19 Rahnwet I wiahki nanleng oh sampah nin duwen sounkadehde kei ong kumwail, me I kihdi mour oh mehla mwohmw, kapai oh keria;+ oh ke anahne pilada mour pwe ken momour,+ kowe oh kadaudokomw kan,+ 20 ni omw poakohng Siohwa omw Koht,+ ni omw rong kapitie, oh ni omw loalopwoatohng ih,+ pwehki ih me omw mour oh pwehki ih ke pahn dadaurete ahnsou werei nan sahpw me Siohwa ketin kahukihla en ketikihong semomw mehn mahs ako, Eipraam, Aisek oh Seikop.”+

21 Elaisa eri kohla rehn aramas ako koaros oh nda: “Ia erein amwail pahn siksikel nanpwungen madamadau riau?*+ Ma Siohwa me Koht mehlel, idawehnla ih;+ ahpw ma Paal, idawehnla ih!” Ahpw aramas ako sohte ndahla lepin lokaia ehu pwehn sapengala ih.