel duim taem hem herem datfala niu law?

4. Why nao Darius barava feel sorre and no savve sleep, and wanem nao hem duim long nextfala morning?

5. Wanem nao ansa wea Daniel givim for Darius?

6. Wanem nao happen long olketa nogud man wea trae for killim dae Daniel, and wanem toktok nao Darius raetem for evri pipol long kingdom bilong hem?

Samfala extra kwestin:

1. Readim Daniel 6:1-28.

   1. Hao nao datfala nogud plan for spoelem Daniel hem mekem iumi tingim samting wea pipol duim distaem for trae stopem waka bilong Olketa Jehovah’s Witness? (Dan. 6:7; Ps. 94:20; Isa. 10:1; Rom. 8:31)

   2. Hao nao olketa servant bilong God distaem savve followim example bilong Daniel for stap anda long “olketa hae paoa”? (Dan. 6:5, 10; Rom. 13:1; Acts 5:29)

   3. Hao nao iumi savve followim example bilong Daniel for servem Jehovah “evritaem”? (Dan. 6:16, 20; Phil. 3:16; Rev. 7:15)

Story 80

Pipol Bilong God Lusim Babylon

1. Olsem piksa hem showimaot, wanem nao olketa Israelite duim?

2. Hao nao Cyrus fulfillim profesi wea Jehovah givim thru long Isaiah?

3. Wanem nao Cyrus talem olketa Israelite wea no savve go bak long Jerusalem?

4. Wanem nao Cyrus givim long olketa pipol for tekem go bak long Jerusalem?

5. Haomas month nao olketa Israelite wakabaot for kasem Jerusalem?

6. Haomas year nao go pas finis from taem wea no eniwan stap long datfala land?

Samfala extra kwestin:

1. Readim Isaiah 44:28 and 45:1-4.

   1. Hao nao Jehovah strongim hao datfala profesi abaotem Cyrus bae barava fulfill? (Isa. 55:10, 11; Rom. 4:17)

   2. Profesi bilong Isaiah abaotem Cyrus showimaot wanem samting abaotem savve bilong Jehovah God for talem firstaem samting wea bae happen long future? (Isa. 42:9; 45:21; 46:10, 11; 2 Pet. 1:20)

2. Readim Ezra 1:1-11.

   Hao nao iumi savve followim example bilong olketa wea no savve go bak long Jerusalem, saed long wei for ‘strongim hand’ bilong olketa wea insaed full-taem service? (Ezra 1:4, 6; Rom. 12:13; Col. 4:12)

Story 81

Trustim Help From God

1. Haomas pipol go long datfala wakabaot from Babylon go kasem Jerusalem, bat wanem nao olketa lukim taem olketa arrive?

2. Bihaen olketa arrive, wanem nao olketa Israelite start for buildim, bat wanem nao olketa enemy duim?

3. Hu nao Haggai and Zechariah, and olketa talem olketa pipol for duim wanem?

4. Why nao Tattenai sendem wanfala leta long Babylon, and wanem nao ansa wea hem kasem?

5. Wanem nao Ezra duim taem hem savve olketa need for fixim temple bilong God?

6. Wanem nao Ezra prea for hem insaed long piksa, hao nao datfala prea kasem ansa, and wanem nao iumi lanem from diswan?

Samfala extra kwestin:

1. Readim Ezra 3:1-13.

   Sapos enitaem iumi stap long ples wea no garem eni kongregeson bilong pipol bilong God, wanem nao iumi shud gohed for duim? (Ezra 3:3, 6; Acts 17:16, 17; Heb. 13:15)

2. Readim Ezra 4:1-7.

   Wanem example nao Zerubbabel showimaot for pipol bilong Jehovah saed long wei for no join witim olketa nara religion? (Ex. 34:12; 1 Cor. 15:33; 2 Cor. 6:14-17)

3. Readim Ezra 5:1-5, 17 and 6:1-22.

   1. Why nao olketa wea againstim waka for buildim temple no savve stopem datfala waka? (Ezra 5:5; Isa. 54:17)

   2. Hao nao samting wea olketa older man bilong olketa Jew duim hem encouragem olketa Christian elder for lukaotem direction bilong Jehovah taem olketa deal witim olketa wea againstim iumi? (Ezra 6:14; Ps. 32:8; Rom. 8:31; Jas. 1:5)

4. Readim Ezra 8:21-23, 28-36.

   Bifor iumi start for duim wanfala samting, hem gud for iumi followim wanem example bilong Ezra? (Ezra 8:23; Ps. 127:1; Prov. 10:22; Jas. 4:13-15)

Story 82

Mordecai and Esther

1. Hu nao Mordecai and Esther?

2. Why nao King Ahasuerus laek garem wanfala niu waef, and hu nao hem chusim?

3. Hu nao Haman, and wanem nao mekem hem barava kros?

4. Wanem nao datfala law wea king hem mekem, and wanem nao Esther duim bihaen hem kasem wanfala message from Mordecai?

5. Wanem nao happen long Haman, and wanem nao happen long Mordecai?

6. Hao nao olketa Israelite sev from enemy bilong olketa?

Samfala extra kwestin:

1. Readim Esther 2:12-18.

   Hao nao Esther showimaot wei wea “kwaet and hambol fasin” hem gud tumas? (Esther 2:15; 1 Pet. 3:1-5)

2. Readim Esther 4:1-17.

   Long sem wei wea Esther kasem chance for duim samting for sapotim tru worship, wanem chance nao iumi kasem distaem for showimaot iumi loyal long Jehovah and lovem hem? (Esther 4:13, 14; Matt. 5:14-16; 24:14)

3. Readim Esther 7:1-6.

   Hao nao plande wea servem God distaem stap long danger for kasem persecution olsem Esther? (Esther 7:4; Matt. 10:16-22; 1 Pet. 2:12)

Story 83

Wall Bilong Jerusalem

1. Hao nao olketa Israelite feel taem no eni wall stap raonem taon bilong olketa, Jerusalem?

2. Hu nao Nehemiah?

3. Wanem nao waka bilong Nehemiah, and why nao datwan hem important?

4. Wanem nius nao mekem Nehemiah feel sorre, and wanem nao hem duim?

5. Hao nao King Artaxerxes showimaot kaenfala fasin long Nehemiah?

6. Hao nao Nehemiah arrangem datfala building waka mekem enemy bilong olketa Israelite no savve stopem?

Samfala extra kwestin:

1. Readim Nehemiah 1:4-6 and 2:1-20.

   Hao nao Nehemiah lukaotem direction bilong Jehovah? (Neh. 2:4, 5; Rom. 12:12; 1 Pet. 4:7)

2. Readim Nehemiah 3:3-5.

   Wanem nao olketa elder and ministerial servant savve lanem from wei for markem olketa Tekoite witim olketa man bilong olketa wea “nambawan”? (Neh. 3:5, 27; 2 Thess. 3:7-10; 1 Pet. 5:5)

