Iusim “Spiritual Present” blo Iu

Wei wea iumi olketa brata and sista spendem taem and encouragem each other, hem samting wea iumi barava enjoyim. Bat for barava encouragem each other, iumi need for duim moa samting winim wei for just stap tugeta nomoa. Bible sei ability blo iumi for strongim faith blo each other hem wanfala “spiritual present.” (Rom. 1:​11, 12) Hao nao iu savve barava iusim gud datfala present?

Chusim olketa naes toktok for talem wea olsem present. For example, lo olketa meeting, iumi laek for givim koment wea focus lo Jehovah, Word blo hem, and pipol blo hem, and no iumiseleva. Taem iumi story witim olketa brata and sista, iumi savve chus for story abaotem olketa topic wea encouragem each other.

Iumi laekem olketa disison and wat iumi duim for encouragem olketa narawan. For example, samfala chus for gohed duim full-taem service nomata olketa feisim samfala personal challenge. Samfala savve attendim olketa midweek meeting evritaem nomata olketa waka full day or garem olketa problem saed lo health.

Hao, story blo iu savve strongim faith and encouragem olketa brata and sista? And hao, iu kwiktaem luksavve and acceptim olketa spiritual present wea olketa narawan givim?