موضوع دی اہمیت سمجھاؤ

یسعیاہ 48:‏17

خلاصہ:‏ لوکاں دی ایہہ سمجھن چ مدد کرو کہ جیہڑے موضوع تے تُسی گل کر رہے او، اوہدا اوہناں دی زندگی تے کیہہ اثر ہوئے گا۔ نالے اوہ اوہناں گلاں تے کیویں عمل کر سکدے نیں جیہڑیاں اوہ سُن رہے نیں۔‏

تُسی کیہہ کر سکدے او؟‏

• اوہناں بارے سوچو جنہاں نال تُسی گل کرو گے۔‏ سوچو کہ جیہڑیاں گلاں تُسی دَس رہے او، اوہ سنن والیاں لئی ضروری کیوں نیں۔ نالے غور کرو کہ تواڈے موضوع دے کیہڑے نکتیاں توں اوہناں نُوں خاص طور تے فائدہ ہوئے گا۔‏

• ساری گل‌بات دے دوران سمجھاؤ کہ معلومات تے عمل کیویں کیتا جا سکدا اے۔‏ تواڈی گل‌بات دے شروع توں ای ہر اِک نُوں لگنا چاہی دا اے کہ ”‏ایہہ معلومات میرے لئی ضروری نیں۔“‏ ہر خاص نکتے تے گل کردے ہوئیاں سنن والیاں نُوں سمجھاؤ کہ اوہ ایہدے تے عمل کیویں کر سکدے نیں۔ گھماپھرا کے نئیں سگوں صاف صاف گل کرو۔‏