7 Ke pahn kihdi warpwohmwahu pwetepwet* tohr pohn ehuehu koasoakoasoak, oh e pahn meirongala pwehn wiliandi pilawao nin duwen meirong ehu+ sang kisiniei ong Siohwa. 8 Ni ehuehu rahnen Sapad, e pahn kaukaule koasoanehdi met mwohn silangin Siohwa.+ Met iei inou lap poatopoat ehu rehn mehn Israel kan. 9 Met pahn wiahla pweisen Aaron oh nah pwutak kan,+ oh irail pahn tungoale nan wasa sarawi ehu,+ pwehki met iei mehkot me uhdahn sarawi ong samworo sang ni meirong kisiniei kan ong Siohwa, nin duwen koasoandi poatopoat ehu.”

25 Ahpw e mahsanihong irail: “Kumwail sohte kin wadek dahme Depit wia ni ahnsou me solahr kanarail mwenge oh ih oh ienge ohl oko men mwengehda?+ 26 Kumwail sohte kin wadek koasoipen Apaiadar+ kaunen samworo, duwen Depit eh pedolong nan tehnpesen Koht oh tungoale lopwon en pilawahn meirong ko* me sohte kin mweimwei ong emen en tungoale pwe samworo kante,+ e ahpw pil kihong ienge ko ekis?”

3 Ahpw Sises ketin sapeng irail mahsanih: “Kumwail sohte kin wadek dahme Depit wia ni ahnsou me ih oh ienge ohl oko men mwengehda?+ 4 E sou pedolong nan tehnpesen Koht oh ale lopwon en pilawahn meirong ko,* oh tungoale oh kihong ienge ko ekis, me sohte mweimwei ong emen en tungoale pwe samworo kante?”+