• کیہہ سارے تہوار خدا نُوں پسند نیں؟‏
    خوشیاں بھری زندگی پاؤ—‏ہُن تے ہمیشاں تک—‏اِک دلچسپ بائبل کورس

    • اِفسیوں 5:‏10 نُوں پڑھو تے فیر ایہناں سوالاں تے گل بات کرو:‏

      • کوئی وی تہوار منان توں پہلاں سانوں کیہڑی گل دا پتہ لانا چاہی دا اے؟‏

      • تواڈے علاقے چ کیہڑے تہوار منائے جاندے نیں؟‏

      • کیہہ تواڈے خیال چ اوہ تہوار خدا نُوں پسند نیں؟‏

      مثال لئی، کیہہ تُسی کدی سوچیا اے کہ خدا سالگرہ منان بارے کیہہ محسوس کردا اے؟ بائبل چ خدا دے کسے وی ایہو جہے بندے دا ذکر نئیں مِلدا جنہے سالگرہ منائی ہووے۔ پر ایہدے چ دو بندیاں دا ذکر کیتا گیا اے جنہاں نے سالگرہ منائی۔ پر اوہ دونویں یہوواہ دی عبادت نئیں کردے سن۔ پیدایش 40:‏20-‏22 تے متی 14:‏6-‏10 نُوں پڑھو۔‏ فیر ایہناں سوالاں تے گل بات کرو:‏

      • دونویں بندیاں دی سالگرہ تے کیہہ ہویا سی؟‏

      • ایہناں موقعیاں تے جو کجھ ہویا اوہدے بارے پڑھ کے کیہہ توانوں لگدا اے کہ یہوواہ خدا نُوں سالگرہ منانا پسند اے؟‏

      شاید تُسی سوچو کہ جے میں سالگرہ یاں کوئی ہور جھوٹھا تہوار مناواں گا تے کیہہ یہوواہ واقعی ایہدے توں ناراض ہوئے گا؟ خروج 32:‏1-‏8 نُوں پڑھو۔‏ فیر ویڈیو چلاؤ تے ایہناں سوالاں تے گل بات کرو:‏

      ویڈیو:‏ رسماں تے تہوار جیہڑے خدا نُوں پسند نئیں (‏07:‏5)‏

      • سانوں ایہہ کیوں پتہ لانا چاہی دا اے کہ یہوواہ نُوں کیہڑے کم پسند نیں؟‏

      • اَسی ایہہ پتہ کیویں لا سکنے آں؟‏

      اَسی ایہہ کیویں جان سکنے آں کہ فلاں تہوار خدا نُوں پسند اے یاں نئیں؟‏

      • کیہہ ایہہ تہوار بائبل دی تلیم دے خلاف اے؟‏ ایس سوال دا جواب جانن لئی ایہہ پتہ لاؤ کہ ایہدی شروعات کیویں ہوئی۔‏

      • کیہہ ایس تہوار تے انساناں، تنظیماں تے قومی نشاناں دی وڈیائی کیتی جاندی اے؟‏ بوہت سارے تہواراں تے اِنج ہوندا اے پر اَسی سب توں زیادہ وڈیائی یہوواہ خدا دی کرنے آں تے مننے آں کہ اوہی سارے مسئلے حل کرے گا۔‏

      • کیہہ ایس تہوار تے ایہو جہے کم ہوندے نیں جیہڑے بائبل دے اصولاں دے خلاف نیں؟‏ کجھ تہواراں تے بوہت بھیڑے کم کیتے جاندے نیں پر اَسی ہر لحاظ نال پاک صاف رہن دی کوشش کرنے آں۔‏

  • تفریح اوہ کرو جیہڑی یہوواہ نُوں پسند آئے
    خوشیاں بھری زندگی پاؤ—‏ہُن تے ہمیشاں تک—‏اِک دلچسپ بائبل کورس
    • سبق نمبر 53۔ اِک خاندان جدے چ ماں، پیو تے اِک دھی اے ٹی‌وی ویکھ رہے نیں۔‏

      سبق نمبر 53

      تفریح اوہ کرو جیہڑی یہوواہ نُوں پسند آئے

      یہوواہ خوش رہن والا خدا اے۔ (‏1-‏تیمُتھیُس 1:‏11‏)‏ اوہ چاہندا اے کہ اَسی وی خوش رہیے تے زندگی دا مزہ لئیے۔ جدوں اَسی آرام کرن تے کھیڈن لئی وقت کڈھنے آں تے اوہ خوش ہوندا اے۔ ایس سبق چ اَسی سکھاں گے کہ اَسی اپنے فارغ وقت نُوں کیویں استمال کر سکنے آں تاکہ اَسی وی خوش ہوئیے تے یہوواہ وی خوش ہوئے۔‏

      1.‏ ایہہ فیصلہ کردے ویلے سانوں کیہڑیاں گلاں نُوں ذہن چ رکھنا چاہی دا اے کہ اَسی کیہو جہی تفریح کراں گے؟‏

