32 Kadaudok en Reupen kan+ oh kadaudok en Kad kan+ naineki kiden pelinmen kan, oh re kilang me sapwen Saser+ oh Kilead wia wasa mwahu ehu ong pelinmen kan. 2 Eri kadaudok en Kad kan oh kadaudok en Reupen kan kohdo rehn Moses, samworo Eliesar, oh kaun akan en mwomwohdiso oh nda: 3 “Atarod, Dipon, Saser, Nimra, Espon,+ Eleale, Sipam, Nepo+ oh Peon,+ 4 sahpw me Siohwa ketin kalowehdi mwohn mwomwohdisohn Israel,+ iei sahpw mwahu ehu ong pelinmen kan, oh noumw ladu kat naineki pelinmen tohto.”+ 5 Re doula nda: “Ma se kenikenla rehmwi, sahpwet en kohieng noumwi ladu kat pwe sen sapwenikihla. Komw dehr kahrehiong kiht en kotehla Sordan.”