Matyoʼjik chi ruqʼorariik i korik

Reʼ xubʼan i Jesús

VIDEO: Reʼ Jesús iruyeew runaʼojbʼal jenaj kʼijool wilik rajaawriik eh bʼehoom

1. Chawil i VIDEO oon chawil i Marcos 10:​17-22. Chi riij i reʼ tiqʼoroq chi riij taqeh pahqanik wilih:

1. ¿Chajariik i holohik laj naʼojbʼal xril i Jesús reh i kʼijool wilik rajaawriik?

2. ¿Chaaj woʼ reet ko ruman chi reʼ Jesús xukʼuhtaaj i kʼaxooj eh maʼ xyoʼjik ta chi ruyeʼariik runaʼojbʼal i winaq wilih?

¿Chajariik inqatijej ruukʼ i xukʼuhtaaj i Jesús?

2. Wilaʼ inqaaj chi reʼ taqeh qajtijineel ne kikʼihik pan uxlabʼal, ko ruman chi naqaqʼoriik kuukʼ pan chaqʼlamiil. Xa reʼ laʼ, maʼ na ta qayoʼjiik chi ruqʼorariik keh chajariik i nakijalam pan kikʼachariik.

Chatijej aweh i xubʼan i Jesús

3. Chatobʼeej awajtijineel chi ne irukoj taqeh rumeta eh chi ne irubʼan rubʼanariik.

1. Chakoj i recuadro «Chabʼan i wilih» reh i juʼjun chi lección reh i huuj ¡Chasuqkileej akʼachariik!

2. Chatobʼeej awajtijineel reh runabʼjiik chajariik i narubʼanam reh rubʼanariik taqeh rumeta reʼ kichahmik kiʼibʼ ixibʼ poh eh taqeh kichahmik haabʼ.

3. Chayeew rusuqkiil rukʼux awajtijineel ruukʼ taqeh kʼahchiʼ rujalam pan rukʼachariik.

4. Chakoj pan ruman taqeh kʼaxkilal reʼ irubʼan chi reʼ awajtijineel maʼ inkʼihik ta pan uxlabʼal eh chatobʼeej reh rikʼsjiik taqeh.

1. Chakapaaj:

   • «Wilaʼ reʼ wajtijineel maʼ kʼahchiʼ ta rukʼihiik pan uxlabʼal reh chi ne iruqahsaj ruhaaʼ, ¿chajariik kʼahchiʼ ruqʼatwik reh?».

   • «¿Chajariik ne inubʼan reh rutobʼjiik?».

2. Chapahqaaj reh i Jehová chi ne iruyeew akowiil reh ruqʼorariik reh awajtijineel pan chaqʼlamiil chajariik i ko ruman chi narubʼanam reh chi ne inkʼihik pan uxlabʼal.

5. Ne irubʼan chi ne inakanaaʼ ruyeʼariik rutijiniik awajtijineel wilaʼ maʼ inkʼihik ta pan uxlabʼal.

1. Reh chi ne inanabʼeej mi ko naʼayeʼem rutijiniik, ne irubʼan chi ne inakapaaj chi riij taqeh pahqanik wilih:

   • «¿Irukoj na pan rukʼachariik i ajtijineel i kʼahchiʼ rutijem?».

   • «¿Imponik na chupaam taqeh moloj iibʼ eh inqʼorik na chi riij i korik kuukʼ taqeh tokoom?».

   • «Mi irukʼam chik qʼiij chi tijinik, ¿irukʼuhtaaj na chi iraaj ponik chi testigo reh Jehová?».

2. Wilaʼ reʼ ajtijineel maʼ irukʼuhtaaj ta chi kʼahchiʼ rukʼihik pan uxlabʼal:

   • Chatobʼeej reh chi ne irureq chi riij chaaj woʼ reet maʼ kʼahchiʼ ta chi kʼihik pan uxlabʼal.

   • Chaqʼor reh pan rukorkiil chaaj woʼ reet naʼakanaam i tijinik ruukʼ.

   • Chaqʼor reh pan rukorkiil chajariik taqeh jalooj narubʼanam mi iraaj woʼ chik rukʼulum rutijiniik chi riij i Santo Laj Huuj.