Lepin Padahk kan

15 Sapengki ngihl kadek* kin kameleilei lingeringer,+

Ahpw lokaia lemei* kin kamwakidada lingeringer.+

 2 Me loalokong kin koasoia soahng mwahu kan me e ese,+

Ahpw me pweipwei kin kapwilewei lokaia pweipwei.

 3 Silangin Siohwa kin mahmahsanih wasa koaros,

E kin ketin mahmahsanih me suwed oh me mwahu.+

 4 Lokaia mwahu* kin rasehng tuhkehn mour,+

Ahpw lokaia widing kin kahrehda mworus.

 5 Aramas pweipwei kin mwamwahliki en eh pahpa kaiahn,+

Ahpw aramas me ahneki lamalam mwahu kin ale kopwung.*+

 6 Mie kepwe tohto nan imwen aramas pwung men,

Ahpw wahn* aramas suwed men kin wadohng ih kahpwal.+

 7 Kilin ewen me loalokong kin kaparapeseng loalokong,+

Ahpw mohngiong en me pweipwei sohte kin.+

 8 Meirong en me suwed kin kasaut ong Siohwa,+

Ahpw kapakap en me pwung kin kaperenda kupwure.+

 9 Siohwa kin ketin kalahdeki elen me suwed,+

Ahpw e kin ketin poakohng mehmen me kin nantihong wia dahme pwung.+

10 Kaiahn kin mwomwen suwed* ong mehmen me kin soikala ahl pwung,+

Ahpw mehmen me kin kailongki peneu pahn mehla.+

13 Mohngiong peren kin kahrehda mas peren,

Ahpw mohngiong nsensuwed kin kauwehla pepehm.*+

14 Mohngiong me ahneki koahiek en wehwehki kin rapahki loalokong,+

Ahpw ewen me pweipwei kin perenki* mehkot pweipwei.+

15 Mour en aramas lokolok men kin suwed ahnsou koaros,+

Ahpw aramas me ahneki mohngiong peren* kin pousehlahte kamakamadipw.+

16 Aramas me ahneki kepwe malaulau oh lemmwiki Siohwa+

Mwahusang me uhdahn kepwehpwe oh pil pwunod.*+

17 Tungoale wahntuhke nan wasa me mie limpoak+

Mwahusang tungoale kouwol mworourou* nan wasa me mie kailok.+

18 Aramas me kin mwadang en lingeringer kin kahrehda pei,+

Ahpw aramas me kin pwand en lingeringer kin kameleileidi akamai.+

19 Elen me pohnkahke kin rasehng kehl tekatek,+

Ahpw elen me pwung kin rasehng ahl patapat.+

20 Pwutak loalokong men kin kaperenda seme,+

Ahpw me pweipwei men kin mwamwahliki ine.+

21 Pweipwei kin kaperen ong mehmen me sohte ahneki lamalam mwahu,*+

Ahpw aramas me ahneki dehde mwahu kin inenweite.+

22 Koasoandi kan sohte kin pweida ma sohte koasoakoasoipene,*

Ahpw sang sounkaweid tohto e pahn pweida.+

23 Aramas emen kin perenda ni eh kihda pasapeng pwung,*+

Oh ia uwen mwahu en lokaia me kin wiawi ni ahnsou me konehng!+

24 Aramas me ahneki dehde mwahu kin keid pohn elen mour me ukadahla,+

E kin soikala ahl me ukedilahng Sousou.*+

25 Siohwa pahn ketin karangkehdi imwen aramas aklapalap,+

Ahpw e pahn ketin pere irepen sapwen liohdi.+

26 Siohwa kin ketin kalahdeki pilahn en aramas suwed,+

Ahpw e kin ketin kupwurperenki koasoi kansenamwahu kan.+

27 Aramas me kin wiahda mwohni ni ahl mwersuwed kin wahdo kahpwal* nan eh peneinei,+

Ahpw me kin tatki ale kisakis ni ahl sapwung pahn mour werei.+

28 Aramas pwung kin medemedewe nan eh mohngiong mwohn eh sapeng,*+

Ahpw ewen aramas suwed kin kapwilewei soahng suwed kan.

29 Siohwa kin ketin dohsang aramas suwed,

Ahpw e kin ketin karonge kapakap en aramas pwung.+

30 Mas peren kin kaperenda mohngiong;

Rohng mwahu kin kakehlakahda tih kan.*+

31 Peneu kak doarehla mour,

Mehmen me kin rong peneu pahn loalokongla.+

32 Mehmen me kin kahng ale kaiahn sohte kin kesempwalki eh mour,*+

Ahpw mehmen me kin rong peneu kin alehda koahiek en wehwehki.*+

33 Lemmwin Siohwa iei kaiahn me kin padahngki erpit,+

Oh ma ke kin aktikitik, ke pahn ale wahu.+