30 “Mwurin sounpar 40 eh dower powe, tohnleng men ahpw pwarohng ih nan mpwulen kisiniei nan tuhke tekatek kis nan sapwtehn en Nahna Sainai.+ 31 Moses ahpw pwuriamweikihla dahme e kilangadao. Ahpw ni eh kerenlahng pwe en kasawih, e rongada kapitien Siohwa* eh mahsanih: 32 ‘Ngehi me Koht en semomw mehn mahs ako, Koht en Eipraam, Aisek oh Seikop.’+ Moses ahpw tepida rerrer oh masakala kasawih. 33 Siohwa* ahpw ketin mahsanihong: ‘Kihsang omw suht kan ni nehmwen, pwe wasa me ke kesikesihneniehn me sarawi. 34 I uhdahn kilangehr uwen lokolok en nei aramas akan nan Isip, oh I rongehr ar ingihngtik,+ I kohdidohr pwe I en kapitirailla. Eri met, I pahn kadaruhkalahng Isip.’