-
Keʼe mee thi Nchixiʼin Dio¡Dechaʼa anxun ko nchaʼun nandaʼa tsii! Sekinxin tsje thi tjago Biblia
-
-
LECCIÓN 31
Keʼe mee thi Nchixiʼin Dio
Nchixiʼin Dio chunda ke sikun ngai thi icha dajin Biblia. Kunixin Nchixin jiʼi, Jehová sinchexethja thi juinao para Nunthe jiʼi desde are juinchechjian Nunthe. Keʼe mee thi Nchixiʼin Dio. Kexrein nuanxina ke ujithetuʼan. Keʼe ujuincheʼe ko keʼe thi nandaʼa sincheʼe. Kain thi xranchangi teʼi satheʼená ngai lección jiʼi ko ngai thi i yuo lección nandaʼa tsii.
1. Keʼe mee thi Nchixiʼin Dio, ko kensen Xi nchixin
Nchixiʼin Dio yaa naa nchixin ke Jehová bakeʼe. Xi nchixin yaa Jesucristo ko desde ngajni jithetuʼan (Mateo 4:17; Juan 18:36). Are jinichja de Jesús, Biblia ndachro: “Jeʼe tsetuʼan [...] kainxin nchaʼun” (Lucas 1:32, 33). Ixi jeʼe Xi nchixin de Nchixiʼin Dio, tsetuʼan ngai kainxin chujni ke sinthe ngataʼa Nunthe.
2. Kexeʼe ni tsetuʼan kunixin Jesús
Jiʼa juʼo Jesús tsetuʼan. “Chujni de kainxin tribu, tha, rajnanchjan ko rajna yeye [...] tsetuʼana” (Apocalipsis 5:9, 10). Kieʼen ni tsetuʼan kunixin Jesús. Desde are Jesús juii ngataʼa Nunthe, tsje millón de chujni rueena thi jeʼe kjuago, ko jaña takjana naa ni denduaxin cristiano. Aro juʼo 144.000 ni satsji ngajni para ke tsetuʼana kunixin Jesús (tsjeʼe Apocalipsis 14:1-4). Ko kainxin ni cristiano ke xra sithuʼe sinthena nthiʼi ngataʼa Nunthe ko Nchixiʼin Dio thi tsetueʼena (Salmo 37:29).
3. Unda Nchixiʼin Dio yaa thi nchixin icha jian ke kainxin xi nchixin de ngataʼa Nunthe
Maski te xi nchixin ke rinao sincheʼe anto tsje thi jian para chujni, chruʼa ncheʼena kain thi jeʼena xraxauna. Ko icha are utadixingixin xi nchixin. Te xa dantuʼa ta xa juachjaun ixi chujni. Aro Jesús, Xi nchixin de Nchixiʼin Dio, xruʼin kensen sixingixinkaʼo. Dio bakeʼe “naa nchixin ke ruxantheʼa” (Daniel 2:44). Jesús tsetuʼan nguixin ngataʼa Nunthe ko tsinchegeʼa chujni. Jeʼe naa xi nchixin ke chrjuin nuʼen ko ncheʼe jie̱, ko tsjague chujni ke kai jaña sincheʼena xraa jeʼe: chrjuin sincheʼena, chrjuin runichjee chuuna ko tsjaguna ke ndakua sincheʼena jie̱ (tsjeʼe Isaías 11:9).
TANGI ICHA
Rutsjeʼená unda ixi Nchixiʼin Dio yaa thi icha jian ke kainxin nchixin ke jii ngataʼa Nunthe.
4. Nchixin ke tsetuʼan nguixin ngataʼa Nunthe
Juʼo Jesucristo chunda poder ko nchao tsetuʼan nthiʼi ngataʼa Nunthe ko jiʼa xraa kexeʼo inaa xi nchixin ke jii. Tsjeʼera Mateo 28:18 ko tjaura de jiʼi:
Unda ixi thi thetuʼan Jesús yaa icha jian ke kexeʼo xi nchixin.
Xi nchixin te ngataʼa Nunthe juʼo nchao thetuʼan kaxin rajna ko dithja nchaʼun jiʼi tathjexin. A xrajuʼo tsuʼen kunixin Nchixiʼin Dio. Tsjeʼera Daniel 7:14 ko tjaura de jiʼi:
Nchixiʼin Dio ruxantheʼa, unda ixi jiʼi anto jian.
Nchixiʼin Dio tsetuʼan nguixin ngataʼa Nunthe, unda ixi jiʼi kai anto jian.
