دُنیا چ اینیاں مصیبتاں تے بُرائی کیوں اے؟‏

جدوں وی کوئی مصیبت آندی اے یاں فیر کجھ بُرا ہوندا اے تے اَسی سوچنے آں کہ”‏اِنج کیوں ہویا؟“‏ بائبل چ واضح طور تے دَسیا گیا اے کہ دُنیا چ اینیاں مصیبتاں تے بُرائی کیوں اے۔‏

1.‏ شیطان نے کیہہ کیتا جدی وجہ توں زمین تے بُرائی پھیل گئی؟‏

شیطان اِبلیس نے خدا دے خلاف بغاوت کیتی کیونکہ اوہ دُوجیاں تے حکومت کرنا چاہندا سی۔ ایس لئی اوہنے آدم تے حوا نُوں وی خدا دے خلاف بغاوت کرن دی ہلاشیری دِتی۔ اوہنے حوا نال جھوٹھ بولیا۔ (‏پیدایش 3:‏1-‏5)‏ اوہنے حوا نُوں ایہہ یقین دَوایا کہ کوئی بوہت ای چنگی چیز ہے وے جیہڑی خدا اوہنوں نئیں دینا چاہندا۔ اوہنے تے اوہدے ذہن چ ایہہ گل وی پائی کہ خوش رہن لئی خدا دے حکماں نُوں مننا ضروری نئیں اے۔ شیطان نے دُنیا دا پہلا جھوٹھ بولیا تے حوا نُوں دَسیا کہ اوہ کدی نئیں مرے گی۔ ایسے لئی بائبل چ کہیا گیا اے کہ شیطان جھوٹھا اے سگوں جھوٹھ دا پیو اے۔‏‏—‏یوحنا 8:‏44‏۔‏

2.‏ آدم تے حوا نے کیہہ کیتا؟‏

ایہو جہی کوئی شے ہے ای نئیں سی جیہڑی یہوواہ خدا نے آدم تے حوا نُوں نہ دِتی ہوئے۔ اوہنے کہیا سی کہ اوہ باغِ‌عدن دے ہر درخت دا پھل کھا سکدے نیں بس اِک درخت دا پھل نہ کھان۔ (‏پیدایش 2:‏15-‏17)‏ پر اوہناں نے اوسے درخت دا پھل کھادا جدے توں یہوواہ خدا نے منع کیتا سی۔ پاک کلام چ دَسیا گیا اے کہ حوا نے اوس درخت دا پھل لیا تے کھادا۔‏ اوہدے بعد آدم نے وی اوہ پھل کھادا۔‏ (‏پیدایش 3:‏6)‏ اِنج اوہناں دونواں نے خدا دی نافرمانی کیتی۔ آدم تے حوا بے‌عیب سن ایس لئی اوہناں لئی خدا دا حکم مننا مشکل نئیں سی۔ پر اوہناں نے جان‌بجھ کے بغاوت کیتی تے ایہہ ظاہر کیتا کہ اوہ خدا نُوں اپنا حکمران نئیں من دے۔ ایس وجہ توں اوہناں نُوں بڑا نقصان چکنا پیا۔—‏پیدایش 3:‏16-‏19۔‏

3.‏ آدم تے حوا دے گُناہ دا ساڈے تے کیہہ اثر ہویا اے؟‏

خدا دا حکم توڑن توں بعد آدم تے حوا گُناہ‌گار بن گئے تے ایس لئی اوہناں دی اولاد چ وی گُناہ آ گیا۔ ایسے لئی بائبل چ لکھیا اے کہ اِک آدمی دے ذریعے گُناہ دُنیا چ آیا تے گُناہ دے ذریعے موت آئی تے موت سارے انساناں چ پھیل گئی کیونکہ ساریاں نے گُناہ کیتا۔‏‏—‏رومیوں 5:‏12‏۔‏

