21 Mwuhr Depit kohdo Nop+ rehn samworo Ahimelek. Ahimelek ahpw tepida rerrer ni eh tuhwong Depit, oh e ndaiong ih: “Dahme ke kelehpwki, sohte me iang uhk?”+ 2 Depit ahpw sapeng samworo Ahimelek, nda: “Nanmwarkio kaweidkin ie I en wia mehkot, ahpw e nda, ‘Dehr mweidohng emen en esehda duwen pwukoa me I kadarkinuhkowei oh duwen kaweid kan me I kihong uhk.’ I wiahda koasoandi rehn nei mwahnakapw ko sen tuhpene ehu wasa tohrohr.