5. Kainxin nchixin ke jii ngataʼa Nunthe chunda ke tasixingixin
Unda ixi rugunda ke Nchixiʼin Dio sasengixin nchixin ke jii jai. Tsjeʼera VIDEO ko tjaura de jiʼi:
Kekaa chijni thiaʼo xi nchixin ke te jai.
Tsjeʼera Eclesiastés 8:9 ko tjaura de jiʼi:
A dexraxaun suixin ke Nchixiʼin Dio chunda ke sinthjian kainxin nchixin ke te jai. Unda.
6. Ni tsetuʼan ngai Nchixiʼin Dio thianxianána
Ixi Jesús, xi nchixiʼana, kjui naa chujni ko bechun nthiʼi ngataʼa Nunthe, nchao tsukunuaaná (Hebreos 4:15). Jehová kuincheʼe 144.000 ni xii ko ni nchrii ke bithikauna para tsetuʼana kunixin Jesús. Ni teʼi bachrjexina de ngai “kainxin tribu, tha, rajnachjan ko rajna yeye” (Apocalipsis 5:9).
A chrjuin dekunuʼan are dexraxaun ke Jesús ko ni tsetuʼankaʼo thinxina jian thi tedathuná. Unda.
Jehová kuincheʼe ni xii ko ni nchrii ke jejee nano binthechuna ko ngai jejee rajna para ke tsengijnana Jesús tsetuʼan.
7. Thi thetuʼan Nchixiʼin Dio yaa icha jian ke thi thetuʼan nchixiʼin xii
Xi nchixin te jai dakeʼena ley para tsengijnana ko sayakuʼena chujniina. Kai Nchixiʼin Dio chunda ley, ko ni te ngai nchixin jiʼi chunda ke sithikauna. Tsjeʼera 1 Corintios 6:9-11 ko tjaura de jiʼi:
Kexrein dexraxaun ke sigeʼe ngataʼa Nunthe are kainxina sithikauna thi thetuʼan Dio.a
Kexrein deginkuʼen ke Jehová chuʼen ke ni sinthe ngai Nchixiʼin sithikauna thi jeʼe thetuʼan. Unda ixi jaña dexraxaun.
Kexrein nuanxina ke chujni rinauʼan dithikaun nchao sasengixina (Tsjeʼera versículo 11).
Xi nchixin te jai dakeʼena ley para tsengijnana ko sayakuʼena chujniina. Nchixiʼin Dio chunda ley icha jian, ke kai dayakuʼen ko thengijna ni te ngai Nchixin jiʼi.
THI XRAXAUN INCHINA: “Nchixiʼin Dio jii ngai ansaana”.
Keʼe ruegatheʼe.
THI KUANGINÁ
Nchixiʼin Dio yaa naa nchixin ke jaan jii nthi̱ʼa ngajni ko ke tsetuʼan nguixin ngataʼa Nunthe.
A xraxaun thi kuangi
Kexeʼe ni tsetuʼan ngai Nchixiʼin Dio.
Unda Nchixiʼin Dio icha jian ke nchixiʼin xii.
Keʼe chuʼen Jehová de ni sinthe ngai Nchixiʼin.
THJEE ICHA
Denchelee keʼe kjuago Jesús de thino seʼe Nchixiʼin Dio.
“¿Es el Reino de Dios algo que se lleva en el corazón?” (Artículo de jw.org)
Unda ixi ni testigo de Jehová juʼo dithikauna Nchixiʼin Dio icha ke kexeʼo inaa nchixin ke jii ngataʼa Nunthe.
Detsjeʼe keʼe ndachro Biblia de thi 144.000 chujni ke Jehová kuincheʼe para ke tsengijnana Jesús tsetuʼan.
Keʼe kuengijna naa thi nchrii para bithikaun ke juʼo Ndo Dio nchao sincheʼe ke seʼe jie̱ nguixin ngataʼa Nunthe.
“Aprendí cómo se solucionarán las injusticias” (¡Despertad!, noviembre de 2011)
-
-
¡Nchixiʼin Dio ujithetuʼan!¡Dechaʼa anxun ko nchaʼun nandaʼa tsii! Sekinxin tsje thi tjago Biblia
-
-
LECCIÓN 32
¡Nchixiʼin Dio ujithetuʼan!
Nchixiʼin Dio kuexiʼin kuetuʼan ngajni desde nano 1914. Xrajuʼo nano mee kuexiʼin bikin nchauen nchixiʼin chujni. Kexrein nuanxina jiʼi. Anxun rutsjeʼená yuo thi renthe. Thi saʼo yaa thi bajin Biblia ko, thi yuxin kekaa jituʼen ngataʼa Nunthe ko kexrein tencheʼe chujni desde nano 1914.