سانوں فرق فرق گلاں دی وجہ توں مصیبتاں دا سامنا کرنا پیندا اے۔ کدی کدار اَسی اپنے غلط فیصلیاں دی وجہ توں مصیبت چ پے جانے آں۔ پر کدی کدی ایہہ مصیبتاں دُوجیاں دے غلط فیصلیاں دی وجہ توں آندیاں نیں۔ تے کدی کدار اِنج وی ہوندا اے کہ اَسی غلط ویلے تے غلط تھاں تے ہنے آں۔—‏واعظ 9:‏11 نُوں پڑھو۔‏

ہور سوچ‌وچار لئی

4.‏ ساڈیاں مصیبتاں دا اصل ذمے‌دار

بوہت سارے لوک سوچدے نیں کہ ایس دُنیا نُوں خدا چلا رہیا اے۔ پر کیہہ ایہہ گل سچ اے؟ ویڈیو چلاؤ‏۔‏

ویڈیو :‏ ایہہ دُنیا کدے ہتھ وچ اے؟‏ (‏24:‏1)‏

یعقوب 1:‏13 تے 1-‏یوحنا 5:‏19 نُوں پڑھو تے فیر ایس سوال تے گل بات کرو:‏

• کیہہ دُنیا چ پھیلی ہوئی بُرائی تے مصیبتاں دا ذمے‌دار خدا اے؟‏

5.‏ شیطان دی حکمرانی توں کیہہ نقصان ہویا اے؟‏

ویڈیو :‏ خدا نے حالے تک دُکھ تکلیف نُوں ختم کیوں نئیں کیتا؟—‏حصہ (‏07:‏3)‏

پیدایش 3:‏1-‏6 نُوں پڑھو تے فیر ایہناں سوالاں تے گل بات کرو:‏

• شیطان نے کیہڑا جھوٹھ بولیا سی؟—‏4 تے 5 ایت نُوں ویکھو۔‏

• شیطان نے حوا نُوں ایہہ یقین کیویں دَوایا کہ کوئی بوہت ای چنگی چیز ہے وے جیہڑی خدا انساناں نُوں نئیں دینا چاہندا؟‏

• شیطان دے مطابق کیہہ انساناں نُوں خوش رہن لئی خدا دے حکم منن دی لوڑ ہے وے؟‏

واعظ 8:‏9 نُوں پڑھو تے فیر ایس سوال تے گل بات کرو:‏

• جدوں توں یہوواہ ایس دُنیا دا حکمران نئیں اوہدوں توں دُنیا دا کیہہ حال ہویا اے؟‏

1. 1.‏ آدم تے حوا گُناہ توں پاک سن تے اِک سوہنے باغ چ رہندے سن۔ پر اوہناں نے شیطان دے پچھے لگ کے یہوواہ دی نافرمانی کیتی۔‏

2. 2.‏ آدم تے حوا دی بغاوت دے بعد دُنیا تے گُناہ، دُکھ تکلیفاں تے موت دا راج ہو گیا۔‏

3. 3.‏ یہوواہ گُناہ، دُکھ تکلیف تے موت دا راج ختم کر دَوے گا۔ فیر انسان دُبارہ اِک سوہنی دھرتی تے رہن گے تے گُناہ توں پاک ہو جان گے۔‏

6.‏ سانوں دُکھی ویکھ کے خدا دُکھی ہوندا اے

کیہہ خدا نُوں ساڈا دُکھ درد محسوس ہوندا اے؟ غور کرو کہ بادشاہ داؤد تے پطرس رسول نے ایس حوالے نال کیہہ لکھیا۔ زبور 31:‏7 تے 1-‏پطرس 5:‏7 نُوں پڑھو تے فیر ایس سوال تے گل بات کرو:‏

• توانوں ایہہ جان کے کیہو جیہا محسوس ہوندا اے کہ یہوواہ خدا ساڈیاں مصیبتاں تے تکلیفاں نُوں جان دا اے تے ساڈی بڑی پرواہ کردا اے؟‏

