17 “Ahpw ma omw mohngiong sohpeila+ oh ke sohte rong oh ke pitida oh poaridiong koht teikan oh papah irail,+ 18 I ndaiong kumwail rahnwet me kumwail uhdahn pahn sohrala.+ Kumwail sohte pahn mour werei nan sahpw me kumwail pahn kotehla Sordan pwehn sapwenikihla.

16 Siohwa eri ketin mahsanihong Moses: “Kilang! Ke pahn kereniongehr mehla,* oh aramas pwukat pahn tepida kaudokiong* koht en liki kan me mi limwahrail nan sahpw me re kohkohla ie.+ Re pahn keseiehla+ oh kauwehla ei inou lap me I wiahiong irail.+

24 Ni ahnsou me Moses kanekehla eh ntingihedi mahsen kan en Kosonned wet pwon nan pwuhk ehu,+ 25 Moses kehkehlingkihong mehn Lipai kan me kin wa kohpwahn inou lap en Siohwa, nda: 26 “Ale pwuhken Kosonned wet+ oh kihdi ni keilen kohpwahn+ inou lap en Siohwa amwail Koht, oh e pahn wia mehn kadehde ehu ong uhk wasao.

8 Ke dehr uhdihsang koasoia pwuhken Kosonned wet,+ oh ke anahne wadek ni ngihl tikitik* ni rahn oh nipwong, pwe ken kapwaiada ni keneinei mehkoaros me ntingdier loale;+ ke ahpw pahn pweida oh mwekid ni erpit.+