1. Keʼe bajin Biblia
Ngai xrun Daniel ubandachro ke Nchixiʼin Dio rukexiʼin ruketuʼan kuthejan de ke rugatho thi “yato tiempo” (Daniel 4:16, 17). Batho tsje nano, ko Jesús níchja de jiʼi ko juinchegiʼin “nchaʼun bayeena juachaxin”, ko kjuago ke tiempo jiʼi aremee xra dikjexiʼan (Lucas 21:24). Anxun rutsjeʼená ke thi yato tiempo yaa juexin ngai nano 1914.
2. Kekaa jituʼen ngataʼa Nunthe ko kexrein ncheʼe chujni desde nano 1914
Ni baruee Jesús banchangiʼina: “Kekaa sikuni are rukjan siʼi inaa ko are tatsjexin nunthe” (Mateo 24:3). Jesús batheʼena, ko bajin anto tsje thi ruikuʼen are jeʼe urukexiʼin ruketuʼan nthi̱ʼa ngajni xraa Xi nchixin de Nchixiʼin Dio. Jeʼe níchja de guerra, ji̱ntha ko ke rukingi Nunthe (tsjeʼe Mateo 24:7). Biblia kai bajin kexrein tarúkjan chujni ngai “nchaʼun tajithjexin”, kain jiʼi runcheʼe ke kain tángi taruigeʼe (2 Timoteo 3:1-5). Desde nano 1914, icha jian dikuni ke jiʼi jituʼen ngataʼa Nunthe ko kexrein ncheʼe chujni.
3. Unda ixi anto tángi tabigeʼe kain desde ke Nchixiʼin Dio kuexiʼin kuetuʼan
Seʼa de ke Jesús takjan Nchixin de Nchixiʼin Dio, nthi̱ʼa ngajni beʼe naa guerra, ko jeʼe kuetukaʼo Xi jiaʼan ko ni demonio. Xi jiaʼan juinchetjan ko, Biblia ndachro ke, “takjuana […] ngataʼa Nunthe, ko kai ni angeles ke saruee takjuanana” (Apocalipsis 12:9, 10, 12). Xi jiaʼan anto jiduñao ixi nuʼen ke i seʼa dithueʼe. Mexinxin jincheʼe ke anto tsje thi jiaʼan jituʼen ngataʼa Nunthe. ¡Anche thinxina unda ixi jaña jituʼen jai! Aro Nchixiʼin Dio sinchekjexin kain jiʼi.
TANGI ICHA
Rutsjeʼená kekaa tjago ke denduaxin Nchixin jiʼi kuexiʼin kuetuʼan nano 1914 ko kai rutsjeʼená kexrein thengijnána jiʼi.
4. Thi dajin Biblia ncheʼe ke dasuna ngai nano 1914
Dio juincheʼe ke Nabucodonosor, xi nchixin de Babilonia, rukuxinxin naa thi rukuʼen. Thi kuxinxin xa ko thi ndachro Daniel kjuago ke jiʼi chunda ke sikun ngai nchixiʼin Nabucodonosor ko ngai Nchixiʼin Dio (tsjeʼera Daniel 4:17).a
Tsjeʼera Daniel 4:20-26. Kuthejan nchegundara diagrama para satheʼera inchi thi xranchangi:
A) Keʼe bikun Nabucodonosor ngai thi kuxinxin (Tsjeʼera versículo 20 ko 21).
B) Keʼe rukuʼen nthaa (Tsjeʼera versículo 23).
C) Keʼe rukuʼen are rukjexin thi “yato tiempo” (Tsjeʼera versículo 26).
Nthaa kuxinxin Nabucodonosor ko Nchixiʼin Dio
THI BAJINA (Daniel 4:20-36)
Thi ruketuʼana
A) Naa nthaa anto nui
Tabengathjen de kuetuʼana
B) “Tadera nthaa” ko tanchrjandara “ke satho yato tiempo”
Kjana kuetuʼana
C) “Kjan sarichunda Nchixiʼan”
Are xethja bee saʼo:
D) Kensen mee thi nthaa (Tsjeʼera versículo 22).
E) Kesa kuinthuʼe de kuetuʼan (Tsjeʼera Daniel 4:29-33).
F) Keʼe kuʼen are ujuexin batho thi “yato tiempo” (Tsjeʼera Daniel 4:34-36).
