25 e ahpw kohlongala oh kesihnenda limwahn eh soumaso. Elisa eri ndaiong ih: “Keasi, ke kohsang ia?” Ahpw e nda: “Sapwellimomwi ladu menet sohte kohla wasa kis.”+ 26 Elisa ahpw ndaiong: “Ke medewe me I sehse me ke pwakihewei ohlo oh e lusdihsang pohn were kurumao pwe en tuhwong uhk? Dah, met ahnsoun ale silper de ale likou de mwetin olip de mwetin kreip de sihpw de kou de ladu ohl de lih?+ 27 Eri met en Nahman tokutoko+ pahn douwong uhk oh kadaudokomw kan kohkohlahte.” Ni ahnsowohte Keasi ahpw tokutokda, pwetepwet duwehte sinoh. Ih eri kohkohlahsang mwohn Elisa.+

4 Nanmwarkio wie koasoakoasoiong Keasi, sounpapah en ohlen Koht mehlelo, ndinda: “Menlau, padahkihong ie soahng kapwuriamwei koaros me Elisa wiadahr.”+