تیمُتھیُس دے ناں پہلا خط

4 پر خدا نے پاک روح دے ذریعے صاف صاف دَسیا اے کہ مستقبل چ کجھ لوک ایمان توں پھر جان گے کیونکہ اوہ باغی فرشتیاں دِیاں گمراہ کرن والیاں گلاں تے تلیم*‏ تے دھیان دین گے 2 تے پاکھنڈی بندیاں دِیاں جھوٹھیاں گلاں چ آ جان گے۔ ایہناں بندیاں دا ضمیر اونویں ای سُن ہو گیا اے جیویں گرم لوھے نال داغن دی وجہ توں چمڑی سُن ہو جاندی اے۔ 3 ایہہ بندے لوکاں نُوں شادی کرن توں منع کردے نیں تے کجھ چیزاں نہ کھان دا حکم دیندے نیں۔ پر خدا نے ایہہ چیزاں ایس لئی بنائیاں نیں تاکہ ایمان تے سچائی دا صحی علم رکھن والے لوک ایہناں نُوں شکرگزاری کر کے کھان۔ 4 اصل چ خدا دی بنائی ہر چیز چنگی اے۔ ایس لئی جے کسے چیز لئی شکرگزاری کیتی جائے تے اوہنوں کھان چ کوئی حرج نئیں اے 5 کیونکہ خدا نے اوہنوں پاک کہیا اے تے اَسی دُعا چ اوہدے لئی شکر کیتا اے۔‏

6 جے تُوں بھراواں نُوں ایہہ نصیحت کریں گا تے تُوں مسیح یسوع دا اِک چنگا خادم ہوئیں گا یعنی اِک ایہو جیہا خادم جنہے خدا دے کلام دی شان‌دار تلیم دے ذریعے اپنا ایمان مضبوط کیتا اے۔ تُوں واقعی ایس تلیم تے دھیان نال چل رہیا ایں۔ 7 پر تُوں خدا دی بدنامی کرن والیاں جھوٹھیاں کہانیاں نُوں ردّ کر جیہڑیاں وڈیریاں عورتاں سُناندیاں نیں۔ ایہدی بجائے تُوں خدا دی بندگی کرن دا پکا عزم کر تے ایہنوں پورا کرن لئی محنت نال اپنی تربیت کر۔ 8 جسمانی تربیت*‏ کرن دا کجھ حد تک فائدہ ہوندا اے۔ پر خدا دی بندگی کرن دا ہر معاملے چ فائدہ ہوندا اے کیونکہ ایہدے ذریعے نہ صرف اَج سگوں مستقبل چ وی برکتاں مِلن گیاں۔ 9 ایہہ گل سچی تے بھروسے دے لائق اے۔ 10 ایسے لئی اَسی جی جان نال محنت کرنے آں کیونکہ اَسی زندہ خدا تے امید رکھنے آں جیہڑا ہر طرحاں دے لوکاں نُوں نجات دیندا اے، خاص طور تے وفادار*‏ لوکاں نُوں۔‏

11 بھین بھراواں نُوں ایہہ تلیم تے حکم دیندا رہ۔ 12 کوئی وی تیرے جوان ہون دی وجہ توں تیری بے‌قدری نہ کرے سگوں تُوں وفادار لوکاں لئی اپنیاں گلاں، کماں، محبت، ایمان تے پاک چال‌چلن دے ذریعے چنگی مثال قائم کر۔ *‏ 13 جدوں تک مَیں نہ آواں اوہدوں تک کلیسیا دے سامنے پڑھن، نصیحت کرن*‏ تے تلیم دین چ لگا رہ۔ 14 اپنی اوس نعمت نُوں نظر انداز نہ کرِیں جیہڑی اِک پیشین‌گوئی دے مطابق تینوں اوہدوں دِتی گئی سی جدوں بزرگاں دی جماعت نے تیرے تے ہتھ رکھے سن۔ 15 ایہناں گلاں تے سوچ‌وچار کر تے ایہناں چ مگن رہ تاکہ سارے ویکھ سکن کہ تُوں پُختہ مسیحی بن رہیا ایں۔ 16 محنت کردا رہ تاکہ تُوں دُوجیاں لئی چنگی مثال قائم کر سکیں تے اِک چنگا اُستاد بن سکیں۔‏*‏ تُوں ایہہ سارے کم کرن چ لگا رہ۔ اِنج تُوں اپنے آپ نُوں تے اوہناں لوکاں نُوں بچا لویں گا جیہڑے تیری گل سُن دے نیں۔‏