¿Nikʼ ne irubʼan chi ne inqakanaaʼ qʼorik ruukʼ i kʼachareel?

Mi jenoʼ kʼachareel irubʼan jenoʼ pahqanik qeh ruum chi iraaj runabʼeem chi manlik oon ruum chi reʼ irukapaaj maʼ irukʼam ta riibʼ ruukʼ inqanimaj eh iraaj chi ne inqaqʼor rubʼehel reh, maʼ ne ta irubʼan chi ne inqakanaaʼ qʼorik ruukʼ. Inqaaj qʼorik kuukʼ taqeh kʼachareel reʼ «rukʼul chi keh chi naakehchaam i juneliik kʼacharik» (Hech. 13:48).

Xa reʼ laʼ, mi inqil chi reʼ kʼachareel kaqrinaq oon xa sikʼij peleeto iraaj oon maʼ imponik ta chuwach chi ne qojqʼorik ruukʼ, ne irubʼan chi ne inqakanaaʼ qʼorik ruukʼ pan rukorkiil (Prov. 17:14). Ne irubʼan chi ne inqaqʼor reh chi naqojiik chik, xa reʼ laʼ pan chaqʼlamiil. Ruum chi maʼ qehtʼal ta, mi reʼ kʼachareel pan jenoʼ chik qʼiij ne iraaj qʼorik quukʼ (1 Ped. 2:12).