28 Mehn Israel kan koaros weuwadahla kohpwahn inou lap en Siohwa ni ar weriwerki ar peren,+ iangahki ngilen mehn pepeuk,* sowi kan,+ simpal kan,* oh kesekesengki ni ngihl laud keseng sahl kan oh arp kan.+

12 sounkoul en Lipai kan koaros+ me mi pahn kaweid en Asap,+ Eman,+ Sedudun+ oh neirail pwutak kan oh riarail kan likawih likou kaselel, oh re kolokol simpal kan,* keseng sahl kan oh arp kan; re kesihnen ni palimesehn pei sarawio, oh samworo 120 iang irail pepeuk sowi kan.+

6 Samworo kan kin kesihnen ni ar wasahn doadoahk, duwehte mehn Lipai ko me kesihnen oh kolokol mehn keseng ko pwe ren kouliong Siohwa.+ (Nanmwarki Depit wiahda mehn keseng pwukat pwehn kapingkalahngan ong Siohwa—“pwe sapwellime limpoak loalopwoat me poatopoat”—ni Depit eh kin doadoahngki mepwukat* ong kapinga Koht.) Oh samworo ko peuk sowi ko ni ngihl laud mwohrail,+ nindoken mehn Israel koaros ar kesikesihnen.

10 Ni sounkou ihmw ko ar wiahda poahsoan en tehnpas sarawi en Siohwa,+ samworo kan me likawih arail likou reirei, me kolokol sowi kan,+ oh mehn Lipai kan, kadaudok en Asap kan, me kolokol simpal kan,* ahpw uhda pwe ren kapinga Siohwa nin duwen koasoandien Nanmwarki Depit en Israel.+