25 Sohl oh nah ohl ako eri kohdo rapahki Depit.+ Ni Depit eh rongada met, ahnsowohte e kohdihla nan paipalapo+ oh mihmi nan sapwtehn en Maon. Ni Sohl eh rongada met, e pwakihala mwurin Depit nan sapwtehn en Maon.

2 Mie ohl emen nan Maon+ me kin doadoahk nan Karmel.*+ Ohlo uhdahn kepwehpwe; e naineki sihpw 3,000 oh kuht 1,000, oh ahnsowo e wie sesehk wunen nah sihpw ko nan Karmel. 3 Ohlo adaneki Napal,+ oh eh pwoudo adaneki Apikail.+ Liho kin koahiek en madamadau oh kaselel, a ohlo, mehn Kalep men,+ me kin lemei, oh eh mwekid me sakanakan.+