سبق نمبر 58
یہوواہ دے وفادار رہوو
سچے مسیحی کسے وی چیز یاں بندے دی وجہ توں یہوواہ دی عبادت کرنا بند نئیں کردے۔ تے بےشک تُسی وی ہر حال چ یہوواہ دی عبادت کردے رہوو گے۔ یہوواہ تواڈی وفاداری دی بڑی قدر کردا اے۔ (1-تواریخ 28:9 نُوں پڑھو۔) پر کجھ حالاتاں چ تواڈے لئی یہوواہ دا وفادار رہنا مشکل ہو سکدا اے۔ تُسی ایہو جہے حالاتاں چ کیہہ کر سکدے او؟
1 .دُوجیاں دی وجہ توں ساڈے لئی یہوواہ دا وفادار رہنا مشکل ہو سکدا اے
کجھ لوک سانوں یہوواہ دی خدمت کرن توں روکن دی کوشش کر سکدے نیں۔ ایہہ اوہ لوک ہو سکدے نیں جنہاں نے یہوواہ دی عبادت کرنا چھڈ دِتا اے تے ہُن اوہ یہوواہ دی تنظیم بارے جھوٹھیاں گلاں پھیلاندے نیں تاکہ ساڈا ایمان کمزور ہو جائے۔ ایہہ لوک برگشتہ نیں یعنی یہوواہ خدا تے اوہدی تلیم توں پھر گئے نیں۔ ایہدے علاوہ کجھ مذہبی لیڈر وی ساڈے بارے جھوٹھیاں گلاں پھیلاندے نیں۔ جیہڑے لوک اوہناں دے جھوٹھ نُوں پچھان نئیں پاندے اوہ گمراہ ہو جاندے نیں۔ ایس لئی خدا دی تنظیم دی مخالفت کرن والیاں نال بحث کرنا، اوہناں دِیاں کتاباں یاں اِنٹرنیٹ تے اوہناں دے مضمون پڑھنا یاں فیر اوہناں دِیاں ویڈیوز ویکھنا ساڈے لئی بڑا خطرناک ہو سکدا اے۔ جیہڑے لوک دُوجیاں نُوں وفاداری نال یہوواہ دی خدمت کرن توں روک دے نیں، اوہناں بارے یسوع مسیح نے کہیا سی کہ اوہناں نُوں چھڈو، اوہ انھے رہنما نیں۔ جے اِک انھا دُوجے انھے نُوں راہ وکھائے گا تے اوہ دونویں ٹوئے چ ڈِگ پین گے۔—متی 15:14۔
2 .ساڈے کیہڑے فیصلیاں توں ظاہر ہوئے گا کہ اَسی یہوواہ دے وفادار آں یاں نئیں؟
اَسی یہوواہ نُوں بوہت پیار کرنے آں ایس لئی اَسی ایہو جہی ہر چیز توں دُور رہنے آں جدا تعلق جھوٹھے مذہب نال اے۔ اَسی ایہو جہی کوئی نوکری نئیں کردے، ایہو جہی تنظیم یاں کماں چ شامل نئیں ہوندے جنہاں دا جھوٹھے مذہب نال کوئی وی سروکار ہووے۔ یہوواہ خدا نے سانوں کہیا اے کہ اَے میرے لوکو، وڈے بابل چوں نکل آؤ۔—مکاشفہ 18:2، 4۔
ہور سوچوچار لئی
غور کرو کہ تُسی کیہہ کر سکدے او تاکہ کسے دی وجہ توں یہوواہ لئی تواڈی وفاداری گھٹ نہ ہووے۔ نالے ویکھو کہ تُسی وڈے بابل چوں نکل کے یہوواہ لئی وفاداری کیویں وکھا سکدے او۔
3. جھوٹھے اُستاداں توں بچو
جے سانوں یہوواہ دی تنظیم بارے کجھ جھوٹھیاں گلاں دا پتہ چلدا اے تے سانوں کیہہ کرنا چاہی دا اے؟ امثال 14:15 نُوں پڑھو تے فیر ایس سوال تے گل بات کرو:
سانوں ہر اوس گل دا یقین کیوں نئیں کرنا چاہی دا جیہڑی سانوں پتہ چلدی اے؟
2-یوحنا 9-11 نُوں پڑھو تے فیر ایہناں سوالاں تے گل بات کرو:
سانوں برگشتہ لوکاں نال کیویں پیش آنا چاہی دا اے؟
جے اَسی برگشتہ لوکاں نُوں آمنے سامنے نئیں وی مِلدے فیر وی اوہناں دی تلیم دا ساڈے تے کیویں اثر ہو سکدا اے؟
تواڈے خیال چ جے اَسی یہوواہ تے اوہدی تنظیم بارے جھوٹھیاں گلاں تے دھیان دَواں گے تے اوہنوں کیہو جیہا محسوس ہوئے گا؟
4. جدوں کلیسیا دا کوئی ممبر گُناہ کردا اے تے اوہدوں وی یہوواہ دے وفادار رہوو
جے سانوں پتہ چلدا اے کہ کلیسیا چ کسے نے سنگین گُناہ کیتا اے تے سانوں کیہہ کرنا چاہی دا اے؟ ایس بارے شریعت چ دِتے گئے اِک قانون تے غور کرو تے ویکھو کہ اَسی ایہدے توں کیہڑا اصول سکھنے آں۔ احبار 5:1 نُوں پڑھو۔
ایہدے چ دَسیا گیا اے کہ جے سانوں پتہ چلدا اے کہ کسے بھین یاں بھرا نے کوئی سنگین گُناہ کیتا اے تے سانوں ایہدے بارے بزرگاں نُوں دَسنا چاہی دا اے۔ پر نیکی تے مہربانی دی گل ایہہ ہوئے گی کہ اَسی پہلاں اوس بھین یاں بھرا نُوں کہیے کہ اوہ آپ بزرگاں کول جائے تے اپنے گُناہ دا اِقرار کرے۔ پر جے اوہ اِنج نئیں کردا تے فیر ساڈا فرض بن دا اے کہ اَسی اوہدے بارے بزرگاں نُوں دَس کے یہوواہ نال اپنی وفاداری نبھائیے۔ اِنج اَسی . . .