خلاصہ

اَج دُنیا چ پھیلی ہوئی بُرائی تے مصیبتاں دی سب توں وڈی وجہ شیطان، آدم تے حوا دی بغاوت اے۔ پر خدا ساڈے دُکھاں تے تکلیفاں نُوں محسوس کردا اے۔ ایس لئی اوہ بوہت چھیتی ایہناں نُوں ختم کر دَوے گا۔‏

دہرائی

• شیطان نے حوا نال کیہڑا جھوٹھ بولیا؟‏

• آدم تے حوا دی بغاوت دا سارے انساناں تے کیہہ اثر ہویا؟‏

• سانوں کیویں پتہ اے کہ خدا ساڈے دُکھ درد نُوں محسوس کردا اے؟‏

ہور جانن لئی

ایس مضمون چ پڑھو کہ بائبل چ گُناہ بارے کیہہ دَسیا گیا اے۔‏

گُناہ کیہہ اے؟‏ (‏ویب‌سائٹ تے مضمون)‏

ایس مضمون چ توانوں پتہ چلے گا کہ شیطان نے باغِ‌عدن چ کیہڑا مسئلہ کھڑا کیتا سی۔‏

خدا ہم پر مصیبتیں کیوں آنے دیتا ہے؟‏ (‏مینارِنگہبانی،‏ اپریل-‏جون 2014)‏

ایس مضمون چ اِک مشکل سوال دا بڑا سوکھا تے سادہ جواب دِتا گیا اے۔‏

‏”‏دوسری عالمی جنگ میں یہودیوں کا قتلِ‌عام کیوں ہوا؟‏ خدا نے اِسے کیوں نہیں روکا؟“‏ (‏ویب‌سائٹ تے مضمون)‏

ایس ویڈیو چ تُسی ویکھو گے کہ اِک بندے نے انساناں تے آن والیاں مصیبتاں بارے کیہہ سکھیا۔‏

ہُن میں کلاّ نئیں آں (‏09:‏5)‏

آدم تے حوا دی نافرمانی دی وجہ توں دُکھ تکلیف، گُناہ تے موت دُنیا چ آئی۔‏a پر ساڈے خدا یہوواہ نے سانوں بے‌سہارا نئیں چھڈیا۔ اوہنے سانوں گُناہ تے موت توں چھڈان لئی اپنے پُتر یسوع مسیح نُوں گھلیا۔ بائبل دَسدی اے کہ یسوع مسیح نے ساڈے لئی فدیہ دِتا یعنی ساڈی رِہائی دی قیمت دِتی۔ اوہنے اپنی گُناہ توں پاک زندگی ساڈی خاطر قربان کر دِتی۔ (‏متی 20:‏28 نُوں پڑھو۔)‏ یسوع مسیح گُناہ توں پاک سی ایس لئی اوہ زمین تے ہمیشاں تک زندہ رہ سکدا سی۔ پر اوہنے اپنے ایس حق نُوں قربان کر کے ساڈے لئی اوہ خوشیاں پان دا رستہ کھول دِتا جیہڑیاں آدم تے حوا نے گنوا دِتیاں سن۔ یسوع نے ساڈے گُناہواں دا بھار اپنے موڈھیاں تے چُک کے ایہہ وی ظاہر کیتا کہ اوہ تے اوہدا باپ یہوواہ سانوں کِنّاں پیار کردے نیں۔ ایس سبق تے غور کر کے ساڈے دل چ یسوع دی قربانی لئی شکرگزاری تے قدر ہور ودھے گی۔‏

