دلچسپی وکھاؤ

یسوع دی مثال

ویڈیو:‏ یسوع تے اِک سامری عورت

1.‏ ویڈیو ویکھو یاں یوحنا 4:‏6-‏9 نُوں پڑھو۔‏ فیر ایہناں سوالاں تے غور کرو:‏

1. ‏(‏الف)‏ یسوع نے گل شروع کرن توں پہلاں سامری عورت بارے کیہڑی چیز تے غور کیتا؟‏

2. ‏(‏ب)‏ یسوع نے اوس عورت نُوں کہیا:‏ ”‏ذرا مینوں پانی تے پیا۔“‏ ایہہ گل شروع کرن دا اِک چنگا طریقہ کیوں سی؟‏

اَسی یسوع دی مثال توں کیہہ سکھنے آں؟‏

2.‏ جے اَسی کسے بندے نال ایہو جہے موضوع تے گل شروع کراں گے جدے چ اوہنوں دلچسپی اے تے فیر امید اے کہ اوہدے نال ساڈی گل بات ودھیا رہوے گی۔‏

یسوع دی مثال تے عمل کرو

3.‏ موضوع بدلن لئی تیار رہوو‏۔ ایہہ نہ سوچو کہ جیہڑا موضوع تُسی تیار کر کے آئے او، تُسی بس اوہدے تے ای گل کرنی اے۔ سگوں اوس موضوع تے گل شروع کرو جیہڑا دُوجیاں دے ذہن چ چل رہیا اے۔ اپنے آپ کولوں پچھو:‏

1. ‏(‏الف)‏ ”‏اَج کل خبراں چ کیہہ آ رہیا اے؟“‏

2. ‏(‏ب)‏ ”‏اَج کل میرے گوانڈھی، میرے نال پڑھن والے یاں میرے نال کم کرن والے لوک کیس موضوع تے گل کر رہے نیں؟“‏

4.‏ صورتحال دا جائزہ لوو۔‏ اپنے آپ کولوں پچھو:‏

1. ‏(‏الف)‏ ”‏اوہ بندہ کیہڑے کم چ مصروف اے؟ اوہدے ذہن چ کیہہ چل رہیا ہوئے گا؟“‏

2. ‏(‏ب)‏ ”‏اوہدے کپڑے، حُلیے تے گھر توں اوہدے مذہب، عقیدیاں یاں رہن‌سہن بارے کیہہ پتہ چلدا اے؟“‏

3. ‏(‏ج)‏ ”‏کیہہ ایس ویلے اوہدے نال گل کرنا ٹھیک ہوئے گا؟“‏

5.‏ سُنن والے بنو۔‏

1. ‏(‏الف)‏ تُسی آپ زیادہ نہ بولو۔‏

2. ‏(‏ب)‏ اگلے بندے نُوں زیادہ گل کرن دا موقع دَوو تے جتھے مناسب لگے اوہدے کولوں سوال پچھو۔‏