16 Nanmwarki Solomon wiahda mehn sansar laud 200 sang ni kohl me doalkihda ehu soangen mete tohrohr+ (ehuehu mehn sansar kin kidikidkihla sekel* 600 en kohl)+ 17 oh mehn sansar tikitik 300 sang ni kohl me doalkihda ehu soangen mete tohrohr (ehuehu mehn sansar kin kidikidkihla mina* 3 en kohl). Nanmwarkio eri kihdiong mepwukat nan Imwen Welin Lepanon.+

25 Ni kelimaun sounpar en Nanmwarki Reopoham, Nanmwarki Sisak+ en Isip ahpw kohdahdo mahweniong Serusalem.+ 26 E wahsang dipwisou kesempwal kan en tehnpesen Siohwa oh dipwisou kesempwal kan en tehnpesen nanmwarkio.+ E wahsang mehkoaros, iangahki mehn sansar kohl koaros me Solomon wiahda.+ 27 Nanmwarki Reopoham eri wiahda mehn sansar prons kan pwehn wiliandi mehn sansar ko, oh e kihong mepwukat rehn kaunen sounsilasil kan,* irail me kin sinsile wasahn pedolong en tehnpesen nanmwarkio. 28 Ahnsou koaros me nanmwarkio kin kohla ni tehnpesen Siohwa, sounsilasil kan kin wahda mehn sansar ko, oh mwuri re kin kapwurehdo nan perehn sounsilasil kan.