9 “Kumwail mwadang pwurala rehn ei pahpao, oh kumwail pahn ndaiong ih, ‘Iet dahme noumw pwutako Sosep ndahn: “Koht ketin idihiehda I en wiahla kaunen Isip pwon.+ Kohdihdo rehi. Komw dehr pwand.+

11 I pahn kihong komwi mwenge wasao, pwe e pahn pil mie sounpar limau en lehk lapalap.+ Pwe ma soh, komwi oh omwi peneinei pahn semwehmwehla oh soahng koaros me komw ahneki pahn sohrala.”’

13 Eri sohla mwenge* nan sahpwo pwon pwehki lehk lapalapo uhdahn uk mehlel, oh aramas akan nan sapwen Isip oh sapwen Kenan luwetkihla lehk lapalapo.+

19 Dahme se pahn mehkihla mwohn silangomwi, kiht oh sapwat kan? Komw pwainkitada oh sapwat kan pwehn wiliankihla mwenge, oh se pahn wiahla lidun Parao oh e pahn sapwenikihla sapwat kan. Komw ketikihong kiht werentuhke pwe sen kak mour oh sohte mehla, oh pwe sapwat kan en dehr tehnla.”