مطالعیا کرن لئی مشورہ

اَسی نوِیاں وضاحتاں نُوں کیویں لبھ سکنے آں؟‏

ساڈے لئی ایہہ بڑے مان دی گل اے کہ اَسی اِک ایہو جہے دَور چ رہ رہے آں جدے چ یہوواہ اپنے کلام دِیاں سچائیاں نُوں پہلے توں کِتے زیادہ واضح کر رہیا اے۔ (‏دانی‌ایل 12:‏4)‏ پر فیر وی جدوں تنظیم پاک کلام دی کسے سچائی بارے کوئی نوِیں وضاحت دیندی اے تے شاید سانوں ایہنوں یاد رکھنا مشکل لگے۔ اَسی ایہناں وضاحتاں نُوں کتھوں لبھ سکنے آں؟‏

‏• اُردو زبان چ ‏”‏یہوواہ کے گواہوں کے لئے مطالعے کے حوالے“‏ چ موضوع دے حساب نال نوِیاں وضاحتاں دی اِک لسٹ دِتی گئی اے۔ ایہنوں ویکھن لئی ‏”‏مطالعے کے حوالے“‏ چ موضوع ”‏یہوواہ کے گواہ‏“‏ نُوں چُنو۔ فیر ایہدے چ حصہ ”‏نظریے اور عقیدے“‏ چ ”‏ہمارے عقیدوں کے بارے میں نئی وضاحتیں“‏ نُوں ویکھو۔ تُسی اُردو زبان چ ‏”‏یہوواہ کے گواہوں کی آن‌لائن لائبریری“‏ دے ”‏تلاش“‏ دے خانے چ ”‏ہمارے عقیدوں کے بارے میں نئی وضاحتیں‏“‏ لکھ کے وی نوِیاں وضاحتاں نُوں لبھ سکدے او۔‏

ایہہ بڑا چنگا ہوئے گا کہ اَسی اپنے ذاتی مطالعے چ کجھ عرصہ پہلے آن والی کوئی نوِیں وضاحت بارے تحقیق کریئے تے ویکھئے کہ ہُن اَسی کیہہ مننے آں تے کیہڑیاں ایتاں دی بنیاد تے مننے آں۔‏