ARE XETHJA BEE SAʼO
Thi ruketuʼana
D) Nabucodonosor, xi nchixin de Babilonia
Tabengathjen de kuetuʼana
E) Nabucodonosor ndaxenga kuthejan de nano 606 a.e.c.b ko i chruʼa kuetuʼan yato nano
Kjana kuetuʼana
F) Nabucodonosor kjan ndakua xráxaun ko kjan kuetuʼan inaa bee
Are xethja bee yuxin:
G) Kekaa ni ncherepresentaa nthaa jiʼi (Tsjeʼera 1 Crónicas 29:23).
H) Kesa kuinthuʼena de kuetuʼana. Kexrein nuanxina ke ni teʼi baketuaʼana are Jesús beʼe ngataʼa Nunthe (Tsjeʼera Lucas 21:24).
I) Thino ko kesa kjan beʼe nchixin jiʼi.
ARE XETHJA BEE YUXIN
Thi ruketuʼana
G) Xi nchixin de Israel bincherepresentaa Nchixiʼin Dio
Tabengathjen de kuetuʼana
H) Taxanthe Jerusalén nano 607 a.e.c.; ko tadengathjen de thetuʼan xi nchixin de Israel 2.520 nano
Kjana kuetuʼana
I) Jesús thexiʼin thetuʼan ngajni ngai Nchixiʼin Dio nano 1914
Kieʼen tunchrjeʼen thi yato tiempo
Inchi versículo de ngaa Biblia tsengijnaná tsinxiná icha versículo. Ínchi, Apocalipsis ndachro ke nii tiempo ko riuʼo yaa ruchro 1.260 nchaʼun (Apocalipsis 12:6, 14). Mexinxin thi yato tiempo ruchro 2.520 nchaʼun. Te bee, ngai Biblia, naa nchaʼun ruchro naa nano (Ezequiel 4:6). Jiʼi thi tuʼen ngai thi yato tiempo ke ndachro ngai xrun Daniel: ke ruchro 2.520 nano.
5. Ngai nano 1914 chujni tabasengixina thi bancheʼena
Jesús bajin kexrein rugeʼe ngataʼa Nunthe kuthejan de ke jeʼe rukexiʼin ruketuʼan. Tsjeʼera Lucas 21:9-11 ko tjaura de jiʼi:
De kain thi dajin nthiʼi, kekaa ubegikun o bekiʼin ke jituʼen.
Apóstol Pablo ndachro kexrein runcheʼe chujni ngai thi nchaʼun tajithjexin nchixiʼin chujni. Tsjeʼera 2 Timoteo 3:1-5 ko tjaura de jiʼi:
De thi ndachro texto jiʼi, kekaa degikun suixin.
6. Ixi unuana ke Nchixiʼin Dio ujithetuʼan jiʼi tsengijnaná sasengixiná
Tsjeʼera Mateo 24:3, 14 ko tjaura de jiʼi:
Keʼe xrá jiduan jai jitjago ke Nchixiʼin Dio ujithetuʼan.
Kexrein nchao sencheʼe xrá jiʼi suixin.
Nchixiʼin Dio ujithetuʼan, ko i seʼa ditjan para ke tsetuʼan nthiʼi ngataʼa Nunthe. Tsjeʼera Hebreos 10:24, 25 ko tjaura de jiʼi:
Keʼe chunda ke sunthuʼuna kainá ixi nuana ke i seʼa ditjan.
Si ruekangi naa thi tsengijna ni icha para ke se̱ʼana, keʼe ruencheʼe.
THI DANCHANGI INCHINA: “Unda ixi ni testigo de Jehová anto nichjana de nano 1914”.
Keʼe ruegatheʼe.
THI KUANGINÁ
Thi dajin Biblia ko thi jituʼen ngataʼa Nunthe tjaguaná ke Nchixiʼin Dio ujithetuʼan. Ko jaʼana tjaguná ke duthikauna are thjiuʼuná juajna jian de Nchixin jiʼi ko kai are thjiná ngai Nchia Xrathexiná.
A xraxaun thi kuangi
Keʼe kuʼen kuthejan de juexin thi yato tiempo ke bajin xrun Daniel.
Unda ixi degithikaun ke Nchixiʼin Dio kuexiʼin kuetuʼan nano 1914.
Kexrein suixin nchao sekjago ke jaan degithikaun ke Nchixiʼin Dio ujithetuʼan.
