Chakoj awiibʼ pan ruyeʼaabʼ i kʼachareel

Reʼ xubʼan i Jesús

VIDEO: Reʼ Jesús noq iril jun tzuhbʼ chi kʼachareel iruketelaaj kiwach

1. Chawil i VIDEO, oon chawil i Marcos 6:​30-34. Chi riij i reʼ tiqʼoroq chi riij taqeh pahqanik wilih:

1. ¿Chaaj woʼ reet i Jesús eh taqeh ru-apóstol xkaaj wihʼik pan jenaj yeʼaabʼ xa chi kutkeel?

2. ¿Chaaj woʼ reet i Jesús xraaj ruqʼorom i kʼuhbʼaal keh i jun tzuhbʼ chi kʼachareel?

¿Chajariik inqatijej ruukʼ i xukʼuhtaaj i Jesús?

2. Noq inqakoj qiibʼ pan kiyeʼaabʼ i kʼachareel, inqakʼuhtaaj chi tiʼ inqikʼraaj taqeh eh maʼ xa reʼ ta qʼorik kuukʼ chi riij i akʼ kʼuhbʼaal.

Chatijej aweh i xubʼan i Jesús

3. Ticholoq bʼirinik. Chakanaaʼ chi reʼ kʼachareel ne inqʼorik eh maʼamin awiibʼ chi qʼorik. Wilaʼ wilik jenoʼ rupahqaniik oon iruqʼor aweh chajariik irikʼraaj eh irukapaaj, maʼakʼuhtaaj chi maʼxta inawaaj reh. Mi inabʼiraj chi korik, reʼ kʼachareel ne irukoj rehtaal chi inawaaj atobʼeem ruukʼ i kʼahchiʼ rukapaam.

4. Chakapaaj chi riij i kʼachareel. Maʼ insahchik pan akʼux i xaqʼor taq chik eh chakapaaj:

1. «¿Chaaj woʼ reet ko ruman chi ne irunabʼeej i korik?».

2. «¿Nikʼwach naq ne intobʼjik pan rukʼachariik yuʼnaak eh chuwach taqeh qʼiij chalik reh mi xutijej chi riij i Santo Laj Huuj?».

5. Chakoj taqeh naʼojbʼal reʼ ne inkamanik reh i kʼachareel. Chakʼuhtaaj reh nikʼwach jenoʼ tijinik chi riij i Santo Laj Huuj ne intobʼjik ruukʼ taqeh rupahqaniik eh jeʼ woʼ chi ne intobʼjik ruukʼ reh reh ruwiiʼ.