3. Readim Nehemiah 4:1-23.

   1. Wanem nao muvim olketa Israelite for gohed build nomata samfala barava againstim olketa? (Neh. 4:6, 8, 9; Ps. 50:15; Isa. 65:13, 14)

   2. Hao nao example bilong olketa Israelite encouragem iumi distaem?

4. Readim Nehemiah 6:15.

   Wei wea olketa finis for buildim wall bilong Jerusalem insaed tufala month hem showimaot wanem samting abaotem wei for garem strongfala faith? (Ps. 56:3, 4; Matt. 17:20; 19:26)

Story 84

Angel Visitim Mary

1. Hu nao woman insaed long piksa?

2. Wanem nao Gabriel talem long Mary?

3. Hao nao Gabriel explainim long Mary hao hem bae garem wanfala baby nomata hem no sleep witim eni man?

4. Wanem nao happen taem Mary visitim relative bilong hem Elizabeth?

5. Wanem nao tingting bilong Joseph taem hem savve Mary bae garem baby, bat why nao hem changem tingting bilong hem?

Samfala extra kwestin:

1. Readim Luke 1:26-56.

   1. Hao nao Luke 1:35 showimaot wei for no perfect wea Mary kasem from Adam bae no spoelem wei wea God tekem laef bilong Son bilong hem from heven and putim insaed long Mary? (Hag. 2:11-13; John 6:69; Heb. 7:26; 10:5)

   2. Hao nao Jesus kasem honor bifor hem born? (Luke 1:41-43)

   3. Mary showimaot wanem nambawan example for olketa Christian distaem wea kasem olketa spesol privilege saed long service? (Luke 1:38, 46-49; 17:10; Prov. 11:2)

2. Readim Matthew 1:18-25.

   Nomata olketa no barava kolem Jesus Immanuel, hao nao waka wea hem duim olsem wanfala man hem fulfillim mining bilong datfala nem? (Matt. 1:22, 23; John 14:8-10; Heb. 1:1-3)

Story 85

Jesus Born Insaed Haos Bilong Olketa Animal

1. Hu nao smol baby insaed long piksa, and wea nao Mary mekem hem leidaon?

2. Why nao Jesus born insaed haos bilong olketa animal?

3. Hu nao olketa man long piksa wea kam insaed long haos bilong olketa animal, and wanem nao wanfala angel talem olketa finis?

4. Why nao Jesus hem spesol?

5. Why nao hem fitim for kolem Jesus Son bilong God?

Samfala extra kwestin:

1. Readim Luke 2:1-20.

   1. Wanem nao Caesar Augustus duim wea help for fulfillim profesi abaotem taem wea Jesus hem born? (Luke 2:1-4; Mic. 5:2)

   2. Hao nao man savve kamap wanfala long “olketa man wea God hapi long olketa”? (Luke 2:14; Matt. 16:24; John 17:3; Acts 3:19; Heb. 11:6)

   3. Sapos olketa hambol shepherd bilong Judea garem reason for hapi taem Savior hem born, wanem reason for hapi wea moa big nao olketa servant bilong God distaem garem? (Luke 2:10, 11; Eph. 3:8, 9; Rev. 11:15; 14:6)

Story 86

Star Leadim Olketa Man

1. Hu nao olketa man insaed long piksa, and why nao wanfala hem point go long wanfala braet star?

2. Why nao King Herod hem kros, and wanem nao hem duim?

3. Datfala braet star leadim olketa man go long wea, bat why nao olketa go long difren road taem olketa go bak long kantri bilong olketa seleva?

4. Wanem nao komand wea Herod talemaot, and why nao olsem?

5. Jehovah talem Joseph for duim wanem samting?

6. Hu nao mekem datfala niu star for shaen, and why nao olsem?

Extra kwestin:

1. Readim Matthew 2:1-23.

   Taem olketa man for studyim olketa star visitim Jesus, hem stap long wea, and hem haomas year? (Matt. 2:1, 11, 16)

Story 87

Young Jesus Long Temple

1. Long piksa Jesus hem haomas year, and wea nao hem?

2. Wea nao Joseph tekem famili bilong hem evri year?

3. Bihaen olketa wakabaot for wanfala full day finis for kasem bak hom, why nao Joseph and Mary go bak moa long Jerusalem?

4. Wea nao Joseph and Mary faendem Jesus, and why nao pipol long there sapraes?

5. Wanem nao Jesus talem long mami bilong hem Mary?

6. Hao nao iumi savve olsem Jesus saed long wei for lane abaotem God?

Samfala extra kwestin:

1. Readim Luke 2:41-52.

   1. Nomata Law sei olketa man nomoa need for attendim olketa festival wea kamap evri year, wanem gudfala example nao Joseph and Mary showimaot for parents distaem? (Luke 2:41; Deut. 16:16; 31:12; Prov. 22:6)

   2. Hao nao Jesus showimaot gudfala example for olketa young wan distaem saed long wei for stap anda long parents? (Luke 2:51; Deut. 5:16; Prov. 23:22; Col. 3:20)

2. Readim Matthew 13:53-56.

   Hu nao nem bilong fofala really brata bilong Jesus insaed Bible, and wanem waka nao tufala brata bilong hem duim insaed Christian kongregeson bihaen? (Matt. 13:55; Acts 12:17; 15:6, 13; 21:18; Gal. 1:19; Jas. 1:1; Jude 1)

Story 88

John Baptaesim Jesus

1. Hu nao tufala man insaed piksa?

2. Hao nao for baptaesim man?

3. Plande taem, hu nao pipol wea John hem baptaesim?

4. Wanem nao spesol reason why Jesus askem John for baptaesim hem?

5. Hao nao God showimaot Hem hapi from Jesus baptaes?

6. Wanem nao happen taem Jesus go long wanfala kwaet ples for 40 day?

7. Hu nao samfala first follower bilong Jesus, and wanem nao firstfala mirakol bilong hem?

Samfala extra kwestin:

1. Readim Matthew 3:13-17.

   Wanem example nao Jesus showimaot for olketa disaepol bilong hem saed long wei for baptaes? (Ps. 40:7, 8; Matt. 28:19, 20; Luke 3:21, 22)

2. Readim Matthew 4:1-11.

   Hao nao wei wea Jesus savve tumas for iusim olketa Scripture hem encouragem iumi for studyim Bible evritaem? (Matt. 4:5-7; 2 Pet. 3:17, 18; 1 John 4:1)

3. Readim John 1:29-51.

   John Baptaesa leadim olketa disaepol bilong hem go long hu, and hao nao iumi savve followim example bilong hem distaem? (John 1:29, 35, 36; 3:30; Matt. 23:10)

4. Readim John 2:1-12.

   Hao nao firstfala mirakol bilong Jesus showimaot Jehovah no hol bak for givim gud samting long olketa servant bilong Hem? (John 2:9, 10; Ps. 84:11; Jas. 1:17)

