Maʼ nimbʼisaj awiibʼ

Reʼ xubʼan i Pablo

VIDEO: Reʼ Pablo iruqʼor i kʼuhbʼaal reh i rey Agripa

1. Chawil i VIDEO oon chawil i Hechos 26:​2, 3. Chi riij i reʼ tiqʼoroq chi riij taqeh pahqanik wilih:

1. ¿Nikʼwach xukʼuhtaaj i Pablo chi maʼ xunimbʼisaj ta riibʼ noq xqʼorik ruukʼ i reey Agripa?

2. ¿Nikʼwach xukʼuhtaaj i Pablo chi xuyeew ruloqʼil i Jehová eh i ruqʼorbʼal eh maʼ reʼ ta chi riij i reh? (Chawil i Hechos 26:22).

¿Chajariik inqatijej ruukʼ i xukʼuhtaaj i Pablo?

2. Maʼ kʼaxik ta chi keh i kʼachareel chi ne inkibʼiraj i kʼahchiʼ qaqʼorom mi qojqʼorik kuukʼ ruukʼ loqʼil eh maʼ inqanimbʼisaj ta oq qiibʼ.

Chatijej aweh i xubʼan i Pablo

3. Maʼ akʼuhtaaj chi chuʼnchel awehtʼal. Maʼ abʼan chi reʼ kʼachareel ne irikʼraaj riibʼ chi maʼxta i rehtʼal chawach i hat, tiqʼoroq ruukʼ pan rukorkilaal eh ruukʼ loqʼil.

4. Chakʼuhtaaj reh chi chuʼnchel inaqʼor wilik pan Santo Laj Huuj. Reʼ i ruqʼorbʼal i Dios ne irutzʼaʼj i kanima taqeh kʼachareel. Noq inqakoj, inqatobʼeej taqeh chi reʼ kikojbʼal chʼiklik chi korik.

5. Xa chʼubʼik oq wach akʼux. Reʼ qajwaam maʼ reʼ ta choqik. Ruum aj reʼ, reʼ inqakʼuhtaaj maʼ inqaaj ta qaminim keh i kʼachareel. Noq inqaqahsaj qiibʼ qojrutobʼeej reh chi hoj chʼubʼik eh reh rehtʼeljiik nikʼ ne inqakanaaʼ qʼorik (Prov. 17:14; Tito 3:2). Wilaʼ reʼ hat tiqʼorik pan chaqʼlamiil eh inakʼuhtaaj i chʼubʼik wach kʼuxliis, mareh ne irubʼan chi reʼ kʼachareel ne iraaj qojrubʼiram pan jun riim chik.