LECCIÓN 28
Dekjago ke dencherenthe thi juincheʼe Jehová ko Jesús ixi suixin
Kexrein dekunuʼan suixin are naa ni jian dexrakjiuʼo dechjaana naa juajni. Anto dechaʼa ko dejinao sekjago ke dencherenthe juajni ke bechjaana. Jehová ko Jesús chjaanána naa juajni icha renthe: thi kjuengana Jesús. Rutsjeʼená kexrein nchao tsjaguná ke nthurenthena ko dajuná juasaya ixi jiʼi.
1. Kexeʼe naa thi nchao tsjaguxiná ke nthurenthena thi juincheʼe Jehová ko Jesús ixi jaʼana
Biblia ndachro ke ni “tjago ke chunthia ngai jeʼe” -ngai Jesús- nchao sinthechuna see (Juan 3:16). Kexrein tjaguni ke chunthiani ngai Jesús. Jiʼa juʼo sithikauni ke jaan juii nthiʼi ngataʼa Nunthe; jiʼi ruxraguxin ngai thi thincheʼená sunthuʼuna ko kexrein nthuʼuna (Santiago 2:17). Are tjaguná thi chunthianá ngai thi nthuʼuna ko thi nichjaná, nthusujina thi jian xrakjiuʼuná Jesús ko Ndudee, Jehová (tsjeʼe Juan 14:21).
2. Kesa are nchao tsjaguná ke dajuná juasaya ixi thi juincheʼe Jehová ko Jesús
Thie saʼo de taruge̱ʼen, Jesús kuetueʼen ni baruee keʼe inaa nchao runcheʼena para rukjaguxina ke bancherenthena thi jeʼe runcheʼe. Bakeʼe naa juaxruxin ke Biblia nchegiʼin “la Cena del Señor” ke kai chunxinxini xraa Nchaʼun xraxauná are be̱ʼen Jesús (1 Corintios 11:20). Jesús kuetueʼen ni apóstol -ko kai ngai kainxin ni denduaxin cristiano- ke ruxraxauna ke jeʼe be̱ʼen ixi chujni. Ko para juaxruxin jiʼi, Jesús kuetuʼan: “Thinthueʼara de ncheʼera jiʼi ixi jaña ruxraxaunxinira” (Lucas 22:19). Are dexrathe nchaʼun xraxauná are be̱ʼen Jesús, suixin dekjago ke anto dencherenthe thi thjuaaná Jehová ko Jesús.
TANGI ICHA
Rutsjeʼená kekaa icha nchao sencheʼe para sekjago ke dencherenthe thi anto thjuaaná Jehová ko Jesús. Kai unda anto renthe ke ruxraxauná nchaʼun are be̱ʼen Jesús.
3. Thi dajuni juasaya ncheʼe ke dithikauni
Dexraxaunxin ke tajikjuʼantha ko diji naa ni thengijnantha. A taruetjañaʼan thi juincheʼe chujni mee ixi suixin. Ani ruekjee kexrein ruegajun juasaya.
Jaʼana techuná ixi Jehová. Tsjeʼera 1 Juan 4:8-10 ko tjaura de jiʼi:
Unda ixi thi be̱ʼen Jesús jiʼi naa juajni anto renthe para jaʼana.
Kexrein dekunuʼan suixin ixi thi juincheʼe Jehová ko Jesús.
Kexrein nchao tsjaguná ke nthurenthena thi juincheʼe Jehová ko Jesús ixi jaʼana. Tsjeʼera 2 Corintios 5:15 ko kai 1 Juan 4:11 ko 5:3. Kuthejan de sincheleera versículo teʼi, tjaura de jiʼi:
Kexrein nchao tsjaguná ke dajuná juasaya.
4. Nthuʼuna xraa kjuaguaná Jesús
Inaa thi nchao tsjaguxiná ke dajuná juasaya yaa sunthuʼuna xraa juincheʼe Jesús. Tsjeʼera 1 Pedro 2:21 ko tjaura de jiʼi:
Kexrein sekjago suixin ke denduaxin derueʼe thi juincheʼe Jesús.
Jesús bathjueʼe Thee Dio, baikao juajna jian ko bakengijna icha chujni.
5. Xrathená para xraxauná nchaʼun be̱ʼen Jesús
Para tsunuana keʼe kuʼen ngai thi diʼin Cena del Señor, tsjeʼera Lucas 22:14, 19, 20. Kuthejan tjaura de jiʼi:
Keʼe kuʼen thie mee.
Keʼe ruchro niuthja ko vino (Tsjeʼera versículo 19 ko 20).
Jesús juinao ke ni baruee ruxraxauna nchaʼun be̱ʼen naa bee ixi nano, are ruetsinga nchaʼun mee. Mexinxin, jaʼana xro testigo de Jehová xrathená kainxin nano para xraxaʼuná nchaʼun be̱ʼen, ko ntha̱ʼaná jaña ínchi jeʼe kuetuʼan. Para sekunuʼan icha de keʼe ntha̱ʼaná are xrathená nchaʼun jiʼi, tsjeʼera VIDEO. Kuthejan tjaura de jiʼi:
Keʼe ntha̱ʼaná are xrathená para xraxaʼuná nchaʼun be̱ʼen Jesús.
Niuthja ko vino jiʼi juʼo inchi símbolo. Niuthja ruchro nthauʼe Jesús ke xruʼin thi jiaʼan guankaʼo, ke bajun ixi jaʼaná. Ko vino ruchro jnii.
THI XRAXAUN INCHINA: “Jaʼan jaan dithikaʼun ngai Jesús ko juʼo yaa thi rugunda”.
Kexrein ruenchegunda suixin thi ndachro Juan 3:16 ko Santiago 2:17 para ruenchekinxina ke rugunda sunthuʼuna icha.
THI KUANGINÁ
Tjaguná ke dajuná juasaya ixi thi juincheʼe Jesús ixi jaʼana are chunthianá ngai jeʼe ko are xrathená para xraxauná nchaʼun be̱ʼen.
A xraxaun thi kuangi
Kexrein tjaguni ke chunthiani ngai Jesús.
A dejinao sekjago ngai Jehová ko Jesús ke dencherenthe thi juincheʼena ixi suixin. Kexrein ruenthaxruxiʼan ruekjago yaa.
Unda ixi anto renthe ke sunthutjangiʼana nchaʼun xraxauná are be̱ʼen Jesús.
THJEE ICHA
Dekiʼin keʼe nchao sencheʼe si degajun juasaya ixi Jesús be̱ʼen ixi suixin.
Dekangi icha de thi chunthiani ko kexrein nchao sekjago jiʼi.
“Ejerzamos fe en las promesas de Jehová” (La Atalaya, octubre de 2016)
Are kuinxin keʼe ruchro thi juincheʼe Jesús jiʼi kuengijna naa thi nchrii. Denchelee thi kuʼen.
“La Biblia les cambió la vida” (La Atalaya, 1 de agosto de 2011)
Detsjeʼe unda juʼo thuʼa ni jine niuthja ko diʼi vino ngai nchaʼun xraxauná are be̱ʼen Jesús.