12 Ni omw rahn akan eh pahn imwisekla+ oh ke pahn kommoaldi rehn semomw mehn mahs ako, I ahpw pahn kihda kadaudokomw men me pahn kohdo mwurimw, pein noumw pwutak, oh I pahn kauwada oh katengehdi eh wehi.+ 13 Ih me pahn kauwada tehnpas ehu ong mwareiet,+ oh I pahn kauwada teng mwoalen eh wehio kohkohlahte.+ 14 I pahn wiahla seme oh e pahn wiahla nei pwutak.+ Ni eh pahn wiahda sapwung, I pahn kapwungala ih, oh I pahn panawiheki wowoki nin duwen me aramas* kin wia.+ 15 Ei limpoak loalopwoat sohte pahn pehdsang reh duwehte ei kihsangehr rehn Sohl,+ me I sikenlahsang mwohmw. 16 Omw peneinei oh omw wehi pahn tengeteng mwohmw kohkohlahte; mwoalomwi pahn kokouda teng kohkohlahte.”’”+

17 Nadan eri ndaiong Depit mahsen pwukat koaros oh kasansal wet pwon.+

5 eri I pahn kauwada mwoalen omw wehi pohn Israel kohkohlahte, duwehte ei inoukihong semomwo Depit, mahsanih: ‘Ahnsou koaros e pahn mie ohl emen sang kadaudokomw me pahn mwohndiong nan mwoalen Israel.’+

5 Oh Siohwa ketikihongieier pwutak tohto,+ oh nanpwungen nei pwutak kan koaros, e ketin pilada nei pwutak Solomon+ en mwohd nan mwoalen Siohwa oh kaunda Israel.+

5 Siohwa ketin mahsanih, “Kilang! Rahn akan pahn kohdo ahnsou me I pahn kawosehda pons* pwung ehu sang Depit.+ Oh nanmwarki men pahn kaunda+ oh kasalehda eh dehde oh utung pwung pahrek oh pwung nan sahpwo.+