ایت پڑھن دا مقصد سمجھاؤ

یوحنا 10:‏33-‏36

خلاصہ:‏ ایت پڑھ کے بس اگلی گل تے نہ چلے جاؤ سگوں سنن والیاں نُوں دَسو کہ ایت دا اوس نکتے نال کیہہ تعلق اے جدے تے تُسی گل کر رہے او۔‏

تُسی کیہہ کر سکدے او؟‏

• خاص لفظاں تے دھیان دَواؤ۔‏ ایت پڑھن توں بعد اوہناں لفظاں تے زور دَوو جنہاں دا تعلق اوس نکتے نال اے جدے تے تُسی گل کر رہے او۔ ایہدے لئی تُسی ایت چ لکھے خاص لفظاں نُوں دُہرا سکدے او یاں کوئی ایہو جیہا سوال پچھ سکدے او جدے نال لوکاں دا دھیان اوہناں لفظاں وَل ہو جائے۔‏

• خاص نکتے تے زور دَوو۔‏ جے تُسی ایت پڑھن توں پہلاں دَسدے او کہ ایہدے ذریعے تُسی کیہڑا نکتہ سمجھاؤنا چاہندے او تے فیر ایت پڑھن توں بعد اوہناں لفظاں تے زور دَوو جیہڑے اوس نکتے نال تعلق رکھدے نیں۔‏

• ایت پڑھن دا مقصد سادہ طریقے نال سمجھاؤ۔‏ ایت چ لکھی ہر گل نُوں سمجھاؤن دی لوڑ نئیں۔ ایہہ گل دھیان چ رکھو کہ سنن والے موضوع بارے پہلاں توں ای کِنّاں کوُ جان دے نیں۔ فیر فیصلہ کرو کہ تُسی اوہناں نُوں ایت پڑھن دا مقصد سمجھاؤن لئی ہور کِنّاں کجھ دَسو گے۔ ایس طرحاں سنن والے سمجھ جان گے کہ اوہناں نُوں کیہہ کرنا چاہی دا اے۔‏