-
ہر معاملے چ سچ تے ایمانداری توں کم لووخوشیاں بھری زندگی پاؤ—ہُن تے ہمیشاں تک—اِک دلچسپ بائبل کورس
-
-
2. اَسی ہر روز ایمانداری کیویں وکھا سکنے آں؟
یہوواہ چاہندا اے کہ اَسی سارے اِک دُوجے نال سچ بولئیے۔ (زکریاہ 8:16، 17) ایس گل دا کیہہ مطلب اے؟ ایہدا مطلب ایہہ وے کہ اَسی اپنے گھر والیاں، اپنے نال کم کرن والیاں تے اپنے مسیحی بھین بھراواں نال ہمیشاں سچ بولئیے۔ سرکاری افسراں نال وی غلطبیانی نہ کرئیے۔ اَسی چوری تے فراڈ کرن توں بچئے۔ (امثال 24:28 تے اِفسیوں 4:28 نُوں پڑھو۔) تے پورا پورا ٹیکس وی بھرئیے۔ (رومیوں 13:5-7) تے اِنج ہر معاملے چ ایمانداری توں کم لئیے۔—عبرانیوں 13:18۔
-
-
سچے مسیحی دُنیا دا حصہ نئیںخوشیاں بھری زندگی پاؤ—ہُن تے ہمیشاں تک—اِک دلچسپ بائبل کورس
-
-
سبق نمبر 45
سچے مسیحی دُنیا دا حصہ نئیں
یسوع مسیح نے اپنے شاگرداں نُوں سکھایا کہ اوہ دُنیا دا حصہ نہ بنن۔ (یوحنا 15:19) دُنیا دا حصہ نہ بنن دا مطلب اے کہ اَسی دُنیا دے کماں چ حصہ نہ لئیے۔ مثال لئی، اَسی سیاسی معاملیاں تے جنگاں چ کسے دی حمایت نہ کرئیے۔ پر اِنج کرنا ہمیشاں اسان نئیں ہوندا۔ ایہدی وجہ توں لوک شاید ساڈا مذاق اُڈان۔ اَسی کیہہ کر سکنے آں تاکہ اَسی یہوواہ دے وفادار رہیے تے دُنیا دا حصہ نہ بنئے؟
1. انسانی حکومتاں بارے سچے مسیحیاں دی سوچ کیہہ اے؟
سچے مسیحی حکومتاں دی عزت کردے نیں۔ یسوع مسیح نے کہیا سی کہ جیہڑیاں شیواں قیصر (یعنی حکومت) دِیاں نیں اوہ قیصر نُوں دَوو۔ (مرقس 12:17) ایس لئی اَسی اپنے ملک دے قانون مننے آں جیویں کہ اَسی ٹیکس وغیرہ دینے آں۔ بائبل توں پتہ چلدا اے کہ انسانی حکومتاں صرف ایس لئی قائم نیں کیونکہ یہوواہ خدا نے اوہناں نُوں حکمرانی کرن دی اجازت دِتی ہوئی اے۔ (رومیوں 13:1) ایس لئی حکومتاں کول اِختیار تے ہے وے پر یہوواہ دے مقابلے چ بوہت گھٹ۔ ساڈا ایمان اے کہ صرف خدا ای اپنی بادشاہی دے ذریعے انساناں دے سارے مسئلیاں نُوں حل کرے گا۔
2. اَسی کیویں ظاہر کر سکنے آں کہ اَسی دُنیا دا حصہ نئیں؟
یسوع مسیح وانگوں اَسی وی سیاسی معاملیاں چ حصہ نئیں لیندے۔ اِک وار جدوں لوکاں نے یسوع دا اِک معجزہ ویکھ کے اوہنوں بادشاہ بنان دی کوشش کیتی تے یسوع نے اِنج نہ ہون دِتا۔ (یوحنا 6:15) پر کیوں؟ کیونکہ یسوع نے بعد چ کہیا کہ میری بادشاہی دا ایس دُنیا نال کوئی تعلق نئیں اے۔ (یوحنا 18:36) اَسی یسوع دے شاگرد آں تے کئی طریقیاں نال ظاہر کر نے آں کہ اَسی ایس دُنیا دا حصہ نئیں۔ مثال لئی، اَسی جنگاں چ حصہ نئیں لیندے۔ (میکاہ 4:3 نُوں پڑھو۔) اَسی قومی جھنڈے یاں دُوجے قومی نشاناں دی عزت کرنے آں پر اوہناں نُوں سلامی نئیں دیندے کیونکہ ایہہ اوہناں دی عبادت کرن دے برابر ہوئے گا۔ (1-یوحنا 5:21) نالے اَسی کسے سیاسی پارٹی یاں کسے اُمیدوار دی نہ تے حمایت کرنے آں تے نہ ای مخالفت۔ اِنج اَسی ظاہر کرنے آں کہ اَسی صرف خدا دی بادشاہی دے حمایتی آں۔
ہور سوچوچار لئی
ایہو جہے حالاتاں بارے سوچو جنہاں چ تُسی دُنیا دا حصہ بنن دے دباؤ چ آ سکدے او۔ فیر ویکھو کہ تُسی ایہناں حالاتاں چ یہوواہ نُوں خوش کرن والا فیصلہ کیویں کر سکدے او۔