Story 89

Jesus Mekem Temple Hem Klin

1. Why nao pipol salem olketa animal long temple?

2. Wanem nao mekem Jesus kros?

3. Long piksa, wanem nao Jesus duim, and wanem komand nao hem talem long olketa man wea salem olketa kurukuru?

4. Taem olketa follower bilong Jesus lukim samting wea hem duim, wanem nao olketa rememberim?

5. Wanem area nao Jesus go thru long hem taem hem go bak long Galilee?

Extra kwestin:

1. Readim John 2:13-25.

   Taem iumi tingim hao Jesus kros fogud long pipol wea changem selen long temple, wanem stretfala tingting nao iumi shud garem saed long wei for duim bisnis insaed Kingdom Hall? (John 2:15, 16; 1 Cor. 10:24, 31-33)

Story 90

Witim Woman Long Well

1. Why nao Jesus go long wanfala well long Samaria, and wanem nao hem talem long wanfala woman long there?

2. Why nao datfala woman hem sapraes, wanem nao Jesus talem long hem, and why nao olsem?

3. Datfala woman tingse Jesus hem story abaotem wanem kaen wata, bat really, wanem kaen wata nao hem storyim?

4. Why nao datfala woman hem sapraes from Jesus savve abaotem laef bilong hem, and hao nao Jesus savve long datwan?

5. Wanem nao iumi savve lanem from story abaotem datfala woman long well?

Samfala extra kwestin:

1. Readim John 4:5-43.

   1. Olsem Jesus, iumi shud hao taem iumi stap witim pipol wea garem difren kala skin or living? (John 4:9; 1 Cor. 9:22; 1 Tim. 2:3, 4; Titus 2:11)

   2. Man wea kamap disaepol bilong Jesus bae kasem olketa wanem gudfala spiritual samting? (John 4:14; Isa. 58:11; 2 Cor. 4:16)

   3. Hao nao iumi savve showimaot wei for tinghae olsem datfala Samaritan woman wea laekem tumas for talem wanem hem lanem long nara pipol? (John 4:7, 28; Matt. 6:33; Luke 10:40-42)

Story 91

Jesus Teach Long Maunten

1. Long piksa, Jesus hem teach long wea, and hu nao olketa wea sidaon barava klosap long hem?

2. Hu nao nem bilong 12-fala aposol?

3. Wanem nao datfala Kingdom wea Jesus hem preach abaotem?

4. Jesus hem teachim olketa pipol for prea for wanem?

5. Wanem nao Jesus talem abaotem wei wea pipol shud deal witim each other?

Samfala extra kwestin:

1. Readim Matthew 5:1-12.

   Wanem nao olketa wei wea iumi savve showimaot iumi tingim spiritual need bilong iumi? (Matt. 5:3; Rom. 10:13-15; 1 Tim. 4:13, 15, 16)

2. Readim Matthew 5:21-26.

   Long wanem wei nao Matthew 5:23, 24 strongim hao wei wea iumi fren witim olketa brata bilong iumi hem affectim wei wea iumi fren witim Jehovah? (Matt. 6:14, 15; Ps. 133:1; Col. 3:13; 1 John 4:20)

3. Readim Matthew 6:1-8.

   Olketa Christian mas stap klia long olketa wanem wei for tingse olketa seleva raeteous? (Luke 18:11, 12; 1 Cor. 4:6, 7; 2 Cor. 9:7)

4. Readim Matthew 6:25-34.

   Wanem nao Jesus teachim abaotem wei wea iumi need for trust long Jehovah for provaedem material need bilong iumi? (Ex. 16:4; Ps. 37:25; Phil. 4:6)

5. Readim Matthew 7:1-11.

   Wanem nao iumi lanem from kliafala tokpiksa long Matthew 7:5? (Prov. 26:12; Rom. 2:1; 14:10; Jas. 4:11, 12)

Story 92

Jesus Mekem Olketa wea Dae for Laef Bak

1. Hu nao dadi bilong gele insaed piksa, and why nao hem and waef bilong hem wari fogud?

2. Wanem nao Jairus duim taem hem lukim Jesus?

3. Wanem nao happen taem Jesus gogo for haos bilong Jairus, and wanem message nao Jairus kasem?

4. Why nao pipol insaed haos bilong Jairus laflaf long Jesus?

5. Bihaen Jesus tekem thrifala aposol and dadi and mami bilong gele hia insaed rum bilong hem, wanem nao Jesus duim?

6. Hu nao olketa narawan wea Jesus mekem olketa laef bak, and diswan showim wanem samting?

Samfala extra kwestin:

1. Readim Luke 8:40-56.

   Hao nao Jesus showimaot fasin for kea and balance fasin long woman wea sik tumas for 12-fala year, and wanem nao olketa Christian elder distaem savve lanem from diswan? (Luke 8:43, 44, 47, 48; Lev. 15:25-27; Matt. 9:12, 13; Col. 3:12-14)

2. Readim Luke 7:11-17.

   Sapos samwan wea iu lovem hem dae, hao nao iu savve kasem bigfala comfort from toktok wea Jesus talem long widow from Nain? (Luke 7:13; 2 Cor. 1:3, 4; Heb. 4:15)

3. Readim John 11:17-44.

   Hao nao Jesus showimaot hem normal samting for feel sorre taem samwan iumi lovem hem dae? (John 11:33-36, 38; 2 Sam. 18:33; 19:1-4)

Story 93

Jesus Feedim Plande Pipol

1. Wanem barava nogud samting nao happen long John Baptaesa, and datwan mekem Jesus feel hao?

2. Hao nao Jesus feedim staka pipol wea followim hem, and haomas leftova kaikai nao stap?

3. Why nao olketa disaepol fraet long naet, and wanem nao happen long Peter?

4. Long mek-tu taem, hao nao Jesus feedim plande thousand pipol?

5. Why nao bae hem gud tumas taem Jesus rulim earth olsem King wea God markem?

Samfala extra kwestin:

1. Readim Matthew 14:1-32.

   1. Story long Matthew 14:23-32 hem showimaot wanem samting abaotem fasin bilong Peter?

   2. Hao nao Bible showimaot Peter hem kamap mature and lusim wei for kwiktaem tumas for duim samting? (Matt. 14:27-30; John 18:10; 21:7; Acts 2:14, 37-40; 1 Pet. 5:6, 10)

2. Readim Matthew 15:29-38.

   Hao nao Jesus showimaot respect for olketa material samting wea Dadi bilong hem provaedem? (Matt. 15:37; John 6:12; Col. 3:15)

3. Readim John 6:1-21.

   Hao nao olketa Christian distaem savve followim example bilong Jesus saed long olketa gavman bilong man? (John 6:15; Matt. 22:21; Rom. 12:2; 13:1-4)

