Blessing for Olketa wea Helpem Man wea Needim Help

Staka pipol lo world needim kaikai and ples for stap. Samfala needim hope for future. Hao nao help wea iumi givim for olketa savve mekem God hapi and blessim iumi?

WANEM OLKETA HOLY RAETING TALEM

“Taem yu kaen long puaman, [Jehovah] hemi garem kaon long yu. Hem nao bae sensimbaek gudfala long yu.”—PROVEBS 19:17.

WANEM HEM MINIM FOR HELPEM MAN WEA NEEDIM HELP

Jesus storyim wanfala man wea olketa man for steal attakim and leavim hem for dae. (Luke 10:29-37) Wanfala stranger kam pas and helpem datfala man wea garekil nogud. Hem duim diswan nomata hem kam from difren ples.

Disfala man wea kaen givim first aid lo man wea garekil and sapotim hem saed lo selen, and tu, hem comfortim and helpem hem for kamap gud moa.

Wanem nao iumi lanem from disfala story? Jesus helpem iumi for luksavve iumi shud duim wanem iumi fit for duim for olketa wea needim help. (Provebs 14:31) Olketa Holy Raeting sei klosap nao God bae finisim wei for poor and safa. Bat maet iumi laek savve, hao nao bae God duim datwan and lo wanem taem? Next article bae storyim olketa blessing wea bae iu kasem from Creator wea lovem iu.