11 Nahas mehn Ammono+ ahpw kohdahdo oh kauwada impwal kan pwehn uhwong Sapes+ nan Kilead. Ohlen Sapes ko koaros ahpw ndaiong Nahas: “Komw wiahiong kiht ehu inou lapen, oh se pahn papah komwi.”

9 Irail eri ndaiong meninkeder kan me kohdo: “Iei met me kumwail pahn ndaiong ohlen Sapes kan nan Kilead, ‘Lakapw ni ahnsou me ketipin uhdahn karakar, kumwail pahn pitila.’” Meninkeder ko ahpw kohdo oh ndaiong ohlen Sapes ko, oh irail ahpw perenda kowahlap. 10 Ohlen Sapes ko ahpw ndaiong Nahas: “Lakapw se pahn uhpahiong kumwail, oh kumwail en wiahiong kiht soahng koaros me mwahuwong kumwail.”+

11 Mandahn rahno, Sohl nehkpeseng aramas ako ni pwihn siluh, oh irail eri kohla nanwerengen arail kahnimpwalo nin sohrahn* oh kemekemehla mehn Ammon ko+ lao lel ni ahnsou me ketipin karakarala. Irail kan me pitila ahpw tangpeseng, emenemen irail kelehpwla oh tang.