Story 94

Hem Lovem Olketa Pikinini

1. Wanem nao olketa aposol argue abaotem taem olketa kakam bak from wanfala big gogo bilong olketa?

2. Why nao Jesus kolem kam wanfala smol pikinini and mekem hem standap midolwan olketa aposol?

3. Olketa aposol shud lane for olsem olketa pikinini long wanem wei?

4. Tu-thri month bihaen, hao nao Jesus showimaot hem lovem olketa pikinini?

Samfala extra kwestin:

1. Readim Matthew 18:1-4.

   Why nao Jesus iusim olketa tokpiksa for teach? (Matt. 13:34, 36; Mark 4:33, 34)

2. Readim Matthew 19:13-15.

   Wanem nao olketa fasin bilong olketa smol pikinini wea iumi mas followim sapos iumi laek for kasem olketa blessing from Kingdom? (Ps. 25:9; 138:6; 1 Cor. 14:20)

3. Readim Mark 9:33-37.

   Wanem nao Jesus teachim long olketa disaepol bilong hem saed long wei for laekem hae position? (Mark 9:35; Matt. 20:25, 26; Gal. 6:3; Phil. 2:5-8)

4. Readim Mark 10:13-16.

   Waswe, pipol feel free for go story long Jesus, and wanem nao olketa Christian elder savve lanem from example bilong hem? (Mark 6:30-34; Phil. 2:1-4; 1 Tim. 4:12)

Story 95

Wei wea Jesus Hem Teach

1. Wanem kwestin nao wanfala man askem long Jesus, and why nao hem duim datwan?

2. Samfala taem, wanem nao Jesus iusim taem hem teach, and wanem nao iumi lanem finis abaotem olketa Jew and Samaritan?

3. Long story bilong Jesus, wanem nao happen long wanfala Jew man wea gogo long road for Jericho?

4. Wanem nao happen taem wanfala Jew priest and wanfala Levite kam followim datfala road?

5. Long piksa, hu nao helpem datfala Jew man wea garekil?

6. Bihaen Jesus finisim story bilong hem, wanem kwestin nao hem askem, and hao nao datfala man hem ansa?

Samfala extra kwestin:

1. Readim Luke 10:25-37.

   1. Winim wei for talem nomoa ansa, hao nao Jesus helpem wanfala man wea savve gud long Law for ting raonem samting? (Luke 10:26; Matt. 16:13-16)

   2. Hao nao Jesus iusim olketa tokpiksa for helpem pipol wea lisin long hem for no garem fasin for ting daonem narawan? (Luke 10:36, 37; 18:9-14; Titus 1:9)

Story 96

Jesus Healim Olketa wea Sik

1. Wanem nao Jesus duim taem hem gogo long olketa difren ples?

2. Samting olsem thrifala year bihaen Jesus hem baptaes, wanem nao hem talem long olketa aposol bilong hem?

3. Hu nao pipol insaed long piksa, and wanem nao Jesus duim for datfala woman?

4. Wanem samting nao Jesus talem wea mekem olketa bigman feel shame bihaen olketa talemaot hao olketa no laekem samting wea Jesus duim?

5. Taem Jesus and olketa aposol bilong hem kam klosap long Jericho, wanem nao Jesus duim for tufala man wea blind?

6. Why nao Jesus duim olketa mirakol?

Samfala extra kwestin:

1. Readim Matthew 15:30, 31.

   Wanem nambawan wei for showimaot paoa bilong Jehovah nao Jesus duim, and diswan mekem iumi ting hao long olketa samting wea Jehovah promis for duim insaed niu world? (Ps. 37:29; Isa. 33:24)

2. Readim Luke 13:10-17.

   Wei wea Jesus duim samfala barava spesol mirakol long Sabbath hem showim wanem samting wea hem bae duim for olketa man taem hem rul for wan thousand year? (Luke 13:10-13; Ps. 46:9; Matt. 12:8; Col. 2:16, 17; Rev. 21:1-4)

3. Readim Matthew 20:29-34.

   Hao nao disfala story showimaot wei wea Jesus hem evritaem garem taem for helpem pipol, and wanem nao iumi lanem from diswan? (Deut. 15:7; Jas. 2:15, 16; 1 John 3:17)

Story 97

Jesus Kam Olsem King

1. Taem Jesus kam long wanfala smol vilij klosap long Jerusalem, wanem nao hem talem olketa disaepol bilong hem for duim?

2. Long piksa, wanem nao happen taem Jesus klosap kasem Jerusalem?

3. Wanem nao olketa pikinini duim taem olketa lukim Jesus healim pipol wea blind and cripple?

4. Wanem nao Jesus talem long olketa priest wea kros?

5. Hao nao iumi savve olsem olketa pikinini wea praisem Jesus?

6. Olketa disaepol laek for savve long wanem samting?

Samfala extra kwestin:

1. Readim Matthew 21:1-17.

   1. Hao nao wei wea Jesus go insaed Jerusalem olsem King hem difren from samting wea olketa bigman bilong army bilong Rome duim taem olketa win? (Matt. 21:4, 5; Zech. 9:9; Phil. 2:5-8; Col. 2:15)

   2. Wanem leson nao olketa young wan savve lanem from olketa Israelite boy wea talem toktok bilong Psalm 118 taem Jesus go insaed long temple? (Matt. 21:9, 15; Ps. 118:25, 26; 2 Tim. 3:15; 2 Pet. 3:18)

2. Readim John 12:12-16.

   Wei wea pipol iusim branch bilong palm tree for praisem Jesus hem piksarem wanem? (John 12:13; Phil. 2:10; Rev. 7:9, 10)

Story 98

Long Mauten Bilong Olives

1. Long piksa, hu long olketa man hia nao Jesus, and hu nao olketa narawan?

2. Wanem nao olketa priest trae for duim long Jesus insaed temple, and wanem nao hem talem long olketa?

3. Wanem nao olketa aposol askem long Jesus?

4. Why nao Jesus talem olketa aposol bilong hem samfala samting wea bae happen long earth taem hem rul olsem King long heven?

