16 Ni Depit eh ekiste daulihala kadoken dohlo,+ nein Mepiposed sounpapah+ Saipa+ miher mwo pwehn tuhwong ih iangahki dongki riemen me kaunopadahr, oh pohn dongki ko lopwon en pilawa 200, keik reisin 100, keik pik oh deid 100, oh lapalahn sah en wain ehu.+

27 Ni ahnsou me Depit lella Mahanaim, Sopi nein Nahas me kohsang Rappa+ nan sapwen mehn Ammon kan, Makir+ nein Ammiel me kohsang Lodepar, oh Parsilai+ mehn Kilead me kohsang Rokelim 28 ahpw wahdo lohs, peisin, sah pwehl, wihd, parli, pilawa amas, krein inihn, soangen pihns kei,* lendil, krein peleng, 29 sukehn loangalap, pwete, sihpw oh sihs. Irail wadohng Depit oh aramas ako me iang ih mepwukat koaros pwe irail en tungoale,+ pwehki re nda: “Aramas akan duhpeklahr, pwangadahr oh men nimpildahr nan sapwtehno.”+