9 Lih nanmwarkien Sipa+ eri rongada duwen Solomon, ih eri kohdo Serusalem pwehn songki Solomon peidek apwal kei.* E lella iangahki pwihn en ladu tohtohie,* iangahki kamel kan me wa lehn palsam* oh kohl+ oh takai kesempwal tohtohie. E kohla rehn Solomon oh koasoiaiong ih soahng koaros me mi nan eh mohngiong.+ 2 Solomon eri sapengala eh peidek kan koaros. Sohte mehkot me apwal ong* Solomon en kawehwehiong liho.

42 Lih nanmwarkien palieir pahn iang dih wet iasada ni Rahnen Kadeik oh pahn kadeikada dih wet, pwe e kohdohsang ni imwin sampah pwe en rong erpit en Solomon.+ Ahpw kilang! emen me lapalapasang Solomon mihmi met.+