1.‏ یسوع دی قربانی توں سانوں اَج کیہہ فائدہ ہو سکدا اے؟‏

گُناہ‌گار ہون دی وجہ توں اَسی ایہو جہے کم کر جانے آں جنہاں توں یہوواہ خدا نُوں دُکھ ہوندا اے۔ پر فیر وی اَسی خدا نال اپنی دوستی قائم رکھ سکنے آں۔ ایہدے لئی ضروری اے کہ اَسی اپنے گُناہواں توں دلوں توبہ کرئیے، یسوع مسیح دے وسیلے نال یہوواہ کولوں معافی منگئے تے فیر پوری کوشش کرئیے کہ اَسی دُبارہ گُناہ نہ کرئیے۔ (‏1-‏یوحنا 2:‏1‏)‏ بائبل چ دَسیا گیا اے کہ مسیح نے اِکو وار گُناہواں لئی جان دے دِتی یعنی اِک نیک آدمی گُناہ‌گاراں لئی مر گیا تاکہ توانوں خدا تک لے جائے۔‏‏—‏1-‏پطرس 3:‏18‏۔‏

2.‏ یسوع دی قربانی توں سانوں مستقبل چ کیہہ فائدہ ہو سکدا اے؟‏

یہوواہ نے اپنے پُتر نُوں زمین تے ایس لئی گھلیا تاکہ اوہ اپنی جان قربان کرے تے جیہڑے لوک اوہدے تے ایمان ظاہر کرن ہلاک نہ ہون سگوں ہمیشاں دی زندگی پان۔‏ (‏یوحنا 3:‏16‏)‏ یسوع دی قربانی دے ذریعے یہوواہ اوس سارے نقصان نُوں بھر دَوے گا جیہڑا آدم تے حوا دی نافرمانی دی وجہ توں ہویا اے۔ ایہدا مطلب اے کہ جے اَسی یسوع دی قربانی تے ایمان ظاہر کراں گے تے ساڈا مستقبل بڑا شان‌دار ہوئے گا۔ سانوں عدن دے باغ ورگی سوہنی زمین تے خوشیاں بھری زندگی ملے گی۔—‏یسعیاہ 65:‏21-‏23۔‏

ہور سوچ‌وچار لئی

3.‏ یسوع دی قربانی توں سانوں گُناہ تے موت توں چھٹکارا ملے گا

ویڈیو:‏ یسوع مسیح نے اپنی جان کیوں قربان کیتی؟—‏پہلا حصہ (‏01:‏2)‏

• آدم نے خدا دا حکم توڑ کے کیہڑا موقع گنوا دِتا؟‏

رومیوں 5:‏12 نُوں پڑھو تے فیر ایس سوال تے گل بات کرو:‏

• آدم دے گُناہ دا تواڈی زندگی تے کیہہ اثر ہویا اے؟‏

یوحنا 3:‏16 نُوں پڑھو تے فیر ایس سوال تے گل بات کرو:‏

• یہوواہ نے اپنے پُتر نُوں زمین تے کیوں گھلیا سی؟‏

1. 1.‏ آدم گُناہ توں پاک سی پر فیر وی اوہنے خدا دی نافرمانی کیتی تے انساناں نُوں گُناہ تے موت دے پھندے چ پھسا دِتا۔‏

2. 2.‏ یسوع مسیح وی گُناہ توں پاک سی پر اوہ خدا دا وفادار رہیا تے انساناں نُوں گُناہ تے موت دے پھندے چوں کڈھ کے اوہناں نُوں ہمیشاں تک خوشیاں بھری زندگی پان دا موقع دِتا۔‏

4.‏ یسوع دی قربانی توں سارے انساناں نُوں فائدہ ہو سکدا اے

ویڈیو :‏ یسوع مسیح نے اپنی جان کیوں قربان کیتی؟—‏دُوجا حصہ (‏00:‏2)‏

• اِک بندے دی موت نال سارے انساناں نُوں کیویں فائدہ ہو سکدا اے؟‏

1-‏تیمُتھیُس 2:‏5، 6 نُوں پڑھو تے فیر ایس سوال تے گل بات کرو:‏

• آدم گُناہ توں پاک سی پر فیر وی اوہنے انساناں نُوں گُناہ تے موت دے پھندے چ پھسا دِتا۔ یسوع مسیح وی گُناہ توں پاک سی۔ اوہنے انساناں نُوں ایس پھندے چوں کڈھن لئی پورا فدیہ یعنی پوری قیمت کیویں دِتی؟‏