THJEE ICHA
Denchelee keʼe ndachro inchi ni anto nuʼen de kexrein tadigixingixin ngataʼa Nunthe desde nano 1914.
“La era en que los valores decayeron radicalmente” (¡Despertad!, abril de 2007)
Detsjeʼe kexrein kuengijna naa thi xii thi dajin ngai Mateo 24:14.
Kexrein nuanxina ke thi dajin ngai capítulo 4 de xrun Daniel chunda ke sikun ngai Nchixiʼin Dio.
“¿Cuándo comenzó a gobernar el Reino de Dios? (Primera parte)” (La Atalaya, 1 de octubre de 2014)
Keʼe tjaguaná ke “thi yato tiempo” de capítulo 4 de xrun Daniel juexin ngai nano 1914.
“¿Cuándo comenzó a gobernar el Reino de Dios? (Segunda parte)” (La Atalaya, 1 de noviembre de 2014)
a Denchelee thi yuo artículo thexinxin sección “Thjee icha” de lección jiʼi.
b Nthagundana abreviatura a.e.c. para ndachrjana saʼo de ruguan Jesús. Ko nthagundana e.c. para ndachrjana are uguan Jesús.
-
-
Thi sincheʼe Nchixiʼin Dio¡Dechaʼa anxun ko nchaʼun nandaʼa tsii! Sekinxin tsje thi tjago Biblia
-
-
LECCIÓN 33
Thi sincheʼe Nchixiʼin Dio
Nchixiʼin Dio ujithetuʼan. Ko utuin sasengixin anto tsje thi jii ngataʼa Nunthe. Rutsjeʼená inchi thi sincheʼe Nchixin jiʼi ko ke suixin nchao sechunthia ke ruxethja.
1. Keʼe chunda ke sincheʼe Nchixiʼin Dio para ke rukjan seʼe paz ko ndakua suan jie̱ ngataʼa Nunthe
Ngai Armagedón, Jesús -Xi nchixin de Nchixiʼin Dio- tasu̱en kainxin chujni jiaʼan ko tasinthjian kainxin nchixin ke jii jai (Apocalipsis 16:14, 16). Aremee, ruxethja thi ndachro Biblia: “ko abee nchiun ditjan, ni ncheʼe thi jiaʼan i seʼana” (Salmo 37:10). Kunixin nchixin jiʼi, Jesús sincheʼe ke seʼe paz ko suan jie̱ nguixin ngataʼa Nunthe (tsjeʼe Isaías 11:4).
2. Kexrein sunthechuna are uruxethja thi Jehová rinao nthiʼi ngataʼa Nunthe
Are Nchixiʼin Dio utsetuʼan, “juʼo ni sithikaun sinthe ngataʼa Nunthe ko ni teʼi ni sinthechun ko i se̱ʼan” (Salmo 37:29). ¡Juʼo degariʼi dexraxaun kexrein chrjuinxin seʼe are chujni ruthjueʼena Jehová ko ruthjueʼe chuuna! Ndaʼa ke anto chrjuin seʼe. I xruʼin kensen tsuniʼi ko kainxina see sinthechuna.
3. Keʼe tsuʼen are Nchixiʼin Dio utasu̱en kainxin chujni jiaʼan
Are i seʼa chujni jiaʼan, Jesús tsetuʼan 1000 de nano. Aremee, Jesús ko ni 144.000 tsengijnana chujni para ke tasachrjexina de thi jiaʼan ko rukjana chujni jian. Are tsjexin tsuʼen jiʼi, Nunthe utarukjan naa nthajie anto chrjuin seʼe, ke tarukaun de chujni ke ruchee ixi sithikauna thi thetuʼan Jehová. Kuthejan Jesús tasinchekjan nchixin ngai Ndudee, Jehová. Ko areme denduaxin tsunthjua ínchi diʼin Ndo Dio (Mateo 6:9, 10). Jehová tsjago ke juʼo jeʼe thi icha jian thetuʼan ko ke dayakuʼen ni chjunii. Kuthejan Jehová tasu̱en Xi jiaʼan ko ni demonio, ko kexeʼo ni sinauʼan sithikaun thi tsetuʼan Ndo (Apocalipsis 20:7-10). Kain thi tsiaʼo Nchixiʼin Ndo Dio anto see tsunchrjeʼen ko jiʼi tsjexiʼan.
TANGI ICHA
Rutsjeʼená unda ixi nchao ruchunthianá ke Dio sinchegunda Nchixiʼin para sinchexethja thi ndachro Biblia ke chunda ke sikun ngai nchaʼun nandaʼa tsii.
