16 “Ni ahnsowo I padahkihong noumwail sounkopwung kan, ‘Ni amwail pahn karonge repenpwung ehu nanpwungen riamwail kan, kumwail pahn kopwung ni pwung pahrek+ nanpwungen aramas emen oh rie de mehn liki men me kousoan rehmwail.+ 17 Kumwail sohte pahn lipilipilki aramas ni amwail kopwung.+ Kumwail pahn karonge me tikitik men duwehte me lapalap men.+ Kumwail sohte pahn masak aramas,+ pwe kumwail kin kopwung ong Koht;+ oh ma repenpwung ehu me nohn apwal ong kumwail, kumwail pahn wadohng ie, oh I pahn karonge.’+