      جدوں تُسی تھوڑا فارغ ہوندے او تے تُسی کیہہ کرنا پسند کردے او؟ کجھ لوک گھر بیٹھ کے کوئی کتاب پڑھدے نیں، گانے سُن دے نیں، کوئی فلم ویکھدے نیں یاں فیر اِنٹرنیٹ استمال کردے نیں۔ کجھ لوک اپنے دوستاں نال باہر گھمن پھرن جاندے نیں یاں فیر کوئی کھیڈ کھیڈدے نیں۔ اَسی بھانویں کجھ وی کرئیے سانوں ایس گل دا خیال رکھنا چاہی دا اے کہ ساڈے مالک نُوں کیہڑے کم پسند نیں۔‏ (‏اِفسیوں 5:‏10‏)‏ ایہہ ایس لئی ضروری اے کیونکہ اَج کل تفریح دے ناں تے ایہو جہے کم ہوندے نیں جنہاں توں یہوواہ نُوں نفرت اے جیویں کہ مارکٹائی، جادوٹونا تے بدکاری وغیرہ۔ (‏زبور 11:‏5 نُوں پڑھو۔)‏ فیر ایہہ فیصلہ کرن چ کیہڑی چیز ساڈی مدد کرے گی کہ اَسی چنگی تفریح کرئیے؟‏

      جے اَسی یہوواہ نُوں پیار کرن والے لوکاں نال دوستی کراں گے تے ایہدا ساڈے تے چنگا اثر ہوئے گا تے اَسی تفریح وی اوہ کراں گے جیہڑی یہوواہ نُوں پسند آئے۔ اَسی ایہہ گل پہلاں سکھ چُکے آں کہ جیہڑا بندہ دَنا لوکاں نال چلدا اے اوہ دَنا ہوئے گا۔ پر جے ساڈا اُٹھنا بیٹھنا ایہو جہے لوکاں نال اے جنہاں نُوں یہوواہ دے معیاراں دی کوئی پرواہ نئیں تے سانوں بڑا نقصان ہوئے گا۔—‏امثال 13:‏20۔‏

      2.‏ سانوں ایس گل دا خیال کیوں رکھنا چاہی دا اے کہ اَسی تفریح چ کِنّاں وقت لانے آں؟‏

      بھانویں کہ اَسی خدا دے معیاراں مطابق تفریح کرئیے، پر فیر وی سانوں ایہدے چ بوہت زیادہ وقت نئیں لانا چاہی دا۔ تفریح نُوں بوہتا وقت دین دی وجہ توں ساڈے کول زیادہ اہم چیزاں لئی وقت نئیں بچے گا۔ بائبل چ سانوں نصیحت کیتی گئی اے کہ اپنے وقت نُوں بہترین طریقے نال استمال کرو۔‏‏—‏اِفسیوں 5:‏15، 16 نُوں پڑھو۔‏

      ہور سوچ‌وچار لئی

      غور کرو کہ تُسی تفریح بارے صحی فیصلے کیویں کر سکدے او۔‏

      3.‏ غلط تفریح توں بچو

      سانوں ایہہ فیصلہ سوچ سمجھ کے کیوں کرنا چاہی دا اے کہ اَسی کیہو جہی تفریح کراں گے؟ ویڈیو چلاؤ تے فیر ایہناں سوالاں تے گل بات کرو:‏

      ویڈیو:‏ تفریح بارے سوچ سمجھ کے فیصلہ کرو (‏39:‏4)‏

      • پرانے زمانے چ روم دے کجھ کھیڈ اَج کل دے کھیڈاں ورگے کیویں سن؟‏

      • ڈینی نے تفریح بارے کیہڑی گل سکھی؟‏

      رومیوں 12:‏9 نُوں پڑھو تے فیر ایس سوال تے گل بات کرو:‏

      • ایہہ ایت صحی تفریح چُنن چ تواڈی مدد کیویں کر سکدی اے؟‏

      اوہ کیہڑیاں چیزاں نیں جنہاں توں یہوواہ نُوں نفرت اے؟ امثال 6:‏16، 17 تے گلتیوں 5:‏19-‏21 نُوں پڑھو۔‏ ہر ایت نُوں پڑھن دے بعد ایس سوال تے گل بات کرو:‏

      • ایہناں ایتاں چ کیہڑیاں چیزاں دا ذکر کیتا گیا اے جیہڑیاں اَج کل دی تفریح چ عام نیں؟‏

      تفریح بارے صحی فیصلہ کرن لئی اپنے

      آپ کولوں پچھو:‏

      • کیہہ ایہدے چ کوئی ایہو جہی چیز تے نئیں جدے توں یہوواہ نفرت کردا اے؟‏

      • کیہہ ایہدی وجہ توں میں زیادہ اہم کم نئیں کر سکاں گا؟‏

      • کیہہ ایہدی وجہ توں میرا وا ایہو جہے لوکاں نال پئے گا جیہڑے یہوواہ نُوں پیار نئیں کردے؟‏

      جیویں خطرے توں دُور ای رہنا چنگا ہوندا اے اونویں ای ایہو جہی تفریح توں وی دُور رہنا چنگا اے جیہڑی ساڈے لئی صحی نئیں۔‏