4. Nchixiʼin Dio sinthjian kain nchixin ke jii jai
“Xii kuexiʼin kuetuʼan ngai chujni aro juʼo para thiaʼo thi jiaʼan” (Eclesiastés 8:9). Jehová sinchegunda Nchixiʼin para sinthjian kain thi jiaʼan juiaʼo thi ncheʼe chujni.
Tsjeʼera Daniel 2:44 ko 2 Tesalonicenses 1:6-8, ko tjaura de jiʼi:
Keʼe sincheʼe Jehová ko Jesús ngai kain nchixin ke jii ko chujni ke ruee nchixin teʼi.
Kexrein denuanxin, ixi thi ubekangi de Jehová ko Jesús, ke jaan tsengijnana kain chujni ko jiʼa tsincheyeenana.
5. Jesús anto chrjuin tsetuʼan
Ixi Jesús ujii de Nchixin, sincheʼe anto tsje thi jian ixi chujni ke sinthe ngataʼa Nunthe. Tsjeʼera VIDEO para ruxraxaunra kexrein kjuago Jesús ke jiʼa juʼo rinao tsengijna chujni sino ke kai Dio chjee poder para ke nchao sincheʼe jiʼi.
Kain thi juincheʼe Jesús are beʼe ngataʼa Nunthe tjaguxin thi sincheʼe Nchixiʼin Dio. De thi jitaxin ngai recuadro, kexeʼe thi rechuenka segikun. Tsjeʼera kainxin texto ke jii nthiʼi ke nichja de thi sincheʼe Nchixiʼin Dio.
ARE BEʼE NGATAʼA NUNTHE, JESÚS...
DESDE NGAJNI, JESÚS...
... juincheʼe ke xratayao tabeʼe chrintho ko ndachaun (Marcos 4:36-41)
... sinthjian chijni ke jiʼi ngai medioambiente (Isaías 35:1, 2)
... chjee juine tsje chujni (Mateo 14:17-21)
... tasinthjian ji̱ntha de kainxin rajna (Salmo 72:16)
... juinchexrueʼen tsje ni niʼi (Lucas 18:35-43)
... sincheʼe ke i tsuniaʼana (Isaías 33:24)
... binchengathjen ni tabinthege̱ʼen (Lucas 8:49-55)
... tasinthjian thi tade̱ʼeni (Apocalipsis 21:3, 4)
6. Nchixiʼin Dio sincheʼe ke tachrjuin sunthechuna
Nchixin jiʼi sinchexethja thi juinao Jehová desde are saʼo para chujni. Sinthechuna ngataʼa Nunthe ke rukjan naa nthajie. Tsjeʼera VIDEO para ke tsunuʼantha kexrein Jehová jinchegunda Xeʼen, Jesús, para ruxethja jiʼi.
Tsjeʼera Salmo 145:16 ko tjaura de jiʼi:
Kexrein dekunuʼan ixi bekangi ke Jehová sajun thi rinao kainxin ni techun.
THI XRAXAUN INCHINA: “Si rurueená xi nchixin jiʼi, nchue jaan sinthjian xa kainxin chijni ke jii”.
Keʼe chijni ke jii chruʼa nchexanthe nchixin ke jii ngataʼa Nunthe aro ke Nchixiʼin Dio jaan nchao sincheʼe.
THI KUANGINÁ
Nchixiʼin Dio sinchexethja kain thi rinao Ndo. Sinchekjan Nunthe jiʼi naa nthajie ke rukaun de chujni ke juʼo sinchesayeʼena Ndo.
A xraxaun thi kuangi
Keʼe sincheʼe Nchixiʼin Dio para ke tsurua ínchi diʼin Jehová.
Kexrein nuanxina ke Nchixiʼin Dio jaan sinchexethja thi dajin ngaa Biblia.
De kainxin thi sincheʼe Nchixiʼin Dio, kexeʼe thi asta rechuenka segikun.
THJEE ICHA
Detsjeʼe keʼe mee thi diʼin Armagedón.
Detsjeʼe kekaa tsuʼen ngai thi Jesús juinchegiʼin chijni jie (Mateo 24:21).
Degatsuan naa familia ke jiduan imaginado ke jii ngai nthajie ke tsiaʼo Nchixiʼin Dio.
Denchelee keʼe kuengijna naa xi activista bithja xa thi anto bakjee xa. “Me inquietaban muchas preguntas”.
“La Biblia les cambió la vida” (La Atalaya, 1 de enero de 2012)
-