گیت نمبر 3
تُوں ساڈا سہارا، تُوں ساڈی امید
(امثال 14:26)
1. اَے یہوواہ تُوں دے کے امید
خوشی نال بھر دِتا
خواہش اے کہ ایس امید نال
ہووے جہان روشن
ہوندا دل جد دُکھ دے بوجھ تھلے
خوف دا سایہ چھا جاندا
فیر امید دا روشن دِیوا
بجھن لگ جاندا اے
(کورس)
تُوں ساڈا سہارا،
تُوں ساڈی امید
کردا پوری تُوں ہر کمی
بلبوتے تیرے ہی
دیندے گواہی
دلیری دا تُوں سر چشمہ
2. اَے یہوواہ ساڈے دلاں نُوں
کدی نہ بُھلن دے
جد تُوں ساتھ دِتا دُکھاں چ
ساڈے زخم بھرے
ایہناں یاداں توں ملے خوشی
روشن ہو جاندی امید
تیرا ناں بلند کراں گے
دلیری نال بھر کے
(کورس)
تُوں ساڈا سہارا،
تُوں ساڈی امید
کردا پوری تُوں ہر کمی
بلبوتے تیرے ہی
دیندے گواہی
دلیری دا تُوں سر چشمہ
(زبور 72:13، 14؛ امثال 3:5، 6، 26؛ یرمیاہ 17:7 نُوں وی ویکھو۔)