5. Wanem nao Jesus sei bae happen bifor hem finisim evri nogud fasin long earth?

Samfala extra kwestin:

1. Readim Matthew 23:1-39.

   1. Nomata Bible showimaot maet hem fitim for pipol long world garem title, wanem nao toktok bilong Jesus long Matthew 23:8-11 showimaot saed long wei for iusim olketa title for apim man insaed Christian kongregeson? (Acts 26:25; Rom. 13:7; 1 Pet. 2:13, 14)

   2. Wanem nao olketa Pharisee duim for trae stopem pipol for kamap olketa Christian, and hao nao olketa bigman bilong religion distaem duim sem samting? (Matt. 23:13; Luke 11:52; John 9:22; 12:42; 1 Thess. 2:16)

2. Readim Matthew 24:1-14.

   1. Hao nao Matthew 24:13 strongim hao hem barava important for gohed strong and no givap?

   2. Wanem nao mining bilong disfala word “end” long Matthew 24:13? (Matt. 16:27; Rom. 14:10-12; 2 Cor. 5:10)

3. Readim Mark 13:3-10.

   Wanem toktok long Mark 13:10 nao showimaot hao hem important tumas for preachim gud nius, and hao nao toktok bilong Jesus shud affectim iumi? (Rom. 13:11, 12; 1 Cor. 7:29-31; 2 Tim. 4:2)

Story 99

Long Wanfala Rum Antap

1. Long piksa, why nao Jesus and 12-fala aposol bilong hem insaed wanfala big rum?

2. Hu nao man wea go aot, and wanem nao bae hem duim?

3. Bihaen long Passover kaikai, wanem spesol kaikai nao Jesus startim?

4. Passover hem remindim olketa Israelite long wanem samting, and disfala spesol kaikai hem remindim olketa follower bilong Jesus long wanem?

5. Bihaen long Evening Kaikai Bilong Lord, wanem nao Jesus talem long olketa follower bilong hem, and wanem nao olketa duim?

Samfala extra kwestin:

1. Readim Matthew 26:14-30.

   1. Hao nao Matthew 26:15 showimaot wei wea Judas min for givim Jesus go long olketa enemy?

   2. Blood wea Jesus pourimaot hem duim wanem tufala samting? (Matt. 26:27, 28; Jer. 31:31-33; Eph. 1:7; Heb. 9:19, 20)

2. Readim Luke 22:1-39.

   Long wanem wei nao Satan go insaed long Judas? (Luke 22:3; John 13:2; Acts 1:24, 25)

3. Readim John 13:1-20.

   1. From samting wea John 13:2 hem talem, waswe, Judas savve kasem blame for samting hem duim, and wanem leson nao olketa servant bilong God savve lanem from diswan? (Gen. 4:7; 2 Cor. 2:11; Gal. 6:1; Jas. 1:13, 14)

   2. Wanem barava important leson nao Jesus givim? (John 13:15; Matt. 23:11; 1 Pet. 2:21)

4. Readim John 17:1-26.

   Wanem nao Jesus minim taem hem prea for olketa follower bilong hem for “kamap wan”? (John 17:11, 21-23; Rom. 13:8; 14:19; Col. 3:14)

Story 100

Jesus Long Garden

1. Bihaen Jesus and olketa aposol bilong hem lusim rum long datfala haos, olketa go long wea, and wanem nao hem talem olketa for duim?

2. Taem Jesus kam bak long ples wea olketa aposol bilong hem stap, wanem nao hem lukim, and haomas taem nao diswan happen?

3. Hu nao kam insaed datfala garden, and wanem nao Judas Iscariot duim olsem piksa hem showim?

4. Why nao Judas kissim Jesus, and wanem nao Peter duim?

5. Wanem nao Jesus talem long Peter, bat why nao Jesus no askem God for sendem eni angel?

Samfala extra kwestin:

1. Readim Matthew 26:36-56.

   1. Hao nao wei wea Jesus givim kaonsel long olketa disaepol bilong hem showimaot gudfala example for olketa Christian elder distaem? (Matt. 20:25-28; 26:40, 41; Gal. 5:17; Eph. 4:29, 31, 32)

   2. Wanem nao tingting bilong Jesus abaotem wei for iusim samting for faet againstim nara man? (Matt. 26:52; Luke 6:27, 28; John 18:36)

2. Readim Luke 22:39-53.

   Taem wanfala angel kam long Jesus long garden bilong Gethsemane for strongim hem, waswe, diswan showimaot hao faith bilong Jesus hem start for wikdaon? Explainim diswan. (Luke 22:41-43; Isa. 49:8; Matt. 4:10, 11; Heb. 5:7)

3. Readim John 18:1-12.

   Long wanem wei nao Jesus protectim olketa disaepol bilong hem from pipol wea againstim hem, and wanem nao iumi savve lanem from disfala example? (John 10:11, 12; 18:1, 6-9; Heb. 13:6; Jas. 2:25)

Story 101

Olketa Killim Dae Jesus

1. Hu nao main wan wea kasem blame for wei wea Jesus dae?

2. Wanem nao olketa aposol duim taem olketa bigman bilong religion tekem Jesus?

3. Wanem nao happen long haos bilong datfala hae priest, Caiaphas?

4. Why nao Peter hem go aot and krae?

5. Bihaen olketa tekem Jesus go bak long Pilate, olketa chief priest singaotem wanem toktok?

6. Wanem nao happen long Jesus long start bilong Friday aftanun, and wanem promis nao hem talem long wanfala wicked man wea olketa nilam long wanfala post saed long hem?

7. Paradaes wea Jesus story abaotem bae kamap long wea?

Samfala extra kwestin:

1. Readim Matthew 26:57-75.

   Hao nao olketa member bilong Jew hae kot showimaot heart bilong olketa wicked? (Matt. 26:59, 67, 68)

2. Readim Matthew 27:1-50.

   Why nao iumi savve sei wei wea Judas feel sorre hem laea wan nomoa? (Matt. 27:3, 4; Mark 3:29; 14:21; 2 Cor. 7:10, 11)

3. Readim Luke 22:54-71.

   Wanem leson nao iumi savve lanem from wei wea Peter denyim Jesus long naet wea olketa arrestim hem? (Luke 22:60-62; Matt. 26:31-35; 1 Cor. 10:12)

4. Readim Luke 23:1-49.

   Wanem nao Jesus duim taem pipol no deal witim hem long wei wea followim justice, and wanem nao iumi savve lanem from diswan? (Luke 23:33, 34; Rom. 12:17-19; 1 Pet. 2:23)

5. Readim John 18:12-40.

   Wanem nao iumi lanem from wei wea Peter hem fraet long man for lelebet taem, bat bihaen hem kamap wanfala nambawan aposol? (John 18:25-27; 1 Cor. 4:2; 1 Pet. 3:14, 15; 5:8, 9)

6. Readim John 19:1-30.

   1. Jesus hem garem wanem balance tingting saed long olketa material samting? (John 2:1, 2, 9, 10; 19:23, 24; Matt. 6:31, 32; 8:20)

   2. Hao nao lastfala toktok bilong Jesus bifor hem dae showimaot hem win for sapotim sovereign rul bilong Jehovah? (John 16:33; 19:30; 2 Pet. 3:14; 1 John 5:4)

Story 102

Jesus Hem Laef

1. Hu nao woman long piksa, hu nao tufala man, and diswan hem long wea?

2. Why nao Pilate talem olketa priest for sendem olketa soldia for security long grev bilong Jesus?

3. Wanem nao wanfala angel duim long mek-thri day bihaen Jesus hem dae, bat wanem nao olketa priest duim?

4. Why nao samfala woman sapraes taem olketa visitim grev bilong Jesus?

5. Why nao Peter and John ran go long grev bilong Jesus, and wanem nao tufala lukim?

6. Wanem nao happen long body bilong Jesus, bat wanem nao hem duim for showim olketa disaepol hao hem laef moa?

Samfala extra kwestin:

1. Readim Matthew 27:62-66 and 28:1-15.

   Taem Jesus hem resurrect, hao nao olketa chief priest, Pharisee, and older man sin againstim holy spirit? (Matt. 12:24, 31, 32; 28:11-15)

2. Readim Luke 24:1-12.

   Hao nao story bilong Jesus abaotem resurrection showimaot hao Jehovah hem ting long olketa woman olsem olketa witness wea hem trustim? (Luke 24:4, 9, 10; Matt. 28:1-7)

3. Readim John 20:1-12.

   Hao nao John 20:8, 9 helpem iumi for luksavve iumi mas patient sapos iumi no minim evribit wei wea wanfala Bible profesi hem fulfill? (Prov. 4:18; Matt. 17:22, 23; Luke 24:5-8; John 16:12)

Story 103

Insaed Long Rum wea Lok

1. Wanem nao Mary talem long wanfala man wea hem tingse hem lukaftarem garden, bat wanem nao mekem hem luksavve datfala man hem Jesus?

2. Wanem nao happen long tufala disaepol wea wakabaot go long vilij bilong Emmaus?

3. Wanem spesol samting nao happen taem tufala disaepol talem olketa aposol hao olketa lukim Jesus?

4. Haomas taem nao Jesus showim hemseleva long olketa follower bilong hem?

5. Wanem nao Thomas talem taem hem herem hao olketa disaepol lukim Lord, bat wanem nao happen eitfala day bihaen?

Samfala extra kwestin:

1. Readim John 20:11-29.

   Waswe, samting Jesus talem long John 20:23 showimaot olketa man garem paoa for forgivim sin? Explainim diswan. (Ps. 49:2, 7; Isa. 55:7; 1 Tim. 2:5, 6; 1 John 2:1, 2)

2. Readim Luke 24:13-43.

   Hao nao iumi savve redyim heart bilong iumi for acceptim olketa truth bilong Bible? (Luke 24:32, 33; Ezra 7:10; Matt. 5:3; Acts 16:14; Heb. 5:11-14)

Story 104

Jesus Go Bak Long Heven

1. Wantaem, haomas disaepol nao lukim Jesus, and hem storyim wanem samting long olketa?

2. Wanem nao Kingdom Bilong God, and taem Jesus rul olsem King for wan thousand year, laef bae waswe?

3. Haomas day nao Jesus hem showim hemseleva long olketa disaepol bilong hem, bat hem redi for duim wanem samting?

4. Bifor Jesus lusim olketa disaepol bilong hem, wanem nao hem talem olketa for duim?

5. Wanem nao iumi lukim long piksa, and hao nao gogo olketa no lukim Jesus moa?

Samfala extra kwestin:

1. Readim 1 Corinthians 15:3-8.

   Why nao toktok bilong aposol Paul showimaot hem barava sure long resurrection bilong Jesus, and olketa Christian savve storyim olketa wanem samting long sem wei distaem? (1 Cor. 15:4, 7, 8; Isa. 2:2, 3; Matt. 24:14; 2 Tim. 3:1-5)

2. Readim Acts 1:1-11.

   Olsem samting wea Acts 1:8 hem talem, preaching waka hem spred go kasem wea? (Acts 6:7; 9:31; 11:19-21; Col. 1:23)

Story 105

Weit Long Jerusalem

1. Olsem piksa hem showim, wanem nao happen long olketa follower bilong Jesus wea weit long Jerusalem?

2. Pipol wea visitim Jerusalem sapraes long wanem samting?

3. Peter hem explainim wanem samting long olketa pipol?

4. Hao nao pipol feel bihaen olketa lisin long Peter, and hem talem olketa for duim wanem?

5. Haomas pipol nao baptaes long day bilong Pentecost, 33 C.E.?

Samfala extra kwestin:

1. Readim Acts 2:1-47.

   1. Hao nao toktok bilong Peter wea stap long Acts 2:23, 36 showimaot hao full nation bilong olketa Jew guilty for killim dae Jesus? (1 Thess. 2:14, 15)

   2. Hao nao Peter showimaot gudfala example saed long wei for story gud from olketa scripture? (Acts 2:16, 17, 29, 31, 36, 39; Col. 4:6)

   3. Hao nao Peter iusim first wan long “olketa key bilong kingdom bilong heven,” wea Jesus promis for givim long hem? (Acts 2:14, 22-24, 37, 38; Matt. 16:19)

Story 106

Kamap Free From Prison

1. Wanem nao happen long Peter and John taem tufala go long temple long wanfala aftanun?

2. Wanem nao Peter talem long wanfala man wea cripple, and wanem nao Peter givim long hem wea winim selen?

3. Why nao olketa bigman bilong religion kros, and wanem nao olketa duim long Peter and John?

4. Wanem nao Peter talem long olketa bigman bilong religion, and wanem warning nao olketa hia talem long olketa aposol?

5. Why nao olketa bigman bilong religion jealous, bat wanem nao happen taem olketa aposol insaed prison for mek-tu taem?

6. Wanem nao olketa aposol talem taem pipol tekem olketa go insaed long Sanhedrin hall?

Samfala extra kwestin:

1. Readim Acts 3:1-10.

   Nomata iumi no garem paoa for duim olketa mirakol distaem, hao nao toktok bilong Peter wea stap long Acts 3:6 helpem iumi for tinghae long message bilong Kingdom? (John 17:3; 2 Cor. 5:18-20; Phil. 3:8)

2. Readim Acts 4:1-31.

   Taem pipol againstim iumi long ministry, hao nao iumi shud followim example wea olketa Christian brata bilong iumi long first century showimaot? (Acts 4:29, 31; Eph. 6:18-20; 1 Thess. 2:2)

3. Readim Acts 5:17-42.

   Hao nao samfala wea no Witness, long bifor and distaem tu, showimaot balance tingting abaotem preaching waka? (Acts 5:34-39)

Story 107

Olketa Sutim Stephen Witim Ston

1. Hu nao Stephen, and God helpem hem for duim wanem?

2. Wanem nao Stephen talem wea mekem olketa bigman bilong religion barava kros?

3. Taem olketa man tekem Stephen go aotsaed long datfala taon, wanem nao olketa duim long hem?

4. Long piksa, hu nao young man wea standap saed long olketa coat?

5. Bifor Stephen hem dae, wanem nao hem talem long Jehovah taem hem prea?

6. Olsem Stephen, wanem nao iumi shud duim taem samwan duim nogud samting long iumi?

Samfala extra kwestin:

1. Readim Acts 6:8-15.

   Wanem giaman samting nao olketa bigman bilong religion duim for trae stopem preaching waka bilong Olketa Jehovah’s Witness? (Acts 6:9, 11, 13)

2. Readim Acts 7:1-60.

   1. Wanem nao helpem Stephen win for defendim gud nius front long Sanhedrin, and wanem nao iumi savve lanem from example bilong hem? (Acts 7:51-53; Rom. 15:4; 2 Tim. 3:14-17; 1 Pet. 3:15)

   2. Hao nao iumi shud ting long olketa wea againstim waka bilong iumi? (Acts 7:58-60; Matt. 5:44; Luke 23:33, 34)

Story 108

Long Road for Damascus

1. Wanem nao Saul duim bihaen olketa killim dae Stephen?

2. Taem Saul gogo for Damascus, wanem sapraesing samting nao happen?

3. Jesus talem Saul for duim wanem?

4. Olketa wanem instruction nao Jesus talem long Ananias, and hao nao Saul savve lukluk moa?

5. Gogo, wanem nem nao Saul hem garem, and Jesus iusim hem for duim wanem?

Samfala extra kwestin:

1. Readim Acts 8:1-4.

   Hao nao persecution wea kasem niu Christian kongregeson hem mekem Christian biliv spred go long olketa nara ples, and wanem semkaen samting nao happen distaem? (Acts 8:4; Isa. 54:17)

2. Readim Acts 9:1-20.

   Jesus showimaot hem laekem Saul for duim wanem waka wea garem thrifala part? (Acts 9:15; 13:5; 26:1; 27:24; Rom. 11:13)

3. Readim Acts 22:6-16.

   Hao nao iumi savve olsem Ananias, and why nao datwan hem important? (Acts 22:12; 1 Tim. 3:7; 1 Pet. 1:14-16; 2:12)

4. Readim Acts 26:8-20.

   Hao nao wei wea Saul change for kamap wanfala Christian savve encouragem olketa wea partner bilong olketa garem difren religion? (Acts 26:11; 1 Tim. 1:14-16; 2 Tim. 4:2; 1 Pet. 3:1-3)

Story 109

Peter Visitim Cornelius

1. Hu nao man wea baodaon insaed long piksa?

2. Wanem nao wanfala angel talem long Cornelius?

3. God mekem Peter for lukim wanem taem hem stap long ruf bilong haos bilong Simon long Joppa?

4. Why nao Peter talem Cornelius hao hem shud no baodaon and worshipim hem?

5. Why nao olketa Jew disaepol wea stap witim Peter sapraes fogud?

6. Wanem important leson nao iumi shud lanem from wei wea Peter visitim Cornelius?

Samfala extra kwestin:

1. Readim Acts 10:1-48.

   Toktok bilong Peter wea stap long Acts 10:42 hem showimaot wanem samting abaotem waka for preachim gud nius bilong Kingdom? (Matt. 28:19; Mark 13:10; Acts 1:8)

2. Readim Acts 11:1-18.

   Wanem tingting nao Peter garem taem direction bilong Jehovah saed long olketa Gentile hem showaot klia, and hao nao iumi savve followim example bilong hem? (Acts 11:17, 18; 2 Cor. 10:5; Eph. 5:17)

Story 110

Timothy—Niu Helper Bilong Paul

1. Hu nao young man long piksa, wea nao hom bilong hem, and hu nao nem bilong mami and granmami bilong hem?

2. Wanem nao Timothy talem taem Paul askem hem sapos hem laek for go witim hem and Silas for preach long olketa pipol wea stap long farawe ples?

3. Long wea nao olketa follower bilong Christ kasem nem, olketa Christian?

4. Bihaen Paul, Silas, and Timothy lusim Lystra, wanem nao samfala taon wea olketa visitim?

5. Hao nao Timothy helpem Paul, and wanem kwestin nao olketa young wan shud askem olketa seleva distaem?

Samfala extra kwestin:

1. Readim Acts 9:19-30.

   Hao nao aposol Paul iusim gudfala tingting taem pipol againstim hem from hem preach abaotem gud nius? (Acts 9:22-25, 29, 30; Matt. 10:16)

2. Readim Acts 11:19-26.

   Hao nao story long Acts 11:19-21, 26 showimaot spirit bilong Jehovah hem leadim and directim disfala waka for preach?

3. Readim Acts 13:13-16, 42-52.

   Hao nao Acts 13:51, 52 showimaot olketa disaepol no letem wei wea pipol againstim olketa for mekem olketa wikdaon? (Matt. 10:14; Acts 18:6; 1 Pet. 4:14)

4. Readim Acts 14:1-6, 19-28.

   Hao nao disfala toktok “olketa givim olketa go long Jehovah” helpem iumi for no wari tumas taem iumi helpem olketa niu wan? (Acts 14:21-23; 20:32; John 6:44)

5. Readim Acts 16:1-5.

   Hao nao wei wea Timothy willing for circumcise showim hao hem important tumas for duim “evri samting for saed bilong gud nius”? (Acts 16:3; 1 Cor. 9:23; 1 Thess. 2:8)

6. Readim Acts 18:1-11, 18-22.

   Wanem nao Acts 18:9, 10 showimaot saed long wei wea Jesus seleva hem leadim preaching waka, and datwan mekem iumi sure long wanem samting distaem? (Matt. 28:20)

Story 111

Wanfala Boy wea Sleep

1. Long piksa, hu nao datfala boy wea leidaon long graon, and wanem nao happen long hem?

2. Wanem nao Paul duim taem hem lukim hao datfala boy hem dae finis?

3. Paul, Timothy, and olketa wea go witim tufala, olketa go wea, and wanem nao happen taem olketa stop long Miletus?

4. Wanem warning nao profet Agabus talem long Paul, and hao nao samting wea profet hia talem barava kamap tru?

Samfala extra kwestin:

1. Readim Acts 20:7-38.

   1. Olsem Paul talem long Acts 20:26, 27, hao nao iumi savve stap “klin from blood bilong evri man”? (Ezek. 33:8; Acts 18:6, 7)

   2. Why nao olketa elder shud “hol strong long datfala toktok wea faithful” taem olketa teach? (Acts 20:17, 29, 30; Titus 1:7-9; 2 Tim. 1:13)

2. Readim Acts 26:24-32.

   Hao nao Paul iusim wei wea hem wanfala citizen bilong Rome for fulfillim assignment wea hem kasem from Jesus for preach? (Acts 9:15; 16:37, 38; 25:11, 12; 26:32; Luke 21:12, 13)

Story 112

Shiprek Long Wanfala Island

1. Wanem nao happen long boat wea Paul insaed taem olketa go klosap long datfala island Crete?

2. Wanem nao Paul talem long olketa pipol insaed datfala boat?

3. Wanem nao mekem datfala boat hem pisis?

4. Wanem instruction nao bigman bilong army hem talem, and haomas pipol nao kasem sandbis?

5. Wanem nao nem bilong datfala island wea ship bilong olketa hem rek long hem, and wanem nao happen long Paul taem weather kamap gud moa?

