7 Siohwa eri ketin pwarohng Eipram oh mahsanih: “I pahn kihong kadaudokomw+ sahpw wet.”+ Ih eri kauwada pei sarawi ehu wasao ong Siohwa, me ketin pwarohng ih.

14 Mwurin Lohd eh tohrohrala sang ih, Siohwa ketin mahsanihong Eipram: “Menlau sarada, oh sang wasa me ke mihmi iehn, kilengla paliepeng oh palieir, palimese oh palikapi, 15 pwehki sahpw koaros me ke kilang, I pahn kihong uhk oh kadaudokomw pwe kumwail en sapwenikihla kohkohlahte.+

17 Ni ahnsou me Eipram sounpar 99, Siohwa ketin pwarohng Eipram oh mahsanihong: “Ngehi me Koht me Keieu Manaman. Alu ni ahl me pwung mwohi oh kadehdehda me sohte sapwung kis mi rehmw.*

7 “Oh I pahn kolokolete ei inou lapo nanpwungen ngehi oh kowe+ oh kadaudokomw erein dih kan me pahn kohdo; met wia inou lap poatopoat ehu, pwe I en wia Koht ong kowe oh ong kadaudokomw.