37 Nanmwarkio eri mehla, oh e wisikla Sameria; irail eri sarepedi nanmwarkio nan Sameria. 38 Ni ahnsou me re kamwakelehda kurumahn mahweno ni lepin lehn Sameria, kidi kan tamwehsang eh ntao oh lihen netiki paliwararail kan kin duhdu wasao,* nin duwen mahsen me Siohwa ketin mahsanihiero.+

25 Sehu eri ndalahng Pidkar nah opisero: “Pwekada oh keselahng nan mwaht en Napod mehn Sesreelo.+ Taman, kita me dake kurumao* oh tang mwurin semeo Eihap ni ahnsou me Siohwa ketin wiahda kadeik wet ong ih:+ 26 ‘Siohwa ketin mahsanih, “Duwehte ei kilangehr ntahn Napod+ oh ntahn nah pwutak kan aio,” Siohwa ketin mahsanih, “I uhdahn pahn dupukohng+ nan pelien sahpw wet.”’ Eri pwekada oh keselahng nan pelien sahpwo, nin duwen mahsen en Siohwa.”+