15 “Kowe eri ale emen sihpw wol ko, oh Aaron oh nah pwutak ko pahn pwil pehrail kan pohn moangen sihpw wolo.+ 16 Kemehla sihpw wolo oh ale ntaho oh usupihki pohn keilen pei sarawio pwon.+ 17 Lupukpene sihpw wolo, oh widenda mwasahle ko+ oh neh ko,* oh koasoanehdi mepwukat iangahki moangeo. 18 Ke pahn isikala sihpw wolo pwon oh wiahda pwehn edinieida pohn pei sarawio. Met iei meirong isihs ehu ong Siohwa, pwoh kansenamwahu ehu.+ Iei meirong ehu sang kisiniei ong Siohwa.

4 E pahn pwil peho pohn moangen meirong isihso, oh Koht ahpw pahn ketin kupwurki meirong wet pwehn wia tomw ong ih.