مطالعیا کرن لئی مشورہ
کیہہ توانوں ساڈے بھین بھراواں دِیاں آپبیتیاں پڑھنا چنگا لگدا اے؟
اِک میاں بیوی ہر روز اِک آپبیتی پڑھدے نیں۔ اوہناں نے کہیا: ”ساڈے بھین بھراواں دِیاں آپبیتیاں پڑھ کے سانوں بڑی خوشی تے حوصلہ مِلدا اے۔ ایہہ سانوں یاد دَواندیاں نیں کہ اَسی ہر طرحاں دے حالات چ یہوواہ دے وفا دار رہ سکنے آں۔“ اِک بھین وی اِنج ای محسوس کردی اے۔ اوہنے کہیا: ”ساڈے بھین بھراواں دِیاں آپبیتیاں پڑھ کے سانوں بوہت تسلی مِلدی اے، سانوں کجھ کرن دی ہلاشیری مِلدی اے تے ایہہ ساڈے دل نُوں وی چُھو لیندیاں نیں۔ ایہناں نُوں پڑھ کے پتہ چلدا اے کہ اوہناں دی زندگی دا اِک مقصد اے۔ ایہناں آپبیتیاں نے میری مدد کیتی اے کہ میں ودھ چڑھ کے مُنادی کراں تے اپنے بچیاں دی وی مدد کراں کہ اوہ کُل وقتی طور تے یہوواہ دی خدمت کرن۔“
توانوں وی آپبیتیاں پڑھن توں مدد مل سکدی اے کہ تُسی یہوواہ دی خدمت لئی منصوبے بناؤ،اپنیاں خامیاں تے قابو پاؤ تے سخت مشکلاں نُوں برداشت کردے ویلے وی اپنی خوشی قائم رکھو۔ تُسی ایہہ آپبیتیاں کتھوں لبھ سکدے او؟
اُردو زبان چ jw.org یاں جے ڈبلیو لائبریری تے حصہ ”سلسلہ وار مضامین“ چ ”یہوواہ کے گواہواں کی آپبیتیاں“ تے جاؤ۔
اُردو زبان چ یہوواہ دے گواہواں دی آن لائن لائبریری تے جا کے تلاش دے خانے چ ”یہوواہ کے گواہوں کی آپبیتیاں“ ٹائپ کرو۔