17 Eri, menlau mahkohng dipeiet ahnsou wette, oh peki rehn Siohwa amwail Koht en ketikihsang kalokolok wet pohi.” 18 Ih* eri kohieila sang rehn Parao oh wia eh pekipek ong Siohwa.+ 19 Siohwa eri ketin wekidala kisiniengo, oh e uhd wiahla kisinieng en palikapi me kehlail, oh e ipirasang loukust ko oh ipiriraillahng nan Sehd Weitahtao. Sohte emente loukust me luhwehdi nan sapwen Isip pwon.