یہوواہ لئی محبت کیویں ظاہر کراں گے؟
گُناہ کرن والے بندے لئی محبت کیویں ظاہر کراں گے؟
کلیسیا چ دُوجے بھین بھراواں لئی محبت کیویں ظاہر کراں گے؟
جے تواڈا کوئی ہمایمان غلط کم کر رہیا اے تے اوہنوں سمجھاؤ۔
5. وڈے بابل توں دُور رہوو
لُوقا 4:8 تے مکاشفہ 18:4، 5 نُوں پڑھو تے فیر ایہناں سوالاں تے گل بات کرو:
کیہہ میرا ناں حالے وی کسے مذہبی تنظیم دے ممبراں دی لسٹ چ لکھیا ہویا اے؟
کیہہ میں کسے ایہو جہی تنظیم دا ممبر آں جدا تعلق کسے ہور مذہب نال اے؟
کیہہ میں کوئی ایہو جہی نوکری کر رہیا واں جدے توں جھوٹھے مذہب نُوں فائدہ ہوندا اے؟
مینوں اپنی زندگی چ ہور کیہڑے کماں توں دُور رہن دی ضرورت اے جنہاں دا تعلق جھوٹھے مذہب نال اے؟
جے میں ایہناں وچوں کسے وی سوال دا جواب ہاں چ دِتا اے تے مینوں کیہہ کرنا چاہی دا اے؟
ہر معاملے چ ایہو جیہا فیصلہ کرو جدے توں تواڈا ضمیر صاف رہوے تے یہوواہ لئی تواڈی وفاداری ظاہر ہووے۔
جے کوئی تواڈے کولوں کسے مذہبی کم لئی چندہ منگدا اے تے تُسی کیہہ کرو گے؟
کجھ لوکاں دی رائے: ”مینوں پتہ ہونا چاہی دا اے کہ برگشتہ لوک یہوواہ دے گواہواں بارے کیہہ کہندے نیں تاکہ میں اوہناں نُوں دَس سکاں کہ سچائی کیہہ اے۔“
کیہہ اِنج کرنا عقلمندی ہوئے گی؟ جے ہاں تے کیوں؟ جے نئیں تے کیوں نئیں؟
خلاصہ
یہوواہ دے وفادار رہن لئی اوہناں لوکاں توں دُور رہنا ضروری اے جیہڑے سانوں گمراہ کرن دی کوشش کردے نیں۔
دہرائی
سانوں برگشتہ لوکاں دِیاں گلاں سُنن توں کیوں بچنا چاہی دا اے؟
جے سانوں پتہ چلدا اے کہ کسے بھین یاں بھرا نے کوئی وڈا گُناہ کیتا اے تے سانوں کیہہ کرنا چاہی دا اے؟
اَسی جھوٹھے مذہب توں دُور رہن دی نصیحت تے کیویں عمل کر سکنے آں؟
ہور جانن لئی
ایس مضمون چ پڑھو کہ جدوں لوک یہوواہ دے گواہواں بارے جھوٹھیاں گلاں پھیلاندے نیں تے تُسی کیہہ کر سکدے او۔
کیا آپ حقائق تک پہنچنے کی کوشش کرتے ہیں؟ (مینارِنگہبانی، اگست 2018)
ایس مضمون چ پڑھو کہ تُسی ایہو جہیاں تنظیماں تے کماں نُوں کیویں پچھان سکدے او جنہاں دا تعلق وڈے بابل نال اے۔
”آخری دنوں میں“ خدا کی خدمت میں مصروف رہیں (مینارِنگہبانی، اکتوبر 2019، پیراگراف 16-18)
ایس ویڈیو چ ویکھو کہ ساڈے مخالف ساڈا ایمان کمزور کرن لئی کیہہ کرن دی کوشش کردے نیں۔
آپبیتی ”مَیں بچپن سے خدا کو ڈھونڈ رہا تھا“ چ شنٹو مذہب دے اِک پجاری بارے پڑھو جنہے جھوٹھے مذہب نال ہر طرحاں دا تعلق ختم کر دِتا۔
پاک کلام کی تعلیم زندگی سنوارتی ہے (مینارِنگہبانی دا مضمون)