12 Oh Siohwa eri ketin mahsanihong Eipram: “Kohkohsang nan sapwomwen oh rehn kisehmw kan oh peneinei en semomw oh kohla nan sahpw me I pahn kasalehiong uhk.+

3 I pahn kapaiahda irail kan me kin kapaiaiukada, oh I pahn keriahla irail kan me kin keriaiukala,+ oh peneinei koaros en sampah pahn ale kapai ehu ong pein irail pwehki kowe.”+

28 Aisek eri ekerodo Seikop oh kapaiahda ih oh kehkehlingkihong, nda: “Ke dehpa alehda omw pwoud sang rehn serepein en Kenan kan.+

3 Koht me Keieu Manaman pahn ketin kapaiaiuk oh ketin kahrehiong uhk ken kaparaparala oh kihong uhk kadaudokomw tohto, oh ke uhdahn pahn wiahla mwomwohdisohn aramas ehu.+

42 Ma Koht en semeio,+ Koht en Eipraam oh Koht me Aisek kin lemmwikio+ sohte ketiket rehi, ke pahn kadariehla kahiep. Koht ketin mahsaniher ei apwal oh ei doadoahk laud, oh ihme kahrehda e ketin panawihiuk pwohng.”+

12 “Iet me Kaun Wasa Lapalahpie Siohwa ketin mahsanih: ‘Edom wiadahr mwekid en ikih ong aramas en Suda kan oh kahredahr dihp laud ni eh dupukohng irail;+ 13 kahrehda iet me Kaun Wasa Lapalahpie Siohwa ketin mahsanih: “I pil pahn kapahla limeiet ong Edom oh kemehla aramas oh pelinmen kan nan sahpwo, oh I pahn wiahiong en tehnla.+ Sang Deman kohla lel Dedan, irail koaros pahn mehkihla kedlahs.+