2.‏ سانوں یہوواہ دی عبادت کیس طرحاں کرنی چاہی دی اے؟‏

یہوواہ ساڈا خالق اے۔ ایس لئی سانوں صرف اوہدی عبادت کرنی چاہی دی اے۔ (‏مکاشفہ 4:‏11‏)‏ ایہدا مطلب ایہہ وے کہ اَسی صرف اوہدے نال پیار کرئیے تے اوہدی عبادت لئی بُتاں تے تصویراں وغیرہ نُوں بالکل استمال نہ کرئیے۔—‏یسعیاہ 42:‏8 نُوں پڑھو۔‏

ساڈی عبادت یہوواہ خدا دِیاں نظراں چ پاک تے پسندیدہ ہونی چاہی دی اے۔ (‏رومیوں 12:‏1‏)‏ ایہدا مطلب اے کہ سانوں یہوواہ دے حکماں تے معیاراں مطابق زندگی گزارنی چاہی دی اے۔ مثال لئی جیہڑے لوک یہوواہ نُوں پیار کردے نیں اوہ شادی دے بندھن بارے اوہدے بنائے ہوئے اصولاں تے معیاراں دی قدر وی کردے نیں۔ اوہ بھیڑے کماں توں وی دُور رہندے نیں جیویں کہ اوہ کسے قسم دا نشہ نئیں کردے، سگریٹ نئیں پیندے تے حدوں ودھ شراب وی نئیں پیندے۔‏a

3.‏ اپنی صحت دا خیال رکھو

یہوواہ دی خدمت کرن والے مسیحی اپنی زندگی اوہدی وڈیائی لئی استمال کردے نیں۔ اوہ اپنی زندگی نُوں اِک طرحاں دی قربانی دے طور تے یہوواہ دے حضور پیش کردے نیں۔ رومیوں 12:‏1، 2 نُوں پڑھو تے فیر ایہناں سوالاں تے گل بات کرو:‏

• توانوں اپنی صحت دا خیال کیوں رکھنا چاہی دا اے؟‏

• تُسی اپنی صحت دا خیال کیویں رکھ سکدے او؟‏