3. سچے مسیحی دُنیا دا حصہ نئیں
یسوع مسیح تے اوہدے شاگرداں نے دُنیا دے کماں چ حصہ نہ لین بارے اِک ودھیا مثال قائم کیتی۔ رومیوں 13:1، 5-7 تے 1-پطرس 2:13، 14 نُوں پڑھو۔ ایہدے بعد ویڈیو چلاؤ تے فیر ایہناں سوالاں تے گل بات کرو:
سانوں حکومتاں دی عزت کیوں کرنی چاہی دی اے؟
اَسی کیہڑے طریقیاں نال ظاہر کر سکنے آں کہ اَسی حکومتاں دے فرمانبردار آں؟
جدوں کوئی جنگ ہوندی اے تے کجھ ملک کہندے نیں کہ اوہ ایس جنگ چ کسے وَل وی نئیں۔ پر اصل چ اوہ جنگ کرن والے دونواں مُلکاں دا ساتھ دے رہے ہوندے نیں۔ پر سچے مسیحی جنگاں چ کسے دی حمایت نئیں کردے۔ یوحنا 17:16 نُوں پڑھو۔ ایہدے بعد ویڈیو چلاؤ تے فیر ایس سوال تے گل بات کرو:
دُنیا دے معاملیاں توں الگ رہن چ کیہہ کجھ شامل اے؟
پر جے حکومتاں کوئی ایہو جیہا کم کرن لئی آکھن جیہڑا خدا دے حکماں دے خلاف اے تے فیر سانوں کیہہ کرنا چاہی دا اے؟ اعمال 5:28، 29 نُوں پڑھو۔ ایہدے بعد ویڈیو چلاؤ تے فیر ایہناں سوالاں تے گل بات کرو:
جے حکومتاں دا کوئی قانون خدا دے حکماں نال ٹکرائے تے سانوں کدی گل مننی چاہی دی اے؟
تواڈے خیال چ مسیحی کیہڑی صورت چ حکومتاں دا کہنا نئیں منن گے؟
4. اپنی سوچ تے کماں توں ظاہر کرو کہ تُسی دُنیا دا حصہ نئیں
1-یوحنا 5:21 نُوں پڑھو۔ ایہدے بعد ویڈیو چلاؤ تے فیر ایہناں سوالاں تے گل بات کرو:
اینگے نے کسے وی سیاسی پارٹی دا حصہ بنن تے جھنڈے نُوں سلامی دین توں اِنکار کیوں کیتا؟
تواڈے خیال چ کیہہ اوہدا فیصلہ صحی سی؟
ہور کیہڑیاں صورتاں چ ساڈے لئی دُنیا توں الگ رہنا مشکل ہو سکدا اے؟ ویڈیو چلاؤ تے فیر ایہناں سوالاں تے گل بات کرو:
جدوں کھیڈاں دے عالمی مقابلے ہوندے نیں تے اَسی کسے دی طرفداری کرن توں کیویں بچ سکنے آں؟
اَسی اوہدوں وی طرفداری کرن توں کیویں بچ سکنے آں جدوں سانوں سیاستداناں دے فیصلیاں دی وجہ توں فائدہ یاں نقصان ہوندا اے؟
سیاسی خبراں سنن تے سیاست بارے گل بات کرن والیاں نال دوستی کرن دا تواڈے اُتے کیہہ اثر پے سکدا اے؟
کیہڑے معاملیاں چ اِک مسیحی نُوں اپنی سوچ تے کماں توں ظاہر کرنا چاہی دا اے کہ اوہ دُنیا دا حصہ نئیں اے؟
شاید کوئی پچھے: ”تُسی جھنڈے نُوں سلامی کیوں نئیں دیندے یاں قومی ترانہ کیوں نئیں گاندے؟“
تُسی ایس سوال دا کیہہ جواب دَوو گے؟
خلاصہ
سچے مسیحی اپنی سوچ، گلاں تے کماں توں ایہہ ظاہر کرن دی پوری کوشش کردے نیں کہ اوہ ایس دُنیا دا حصہ نئیں۔
دہرائی
اَسی کیویں ظاہر کر سکنے آں کہ اَسی حکومتاں دے تابعدار آں؟
سانوں سیاسی معاملیاں چ حصہ کیوں نئیں لینا چاہی دا؟
کیہڑیاں صورتاں چ ساڈے لئی دُنیا توں الگ رہنا مشکل ہو سکدا اے؟
ہور جانن لئی
ایس ویڈیو چ ویکھو کہ دُنیا دا حصہ نہ ہون دی وجہ توں سانوں کیہڑیاں قربانیاں دینیاں پے سکدیاں نیں۔
ایس ویڈیو چ ویکھو کہ خاندان پہلاں توں کیویں تیار رہ سکدے نیں تاکہ اوہ دُنیا دا حصہ بنن دے دباؤ چ نہ آن۔
ایس ویڈیو چ ویکھو کہ اپنے ملک لئی لڑنا سب توں وڈا اعزاز نئیں۔
ایس مضمون چ پڑھو کہ نوکری دا فیصلہ کردے ویلے تُسی دُنیا دا حصہ بنن توں کیویں بچ سکدے او۔
ہر شخص اپنا ہی بوجھ اٹھائے گا (مینارِنگہبانی، 1 اپریل 2006)
-