      اِک کار اِک پہاڑی رستے دے بالکل کنارے تے چل رہی اے۔ کار دا پچھلا حصہ کھائی وَل نُوں جا رہیا اے۔‏

      4.‏ اپنے وقت نُوں سمجھ‌داری نال استمال کرو

      ویڈیو چلاؤ تے فیر ایس سوال تے گل بات کرو:‏

      ویڈیو:‏ تواڈا وقت جاندا کتھے وے؟‏ (‏45:‏2)‏

      • ایس ویڈیو چ جیہڑا بندہ وکھایا گیا اے، اوہ غلط تفریح تے نئیں کر رہیا سی پر جیویں اوہ اپنا وقت استمال کر رہیا سی، اوہدا اوہدے اُتے کیہہ اثر ہو رہیا سی؟‏

      فِلپّیوں 1:‏10 نُوں پڑھو تے فیر ایس سوال تے گل بات کرو:‏

      • ایس ایت دی مدد نال اَسی ایہہ فیصلہ کیویں کر سکنے آں کہ سانوں تفریح چ کِنّاں وقت لانا چاہی دا اے؟‏

      5.‏ صحی تفریح چُنو

      تفریح دِیاں بوہت ساریاں قسماں یہوواہ نُوں پسند نئیں۔ پر فیر وی اَسی بوہت سارے ایہو جہے کم کر سکنے آں جنہاں توں سانوں خوشی مِل سکدی اے تے جنہاں توں یہوواہ وی ناراض نئیں ہوندا۔ واعظ 8:‏15 تے فِلپّیوں 4:‏8 نُوں پڑھو تے فیر ایس سوال تے گل بات کرو:‏

      • تُسی کیہو جہی تفریح کرنا پسند کردے او؟‏

      تصویراں:‏ فرق فرق عمراں دے لوک مناسب تفریح کر رہے نیں۔ اِک کُڑی گانے سن رہی اے تے ڈرائنگ کر رہی اے۔ 2.‏ تِن منڈے باسکٹ بال کھیڈ رہے نیں۔ 3.‏ دو منڈے سائیکل چلا رہے نیں۔ 4.‏ اِک بچہ گڈی نال کھیڈ رہیا اے۔ 5.‏ اِک بندہ میوزک ڈرم وجا رہیا اے۔ 6.‏ اِک منڈا اپنے پیو نال مِل کے ویڈیو گیم کھیڈ رہیا اے۔ 7.‏ اِک کُڑی تصویر کیچ رہی اے۔‏

      تُسی چنگی تفریح کر کے خوشی حاصل کر سکدے او۔‏

      کجھ لوکاں دی رائے:‏ ”‏ایہو جہی تفریح چ کوئی بُرائی نئیں جدے چ مارکٹائی، جادوٹونا یاں بدکاری وغیرہ وکھائی جاندی اے کیونکہ میں آپ تے اوہ کم نئیں کردا ناں۔“‏

      • تواڈا کیہہ خیال اے؟‏

      خلاصہ

      یہوواہ چاہندا اے کہ اَسی ایہو جہی تفریح کرئیے جدے توں سانوں خوشی ملے تے جیہڑی اوہدے معیاراں دے خلاف وی نہ ہوئے۔‏

      دہرائی

      • مسیحیاں نُوں کیہو جہی تفریح توں دُور رہنا چاہی دا اے؟‏

      • سانوں ایس گل دا خیال کیوں رکھنا چاہی دا اے کہ اَسی تفریح چ کِنّاں وقت لانے آں؟‏

      • توانوں ایہو جہی تفریح کیوں چُننی چاہی دی اے جیہڑی یہوواہ دے معیاراں دے مطابق ہووے؟‏

      ہُن ایہہ کرو

      ہور جانن لئی

      ایس مضمون چ پڑھو کہ ایہہ فیصلہ کنہوں کرنا چاہی دا اے کہ تُسی کیہو جہی تفریح کرو گے۔‏

      کیہہ یہوواہ دے گواہ کجھ فلماں،‏ گانیاں تے کتاباں تے پابندی لاندے نیں؟‏ (‏ویب‌سائٹ تے مضمون)‏

      ایس مضمون چ پڑھو کہ تُسی تفریح بارے صحی فیصلے کیویں کر سکدے او۔‏

      کیا آپ صحیح تفریح کا انتخاب کرتے ہیں؟‏ (‏مینارِنگہبانی،‏ 1 اکتوبر 2011)‏

      آپ‌بیتی ”‏مَیں نے تعصب کرنا چھوڑ دیا“‏ چ پڑھو کہ اِک بندے نے غلط تفریح نُوں کیوں چھڈ دِتا۔‏

      پاک کلام کی تعلیم زندگی سنوارتی ہے (‏مینارِنگہبانی دا مضمون)‏

      ایس ویڈیو چ ویکھو کہ اِک ماں ایہو جہی تفریح چھڈن دا فیصلہ کیوں کردی اے جدے چ بُرے فرشتیاں نال تعلق رکھن والیاں چیزاں وکھائیاں جاندیاں نیں۔‏

      بدروحواں والے پروگرام ویکھن توں بچو (‏02:‏2)‏