Samfala extra kwestin:

1. Readim Acts 27:1-44.

   Hao nao wei wea iumi trustim samting wea Bible talem hem kamap moa strong taem iumi readim story abaotem gogo bilong Paul for Rome? (Acts 27:16-19, 27-32; Luke 1:3; 2 Tim. 3:16, 17)

2. Readim Acts 28:1-14.

   Sapos pipol bilong Malta wea no biliv “barava kaen tumas” long Paul and olketa insaed long ship wea rek, olketa Christian shud showimaot wanem, and wanem nao main wei wea olketa shud duim datwan? (Acts 28:1, 2; Heb. 13:1, 2; 1 Pet. 4:9)

Story 113

Paul Long Rome

1. Paul hem preach long hu taem hem wanfala prisoner long Rome?

2. Long piksa, hu nao visitor long tebol, and wanem nao hem duim for Paul?

3. Hu nao Epaphroditus, and taem hem go bak long Philippi wanem nao hem tekem witim hem?

4. Why nao Paul raetem wanfala leta long Philemon, gudfala fren bilong hem?

5. Wanem nao Paul duim taem hem kamap free, and wanem nao happen long hem bihaen?

6. Hu nao Jehovah iusim for raetem olketa lastfala buk bilong Bible, and buk bilong Revelation hem storyim wanem?

Samfala extra kwestin:

1. Readim Acts 28:16-31 and Philippians 1:13.

   Wanem nao Paul duim taem hem stap long prison long Rome, and strongfala faith bilong hem affectim Christian kongregeson long wanem wei? (Acts 28:23, 30; Phil. 1:14)

2. Readim Philippians 2:19-30.

   Wanem nao Paul talem long Timothy and Epaphroditus wea showimaot hem tinghae long tufala, and hao nao iumi savve followim example bilong Paul? (Phil. 2:20, 22, 25, 29, 30; 1 Cor. 16:18; 1 Thess. 5:12, 13)

3. Readim Philemon 1-25.

   1. Wanem principle nao Paul encouragem Philemon for followim mekem hem duim stretfala samting, and hao nao diswan hem gudfala example for olketa elder distaem? (Philem. 9; 2 Cor. 8:8; Gal. 5:13)

   2. Hao nao toktok bilong Paul long Philemon 13, 14 showimaot hem respectim conscience bilong olketa narawan insaed long kongregeson? (1 Cor. 8:7, 13; 10:31-33)

4. Readim 2 Timothy 4:7-9.

   Olsem aposol Paul, hao nao iumi savve sure Jehovah bae givim iumi reward sapos iumi faithful go kasem end? (Matt. 24:13; Heb. 6:10)

Story 114

End Bilong Evri Nogud Samting

1. Why nao Bible story abaotem olketa horse long heven?

2. Wanem nao nem bilong war wea God bae faet witim nogud pipol long earth, and why nao disfala war bae kamap?

3. Long piksa, hu nao Datwan wea bae leadim faet, why nao hem werem wanfala crown, and wanem nao sword bilong hem minim?

4. Taem iumi luk go bak long Story 10, 15, and 33, why nao iumi shud no sapraes long wei wea God bae distroem wicked pipol?

5. Hao nao Story 36 and 76 showim long iumi hao God bae distroem nogud pipol nomata sapos olketa sei olketa worshipim hem?

Samfala extra kwestin:

1. Readim Revelation 19:11-16.

   1. Hao nao Bible showimaot klia Jesus Christ nao datwan wea raedem datfala white horse? (Rev. 1:5; 3:14; 19:11; Isa. 11:4)

   2. Hao nao kaleko bilong Jesus wea garem blood showimaot klia hao hem bae win evribit? (Rev. 14:18-20; 19:13; Isa. 63:1-6)

   3. Luk olsem hu nao olketa wea insaed long army wea followim Jesus taem hem raedem datfala white horse? (Rev. 12:7; 19:14; Matt. 25:31, 32)

Story 115

Niufala Paradaes Long Earth

1. Bible showim hao iumi bae garem wanem kaen living insaed Paradaes wea bae kamap long earth?

2. Wanem nao promis long Bible for olketa wea stap long Paradaes?

3. Wanem taem nao Jesus bae mek sure disfala nambawan samting hem happen?

4. Taem Jesus hem long earth, wanem nao hem duim for showim samting wea hem bae duim taem hem King long Kingdom Bilong God?

5. Jesus and olketa wea bae rul witim hem long heven bae mek sure long wanem samting taem olketa rul ovarem earth?

Samfala extra kwestin:

1. Readim Revelation 5:9, 10.

   Why nao iumi sure olketa wea rul ovarem earth long datfala Thousand Year Rul bae olketa king and priest wea kaen and showimaot mercy? (Eph. 4:20-24; 1 Pet. 1:7; 3:8; 5:6-10)

2. Readim Revelation 14:1-3.

   Wei wea olketa raetem nem bilong Father and nem bilong Lamb long forhed bilong 144,000 showimaot wanem? (1 Cor. 3:23; 2 Tim. 2:19; Rev. 3:12)

Story 116

Hao Iumi Savve Laef Olowe

1. For iumi laef olowe, wanem nao iumi need for savve long hem?

2. Hao nao iumi savve lane abaotem Jehovah God and Jesus, olsem smol gele long piksa and olketa fren bilong hem duim?

3. Wanem nara buk nao iu lukim insaed long piksa, and why nao iumi shud readim datwan evritaem?

4. Witim wei for lane abaotem Jehovah and Jesus, wanem moa iumi needim for kasem laef olowe?

5. Wanem leson nao iumi lanem from Story 69?

6. Long Story 55, gud example bilong Samuel taem hem smol boy showim wanem samting?

7. Hao nao iumi savve followim example bilong Jesus Christ, and sapos iumi duim olsem, bae iumi fit for duim wanem long future?

Samfala extra kwestin:

1. Readim John 17:3.

   Hao nao Bible showimaot wei for kasem savve abaotem Jehovah God and Jesus Christ hem minim moa samting winim wei for rememberim samfala samting abaotem tufala nomoa? (Matt. 7:21; Jas. 2:18-20; 1 John 2:17)

2. Readim Psalm 145:1-21.

   1. Wanem nao samfala long olketa reason wea iumi garem for praisem Jehovah? (Ps. 145:8-11; Rev. 4:11)

   2. Long wanem wei nao Jehovah “hem showimaot gudfala fasin long evriwan,” and hao nao diswan shud mekem iumi fren gud go moa witim hem? (Ps. 145:9; Matt. 5:43-45)

   3. Sapos iumi lovem Jehovah, wanem nao bae iumi duim? (Ps. 119:171, 172, 175; 145:11, 12, 21)