Taem Iu Study, Garem Open Mind

Taem iumi redi for study, hem gud for askem iumiseleva, ‘Wat nao mi expectim for lanem?’ Nomata olsem, hem gud for careful for no letem wat iumi expectim for blokem tingting blo iumi for lukim wat Jehovah laek for teachim lo iumi. Hao nao iumi savve garem open mind taem iumi study?

Prea for wisdom. Askem Jehovah for helpem iu for luksavve lo wat hem laekem iu for lanem distaem. (Jas. 1:5) Avoidim wei for satisfae witim wat iu savve finis.—Prov. 3:​5, 6.

Tinghae lo paoa wea Bible garem. “Toktok bilong God hem laef.” (Heb. 4:12) Each taem iumi readim Bible, “toktok” blo God wea laef hem savve affectim iumi lo olketa difren wei. Bat only wei for datwan happen, hem if iumi garem open mind for lanem samting taem iumi read.

Appreciatim evriting lo tebol blo Jehovah. Spiritual kaikai wea hem provaedem hem olsem “feast blo olketa naesfala kaikai.” (Isa. 25:6) Avoidim wei for ignorem samfala “naesfala kaikai” wea maet iu tingse bae iu no enjoyim. Taem iu teistim evri difren spiritual kaikai wea God provaedem bae iu no just kasem gud samting bat bae iu barava enjoyim!