5.‏ فدیہ یہوواہ خدا وَلّوں اِک تحفہ اے

یہوواہ دے دوست من دے نیں کہ فدیہ اوہ تحفہ اے جیہڑا خدا نے خاص اوہناں لئی دِتا اے۔ گلتیوں 2:‏20 نُوں پڑھو تے فیر ایس سوال تے گل بات کرو:‏

• پولُس رسول نے ایہہ کیویں ظاہر کیتا کہ فدیہ اوہ تحفہ اے جیہڑا یہوواہ نے خاص طور تے اوہدے لئی دِتا اے؟‏

آدم دے گُناہ دی وجہ توں نہ صرف اوہنوں سگوں اوہدی ساری اولاد نُوں موت دی سزا ملی۔ پر یہوواہ نے اپنے پُتر نُوں تواڈی خاطر گھلیا تاکہ اوہدی قربانی دے ذریعے توانوں ہمیشاں تک خوشیاں بھری زندگی گزارن دا موقع ملے۔‏

یوحنا 19:‏1-‏7،‏ 16-‏18 نُوں پڑھو۔‏ ایہناں نُوں پڑھدے ویلے اوس دُکھ نُوں محسوس کرن دی کوشش کرو جیہڑا یہوواہ نُوں اپنے پُتر نُوں تکلیف چ ویکھ کے ہویا ہوئے گا۔ تے فیر ایس سوال تے گل بات کرو:‏

• یہوواہ تے یسوع مسیح نے تواڈے لئی جو کجھ کیتا اے، اوہدے بارے جان کے توانوں کیہو جیہامحسوس ہوندا اے؟‏

خلاصہ

یہوواہ خدا یسوع مسیح دی قربانی دی بِنا تے ساڈے گُناہ معاف کر سکدا اے۔ ایہدی وجہ توں سانوں ہمیشاں تک خوشیاں بھری زندگی گزارن دا موقع مِل سکدا اے۔‏

دہرائی

• یسوع نے اپنی جان کیوں قربان کیتی؟‏

• یسوع مسیح دی گُناہ توں پاک زندگی سارے انساناں لئی فدیہ یاں قیمت کیویں ثابت ہوئی؟‏

• یسوع دی قربانی توں توانوں کیہہ فائدہ ہو سکدا اے؟‏

ہور جانن لئی

ایس مضمون چ پڑھو کہ یسوع دی گُناہ توں پاک زندگی نُوں فدیہ کیوں کہیا گیا اے۔‏

یسوع دی قربانی کیس لحاظ نال بوہت سارے لوکاں لئی فدیہ اے؟‏ (‏ویب‌سائٹ تے مضمون)‏

ایس مضمون نُوں پڑھو تے سکھو کہ سانوں گُناہ تے موت توں نجات پان لئی کیہہ کرن دی لوڑ اے۔‏

یسوع مسیح سانوں نجات کیویں دَواندا اے؟‏ (‏ویب‌سائٹ تے مضمون)‏

کیہہ خدا ساڈے وڈے گُناہ وی معاف کر دیندا اے؟‏

پاک کلام سے متعلق سوال‌وجواب (‏مینارِنگہبانی دا مضمون)‏

ایس مضمون چ پڑھو کہ مسیح دی قربانی بارے سکھ کے اِک بندے نُوں کیہہ فائدہ ہویا۔‏

اب مَیں تشدد کرنے کا عادی نہیں رہا (‏ویب‌سائٹ تے مضمون)‏