6-12 DE MAYO
SALMOS 36,37
Suun 87 ko thenchaun | Keʼe tsanginá (1 minuto)
1. Duñauʼan ixi thi ncheʼe ni jiaʼan
(10 minuto)
Thi ni ncheʼe thi jiaʼan ncheʼena ke jaʼana kai dathuná thi tángi (Sl 36:1-4; w17.04-S 10 párr. 4).
Si singakuʼená ni “ncheʼe thi jiaʼan” jiʼi juʼo tsiauana thi tángi (Sl 37:1, 7, 8; w22.06-S 10 párr. 10).
Chunthianá ngai thi ndachro Jehová jiʼi ncheʼe ke chrjuin tunuana (Sl 37:10, 11; w03-S 1/12 13 párr. 20).
DEGANCHANGI: “A nchexruxina thian thi datho ngai noticia de thi jiaʼan ke ncheʼe chujni”.
2. Tsjeená thi icha renthe
(10 minuto)
Sl 36:6: Keʼe juinao rundachro xi kji̱n xrun Salmo are ndachro ke thi jie̱ ke ncheʼe Jehová xraa “inchi jna anto ndua” (it-2-S 424 párr. 3).
Keʼe naa thi renthe beginchii ngai thi benchelee ngaa semana jiʼi.
3. Thi suanleído
(4 minuto) Sl 37:1-26 (th-S lección 10).
4. Dekexiʼin denichjeʼena
(3 minuto) DE NCHIA KO NCHIA. (lmd lección 1 punto 5).
5. Kjan degitsjeʼena
(4 minuto) DAJUNÁ JUAJNA JIAN THI RIDUNTHENA. Dendachena a rinauna sekangikuʼuna de Biblia maski are bee saʼo juinauʼana (lmd lección 9 punto 4).
6. Discurso
(5 minuto) ijwbv 45. Diʼin: Keʼe ruchro Salmo 37:4 (th-S lección 13).
Suun 33
7. A udenuʼan keʼe sencheʼe are tsii “nchaʼun icha tángi”
(15 minuto). Nthiʼi nchao segatheʼe.
Ni chuuná ko ni chuana ke te nguixin ngataʼa Nunthe anto tsje desastre natural dathuna ko tsje thi tángi ixi thi ncheʼe chujni (Sl 9:9, 10). Thi ndua yaa, ke “nchaʼun icha tángi” yaa tsikjiun, mexinxin rugunda ke kainá suaná preparado para ke nchao sathujiná jiʼi.
Si utechundaná thi sundaaná,a keʼe inaa rugunda sunthuʼuna saʼo de tsuʼen naa desastre natural.
Ruxraxauná jian keʼe thi sunthuʼuna: Degithikaun ke jaan nchao tsuʼen naa desastre, ko degariʼi dexraxaun keʼe nchao sencheʼe are jiʼi tsuʼen. Dantuʼa dencherenthe kain cosa ke rechunda. Jiʼi sekengijna sekincheʼe keʼe thi icha jian sencheʼe, para ke sencherenthe icha vidaantha ko jeʼa kain thi rechunda (Gé 19:16; Sl 36:9). Kai jiʼi tsengijnantha are sathuntha naa thi tángi para ke dantuʼa tsantha juachjaun de kain thi tajuinchetjaantha (Sl 37:19).
Sunthena suji en sentido espiritual: Dechunthia ke Jehová nchao rutsjeʼe ko segayakuʼan (Sl 37:18). Saʼo de tsexiʼin naa desastre dexraxaun ke Jehová sayakuana ko kain ni nchexree maski tasunthutjaana kain aro vidaana naʼi (Jer 45:5; Sl 37:23, 24).
Are xraxauná ngai kain thi ndachro Jehová, jiʼi nthasujiná are “tsii nchaʼun icha tángi” (Sl 37:39).
Degakee VIDEO A unuʼan keʼe sincheʼe are sikuenkjio naa thi tángi. Kuthejan deganchangi:
Kexrein thengijnaná Jehová are tuenkjio naa desastre.
Keʼe nchao sunthuʼuna para ke usuaná preparado.
Kexrein nchao tsengijnaná naa ni ubatho naa desastre natural.
8. Are ngui congregación tangi de Biblia
(30 minuto) bt-S cap. 9 párrs. 8-16.